Kɛ́nsísɔ́ 14:21 - MAWUXÓWÉMA

²¹ Amɔ̌, nyɛ Mawu Mavɔmavɔ ɔ́, un ɖo gbɛ, bɔ susu ce kpé ayǐkúngban ɔ́ bǐ jǐ.

Kɛ́nsísɔ́ 14:21 Iomraidhean Croise

Ɖɛhan 57:6

Mawu, ɖe susu towe xlɛ́ zɛ jǐxwé wú; ɖe susu towe xlɛ́ gbɔn ayǐkúngban ɔ́ bǐ jí!

Ɖɛhan 72:19

Jɛlijɛli nú nyǐkɔ tɔn káká sɔ́yi. Susu tɔn ní gba kpé ayǐkúngban ɔ́ bǐ jí. Amǐ! Amǐ!

Tíntɔ́n 9:16

Lo ɔ́, un jó we dó nyi gbɛ bó ná ɖe hlɔ̌nhlɔ́n ce xlɛ́ we, lobɔ nyǐkɔ ce ná gba kpé ayǐkúngban ɔ́ bǐ jí.

Ezayíi 49:18

Kpɔ́n gǔdo bó kpɔ́n nukɔn, kpɔ́n aɖisí bó kpɔ́n amyɔ: vǐ towe lɛ́ɛ bǐ ɖo yěɖée sɛ kplé wɛ bó ja gɔ̌n towe. Nyɛ Mawu Mavɔmavɔ ɖɔ: Un xwlé nyiɖée nú we: jɛ̌ wɛ vǐ towe lɛ́ɛ ná nyí ɖo kɔ nú we; sɔ́nyijí e nyɔ̌nu e xwe asúxwé yɔ̌yɔ́ é nɔ́ gbá é wɛ yě ná nyí ɖo alin nú we.

Ezayíi 6:3

Yě nɔ́ sú xó sɛ́ dó yěɖée ɖɔ: “Mǐmɛ́! Mǐmɛ́! Mǐmɛ́ wɛ Mawu Mavɔmavɔ Nǔbǐwúkpétɔ́ ɔ́ nyí. Susu tɔn gɔ́ gbɛ ɔ́ bǐ.”

Jelemíi 22:24

Mawu Mavɔmavɔ ɖɔ nú Jelemíi ɖɔ é ní ɖɔ nú Yoyakini Judáa xɔ́sú, Yoyakímu ví ɔ́ ɖɔ: “A na bo cí alɔkɛ́ e nɔ ɖo alɔ aɖisí nú mɛ bɔ è nɔ dó ɖó wuntun nǔ ná ɔ́ ɖɔhun nú mì ɔ́, un na ɖe we sín alɔ.

Ezekiyɛ́li 18:3

Nyɛ Aklúnɔ Mavɔmavɔ xwlé nyiɖée nú mi, bó ɖo ɖiɖɔ nú mi wɛ, mi sɔ́ ná dó lǒ énɛ́ ɖě gbeɖé kpɔ́n ɖo Izlayɛ́li ǎ.

Ezekiyɛ́li 20:36

Un ná ɖó hwɛ nú mi lě e un ɖó hwɛ nú tɔ́gbó mitɔn lɛ́ɛ gbɔn ɖo gbětótló Ejípu tɔn mɛ é. Xó e nyɛ Aklúnɔ Mavɔmavɔ ɖɔ é nɛ́.

Ezekiyɛ́li 33:11

Ɖɔ nú yě ɖɔ nyɛ Aklúnɔ Mavɔmavɔ ɔ́, un xwlé nyiɖée ɖɔ: Un ba gbeɖé kpɔ́n ɖɔ mɛ nyanya ní kú ǎ. Nǔ ɖokpó e ba wɛ un ɖe ɔ́ wɛ nyí ɖɔ é ní lɛ́ kɔ sín hwɛ tɔn lɛ́ɛ gúdo, bó nɔ gbɛ. Izlayɛ́li ví lɛ́ɛ mi, kɛnklɛ́n wɛ un dó nú mi, mi lɛ́ kɔ sín hwɛ mitɔn lɛ́ɛ gúdo. Étɛ́wú mi ɖésúnɔ ká ná jló bó ná kú?

Ezekiyɛ́li 33:27

“Hwɛ gbɛtɔ́ e, dǒ wɛn élɔ́ yě nú mì. Ɖɔ nú yě ɖɔ: ‘Nyɛ Aklúnɔ Mavɔmavɔ ɔ́, un xwlé nyiɖée nú mi ɖɔ: Mi mɛ e kpo bo ɖo toxo e è ko gba lɛ́ɛ mɛ lɛ́ɛ ɔ́, è nǎ hu mi bǐ. Mi mɛ e hɔn yi cí gběgbó mɛ lɛ́ɛ ɔ́, kanlin ná wlí mi ɖu. Mi mɛ e hɔn yi cí sókan mɛ, bó ɖo sónu mɛ sónu mɛ lɛ́ɛ ɔ́, jɛmɛjí ná hu mi.

Ezekiyɛ́li 5:11

“Nyɛ Aklúnɔ Mavɔmavɔ ɔ́, un xwlé gbɛ ce bó tɛ ɖɛ̌ jí ɖɔ mi zé bǒcyɔ mitɔn lɛ́ɛ kpó suɖunú mitɔn lɛ́ɛ kpó dó hɛn xwé ce blí. Din ɔ́, ahwan ná wlí mi bǐ; è nǎ xwlɛ́ ta nú mi bó xwlɛ́ atán nú mi; mɛ ɖěbǔ sín nǔ ná blá wǔ nú mì ǎ; un ná ɖe mɛɖé kpo ǎ, ɖó mi mɛ́ ǎ.

Xabakúku 2:14

Mɛ e ná tunwun susu Mawu Mavɔmavɔ tɔn ɖo ayǐkúngban jí lɛ́ɛ ná sukpɔ́ sin e ɖo xu mɛ é ɖɔhun.

Sofoníi 2:9

Énɛ́ ɔ́ wútu wɛ Mawu Mavɔmavɔ Nǔbǐwúkpétɔ́ ɔ́, Mawu Izlayɛ́li tɔn ɔ́ zin alɔ dó akɔ́n bó ɖɔ: “Un ɖɔ bo tɛ afɔ jí ɖɔ Mɔwabu to ɔ́ kpó Amumɔ́ɔ to ɔ́ kpó ná gba Sodɔ́mu kpó Gomɔ́ɔ kpó ɖɔhun . To yětɔn ná húzú gbětótló káká sɔ́yi. Wunkan kpó jɛ kpó kɛ́ɖɛ́ jɛ́n è nǎ nɔ mɔ ɖo fínɛ́. Mɛ e ná kpo ɖo gbɛ ɖo togun ce mɛ lɛ́ɛ ná wá fɔ nǔ yětɔn lɛ́ɛ, bó ná yí to yětɔn.”

Kɛ́nsísɔ́ 14:28

Mi yi ɖɔ nú yě ɖɔ: ‘Nyɛ Mawu Mavɔmavɔ ɔ́, un ɖo gbɛ; xó e mi ɖɔ bɔ un se lɛ́ɛ wɛ un ná dó wa nǔ xá mi.

Matíe 6:10

Axɔ́súɖuɖu towe ní wá; jlǒ towe ní nyí wiwa ɖo ayǐkúngban jí fí, lě e é nɔ nyí wiwa ɖo sɛ́xwé ɔ́ ɖɔhun.

Sɛ́nflínmɛ 32:40

Un dlɛ́n alɔ dó jǐ, bó ɖe gbeta tɔ́n ɖɔ: Un ɖo gbɛ tɛgbɛ!