Kɛ́nsísɔ́ 14:3 - MAWUXÓWÉMA

³ Aniwú Mawu Mavɔmavɔ ka kplá mǐ xwe to énɛ́ ɔ́ mɛ, bɔ mǐ ná kú ɖo ahwangbénu, bɔ asi mǐtɔn lɛ́ɛ kpó vǐ mǐtɔn lɛ́ɛ kpó ná nyí mɛ e ɖu ɖo jǐ mǐtɔn lɛ́ɛ sín ahwankannumɔ? Mǐ lɛ́ kɔ yi Ejípu ɔ́, é nyɔ́ nú mǐ hú ǎ cé?”

Kɛ́nsísɔ́ 14:3 Iomraidhean Croise

Nɛɛmíi 9:17

Yě gbɛ́ tónú se. Yě wɔn nǔ ɖagbe ɖagbe e a wa nú yě lɛ́ɛ. Yě tlí tó, bó ɖe gbeta tɔ́n ɖɔ émí ná lɛ́ lɛ́ kɔ yi kannumɔgbénu émítɔn ɖo Ejípu. Lo ɔ́, hwɛ ka jó yě dó ǎ, ɖó Mawu wɛ a nyǐ; a nɔ sɔ́ hwɛ kɛ mɛ. Mawu nǔbláwǔkúnúmɛtɔ́, xomɛnyɔ́tɔ́, hǔnkútɔ́ wɛ a nyǐ, bɔ xomɛfífá towe ɖó dogbó ǎ.

Ɖɛhan 78:40

Azɔn mɔ̌kpán wɛ yě fɔ́n gǔ dó jǐ tɔn ɖo gbětótló mɛ; azɔn mɔ̌kpán wɛ yě dó xomɛsin n'i ɖo axéko énɛ́ lɛ́ɛ jí.

Tíntɔ́n 16:3

Izlayɛ́li ví lɛ́ɛ ɖɔ nú yě ɖɔ: “Hwenu e mǐ nɔ xá dó lanzɛ́n bó nɔ́ ɖu nǔ gɔ́ xo ɖo Ejípu ɔ́, é nyí Mawu Mavɔmavɔ ko hu mǐ hwenɛ́nu wɛ ɔ́, é nyɔ́ hú. Đó mi kplá mǐ wá gbětótló élɔ́ mɛ, bó ná jó mǐ mɛ tobutóbú élɔ́ lɛ́ɛ dó, bɔ mǐ ná kú adɔ.”

Tíntɔ́n 5:21

bó ɖɔ nú yě ɖɔ: “Mawu Mavɔmavɔ ní kpɔ́n nǔ e mi wa ɔ́, bó ɖɔ hwɛ tɔn xá mi. Mi wɛ zɔ́n bɔ axɔ́sú Ejípu tɔn ɔ́ kpó azaglɔ́gán tɔn lɛ́ɛ kpó gbɛ́ wǎn nú mǐ. Mi wɛ sɔ́ ahwanfunnú e yě ná dó hu mǐ ɔ́ dó alɔ mɛ nú yě.”

Jelemíi 42:14

mi gbɔ bó yí Ejípu ɔ́, é nyɔ́ hú. Ahwan ɖě ɖo dɔ̌n ǎ, mǐ ná se lanzo sín gbe e nɔ ɖe xlɛ́ ɖɔ ahwan bɛ́ ɔ́ ɖě ɖo dɔ̌n ǎ, adɔ ɖě ná dó ya nú mǐ ɖo Ejípu ǎ. Dɔ̌n wɛ mǐ na yí nɔ.

Jelemíi 42:19

Jelemíi lɛ́ ɖɔ: “Judáanu lɛ́ɛ mi, mi mɛ e kpo lɛ́ɛ ɔ́, Mawu Mavɔmavɔ gbɛ́ nú mi ɖɔ mi ma yi Ejípu ó. Mi ní ka tunwun ganjí ɖɔ un ɖɔ nú mi égbé din.

Jelemíi 9:3

Mɛ ɖokpó ɖokpó ní cɔ́ éɖée dó xɔ́ntɔn tɔn wú; è ma ka gán jɛ nɔví mɛ tɔn wú ó, ɖó nɔví ɖo nɔví tɔn ba ná flú wɛ, bɔ xɔ́ntɔn ɖo xɔ́ntɔn tɔn nǔ ɖɔ kpé wɛ.

Kɛ́nsísɔ́ 11:20

lo ɔ́, mi ná ɖu xɔ sun ɖokpó kpíkpé; mi ná ɖu káká bɔ é ná kpé kɔ nú mi; mi ná ɖu káká bɔ é ná nɔ́ tɔ́n gbɔn awɔntín mɛ nú mi, ɖó mi gbɛ́ wǎn nú nyɛ Mawu Mavɔmavɔ e ɖo tɛ́ntin mitɔn ɔ́; mi hlún nǔ ɖɔ ɖo nukɔn ce, bó ɖɔ: ‘Aniwú wɛ mǐ ká tɔ́n sín Ejípu tawun?’ ”

Kɛ́nsísɔ́ 16:13

A kplá mǐ sín to e mɛ nyibúnɔ́sin kpó wǐin kpó ɖo sisa ɖe wɛ ɔ́ mɛ, bó ná hu mǐ ɖo gbětótló mɛ. É ɖo mɔ̌ có énɛ́ ɔ́ kó kpé we ǎ, bɔ a jlǒ ná kpa acɛ nú mǐ gǎn mǐtɔn wɛ a nyǐ ɖɔhun.

Kɛ́nsísɔ́ 20:3

Togun Izlayɛ́li tɔn ba xó Mɔyízi nu, bó ɖɔ n'i ɖɔ: “Hwenu e Mawu Mavɔmavɔ ɖo nǔ wa xá nɔví mǐtɔn lɛ́ɛ wɛ bɔ yě ɖo kúkú wɛ ɔ́, mǐ lɔ gbɔ bo kú yě ɖɔhun ɔ́, é ná kó nyɔ́ hú!

Kɛ́nsísɔ́ 21:5

Bɔ mɛ lɛ́ɛ jɛ nǔ hlún ɖɔ dó Mawu kpó Mɔyízi kpó wú jí ɖɔ: “Aniwú mi ka kplá mǐ tɔ́n sín Ejípu bɔ mǐ ná kú jɛ gbětótló mɛ fí? Đó nǔɖuɖu ɖe ɖo fí ǎ; sin ka ɖe ǎ. Wamamɔnɔ nǔɖuɖu élɔ́ cikɔ nú mǐ.”

Mɛsɛ́dó 7:39

“Lo ɔ́, tɔ́gbó mǐtɔn lɛ́ɛ jló ná se tónú n'i ǎ, lobo gbɛ́ xó tɔn, bó jló ná lɛ́ kɔ yi Ejípu,

Sɛ́nflínmɛ 1:39

Énɛ́ ɔ́ gúdo ɔ́, Mawu Mavɔmavɔ ɖɔ nú mi mɛ bǐ ɖɔ: “Mi nɔ ɖɔ mɛ e ná ɖu ɖo émí jí lɛ́ɛ ná bɛ́ vǐ mitɔn lɛ́ɛ. Din ɔ́, vǐ mitɔn énɛ́ lɛ́ɛ e má kó tunwun nǔ ɖagbe kpó nǔ nyanya kpó ǎ lɛ́ɛ wɛ ná byɔ́ to ɔ́ mɛ. Yě wɛ ná yí to ɔ́ bɔ é ná nyí yětɔn.