Kɛ́nsísɔ́ 14:23 - MAWUXÓWÉMA

²³ ɖokpó ná mɔ to e un dó akpá tɔn nú tɔ́gbó yětɔn lɛ́ɛ ɖɔ un ná ná yě ɔ́ ǎ. Yě mɛ e gbɛ́ wǎn nú mì lɛ́ɛ ɖě ná mɔ to ɔ́ ǎ.

Kɛ́nsísɔ́ 14:23 Iomraidhean Croise

Nɛɛmíi 9:23

A nǎ vǐ yě bɔ é sukpɔ́ káká sunví e ɖo jǐxwé lɛ́ɛ ɖɔhun. A kplá yě yi Kanáa tomɛ. Kanáa to ɔ́ wɛ a ko ná tɔ́gbó yětɔn lɛ́ɛ ɖɔ yě ní yí.

Ɖɛhan 106:26

Énɛ́ ɔ́ wú ɔ́, é wá sɔ́ alɔ dó jǐ, bó xwlé ɖɔ émí ná jó yě dó, bɔ yě bǐ ná kú ɖo gbětótló mɛ.

Ɖɛhan 95:11

Énɛ́ ɔ́, un sin xomɛ bó xwlé nǔ ɖɔ: Yě ná byɔ́ to e mɛ un ná ná gbɔjɛ́ yě ɖe ɔ́ mɛ ǎ.”

Jelemíi 18:10

Lo ɔ́, nú akɔta énɛ́ bló nǔ e un gbɛ́ wǎn ná ɔ́, bó má ɖótó mì ǎ ɔ́, un ná jó nǔ ɖagbe e un ko ɖɔ un ná bló n'i ɔ́ dó.

Ezekiyɛ́li 20:15

Amɔ̌, un ɖɔ nú yě ɖo gbětótló ɔ́ mɛ dɔ̌n ɖɔ un kún sɔ́ ná kplá yě yi to e mɛ anɔ̌sin kpó wǐin kpó nɔ́ sa tɔ ɖe, bɔ un dó akpá tɔn nú yě ɔ́ mɛ ó; to e nyɔ́ ɖɛkpɛ hú to lɛ́ɛ bǐ ɔ́ wɛ.

Kɛ́nsísɔ́ 26:64

Izlayɛ́li ví e sín kɛ́n Mɔyízi kpó vɔ̌sánú-xwlémawutɔ́ Aalɔ́ɔn kpó sɔ́ ɖo gbětótló Sinayíi tɔn ɔ́ mɛ lɛ́ɛ ɖěbǔ ɖo Izlayɛ́li ví énɛ́ lɛ́ɛ mɛ ǎ.

Kɛ́nsísɔ́ 26:65

É sɔ́ kpo yě ɖě ǎ, ɖó Mawu Mavɔmavɔ ko ɖɔ nú yě ɖ'ayǐ ɖɔ yě bǐ ná kú ɖo gbětótló mɛ, bɔ é kún sɔ́ ná kpo mɛ ɖé zɛ Kalɛ́bu Yefunnɛ́ɛ ví ɔ́ kpó Jozuwée Nuni ví ɔ́ kpó wú ó.

Kɛ́nsísɔ́ 32:11

‘Mɛ élɔ́ lɛ́ɛ e gosín Ejípu lɛ́ɛ ɔ́, yě mɛ e ɖó xwe ko lɛ́ɛ kpó yě mɛ e ɖó hú mɔ̌ lɛ́ɛ kpó ɖěbǔ ná mɔ ayǐkúngban e sín akpá un dó nú Ablaxámu, Izáki, kpódó Jakɔ́bu kpó ɔ́ ǎ. Đó yě nɔ gbejí nú mì yi kpé ǎ.

Sɛ́nflínmɛ 1:8

Éɖíe, un ná to ɔ́ mi. Mi yi yí, ɖó to e sín akpá nyɛ Mawu Mavɔmavɔ dó nú tɔ́gbó mitɔn Ablaxámu, kpó Izáki kpó Jakɔ́bu kpó ɖɔ un ná ná vǐ yětɔn lɛ́ɛ nɛ́.”

Eblée 4:3

Mǐ mɛ e ɖi nǔ lɛ́ɛ ɔ́, mǐ ná byɔ́ gbɔjɛ́ énɛ́ ɔ́ mɛ; gbɔjɛ́ énɛ́ e wú Mawu ɖɔ xó dó bó ɖɔ: “Đo xomɛsin ce mɛ ɔ́, un xwlé nǔ bó ɖɔ: ‘Yě ná byɔ́ to e mɛ un ná ná gbɔjɛ́ yě ɖe ɔ́ mɛ gbeɖé ǎ.’ ” Xó e Mawu ɖɔ é nɛ́; é ká kó wa azɔ̌ tɔn fó sín hwenu e é ko ɖó gbɛ ɔ́ dó é ɖokpóó.