Kɛ́nsísɔ́ 14:2 - MAWUXÓWÉMA

² Yě bǐ ɖó gbe kpɔ́, bó jɛ nǔ hlún ɖɔ dó Mɔyízi kpó Aalɔ́ɔn kpó wú jí, bó nɔ́ ɖɔ nú yě ɖɔ: “Ényí mǐ kó kú ɖo Ejípu ɔ́, é nyɔ́ hú; abǐ ényí mǐ gbɔ bó kú ɖo gbětótló ɔ́ mɛ fí ɔ́, é nyɔ́ hú!

Kɛ́nsísɔ́ 14:2 Iomraidhean Croise

1 Axɔ́sú 19:4

Bɔ é ɖésúnɔ ɔ́ ɖi zɔnlin gbɔn gbětótló mɛ nú kéze ɖokpó, bó yi jínjɔ́n jenɛ́ɛtín ɖé sá. É ɖo biba wɛ ɖɔ émí ní kú. É ɖɔ: “Din ɔ́, Mawu Mavɔmavɔ, agbɔ̌n kpé mì! Yǐ gbɛ ce, ɖó nyɛ nyɔ́ hú tɔ́gbó ce lɛ́ɛ ǎ.”

Jɔ̌bu 3:11

Aniwú un ma ka kú ɖo nɔ ce xomɛ ǎ? Aniwú un ma ka lɛ́ kɔ ɖo ajidonu ǎ?

Ɖɛhan 106:24

Yě hu tɛ́ nú to e mɛ gbɛ ɖe é, ɖó yě ɖi nǔ nú xó e Mawu Mavɔmavɔ ɖɔ ɔ́ ǎ.

Ɖɛhan 106:25

Yě nɔ́ húnhún nǔ ɖɔ ɖo goxɔ yětɔn lɛ́ɛ mɛ, yě bló nǔ e é ɖɔ é ɖě ɖ'é jí ǎ.

Ɖɛhan 106:45

É flín akɔ e é jɛ xá yě é, bɔ nǔ yětɔn blá wǔ n'i, ɖó xomɛnyínyɔ́ tɔn d'agba.

Tíntɔ́n 14:11

Yě kanbyɔ́ Mɔyízi ɖɔ: “Yɔdo ɖo Ejípu ǎ wú wɛ a kplá mǐ bɔ mǐ ná wá kú jɛ gbětótló mɛ fí lě a? Aniwú wɛ a kplá mǐ sín Ejípu?

Tíntɔ́n 15:24

Énɛ́ ɔ́, togun ɔ́ jɛ nǔ hlún ɖɔ dó Mɔyízi wú jí ɖɔ: “Étɛ́ wɛ mǐ nǎ nu?”

Tíntɔ́n 17:3

Kɔ ɖo Izlayɛ́li ví lɛ́ɛ xú wɛ ɖésú, bɔ yě ɖo nǔ hlún ɖɔ dó Mɔyízi jí wɛ ɖɔ: “Étɛ́wú a kplá mǐ sín Ejípu, bó ná jó mǐ kpó vǐ mǐtɔn lɛ́ɛ kpó, kpódó kanlin mǐtɔn lɛ́ɛ kpó dó bɔ mǐ ná wɛ́n vɛ̌?”

Jonási 4:3

Din ɔ́, Mawu Mavɔmavɔ, gbɔ bo hu mì; ɖó un kú din ɔ́, é nyɔ́ nú mì hú un nɔ gbɛ.”

Jonási 4:8

Ée hwe wá tɔ́n ɔ́, Mawu sɛ́ jɔhɔn ɖé dó sín zǎnzǎnhwe jí, bɔ jɔhɔn ɔ́ nɔ́ mɛ mɛ. Hwesivɔ́ ɔ́ hun dó Jonási ta káká bɔ é ɖibla xɛ́ nǔ, bó gbɔ bó byɔ́ kú. É ɖɔ: “Un gbɔ bo kú din ɔ́, é nyɔ́ nú mì hú un nɔ gbɛ.”

Kɛ́nsísɔ́ 11:1

É wá su gbe ɖokpó, bɔ Izlayɛ́li ví lɛ́ɛ jɛ gbɛvíhan dó sɛ́ dó Mawu Mavɔmavɔ jí, bɔ é nyɔ́ nukún tɔn mɛ ǎ. Ée Mawu Mavɔmavɔ se gbɛvíhan e dó wɛ yě ɖe ɔ́, xomɛ sin i, bɔ é sɛ́ myɔ dó yě, bɔ sin ɖa nǔ ɖo fí e yě ɖǒ gɔnu ɖó ɔ́ ɖo akpá ɖokpó.

Kɛ́nsísɔ́ 11:15

Nú mɔ̌ jɛ́n a nǎ wa nǔ ce gbɔn hǔn, gbɔ bo hu mì; énɛ́ ɔ́, un ná mɔ ɖɔ a nyɔ̌ xomɛ dó wǔ ce, bɔ un sɔ́ ná ɖo gbɛ bo ná ɖo wǔvɛ́ élɔ́ mɔ wɛ ǎ.”

Kɛ́nsísɔ́ 11:5

Mǐ ɖo nǔ e mǐ nɔ́ ɖu vɔ̌nu ɖ'ayǐ ɖo Ejípu lɛ́ɛ flín wɛ: hweví, kɔnkɔ́nbu, ayǐkpɛn, mǎ, ayomása, áyo.

Kɛ́nsísɔ́ 14:1

Gbe énɛ́ gbe zǎn mɛ ɔ́, Izlayɛ́li ví lɛ́ɛ ɖo xó sú wɛ, bó ɖo avǐ ya wɛ.

Kɛ́nsísɔ́ 14:22

Yě mɛ e mɔ susu ce, bó mɔ nǔjíwǔ e un bló ɖo Ejípu, bó bló ɖo gbětótló mɛ lɛ́ɛ, yě mɛ énɛ́ lɛ́ɛ e tɛ́n mì kpɔ́n azɔn mɔ̌kpán, lobo ma ɖótó mì ǎ lɛ́ɛ ɔ́,

Kɛ́nsísɔ́ 16:13

A kplá mǐ sín to e mɛ nyibúnɔ́sin kpó wǐin kpó ɖo sisa ɖe wɛ ɔ́ mɛ, bó ná hu mǐ ɖo gbětótló mɛ. É ɖo mɔ̌ có énɛ́ ɔ́ kó kpé we ǎ, bɔ a jlǒ ná kpa acɛ nú mǐ gǎn mǐtɔn wɛ a nyǐ ɖɔhun.

Kɛ́nsísɔ́ 17:6

Ée Mawu Mavɔmavɔ ɖɔ xó énɛ́ ɔ́ nú Mɔyízi bɔ ayǐ hɔ́n ɔ́, togun Izlayɛ́li tɔn ɔ́ bǐ jɛ nǔ hlún ɖɔ dó Mɔyízi kpó Aalɔ́ɔn kpó wú jí. Yě ɖɔ nú yě ɖɔ: “Mi hu togun Mawu Mavɔmavɔ tɔn ɔ́.”

Kɛ́nsísɔ́ 20:2

Togun ɔ́ mɔ sin ǎ, bɔ mɛ lɛ́ɛ fɔ́n gǔ dó Mɔyízi kpó Aalɔ́ɔn kpó jí.

Kɛ́nsísɔ́ 20:3

Togun Izlayɛ́li tɔn ba xó Mɔyízi nu, bó ɖɔ n'i ɖɔ: “Hwenu e Mawu Mavɔmavɔ ɖo nǔ wa xá nɔví mǐtɔn lɛ́ɛ wɛ bɔ yě ɖo kúkú wɛ ɔ́, mǐ lɔ gbɔ bo kú yě ɖɔhun ɔ́, é ná kó nyɔ́ hú!

Kɛ́nsísɔ́ 20:4

Aniwú wɛ mi kplá togun Mawu Mavɔmavɔ tɔn ɔ́ wá gbětótló mɛ fí, bɔ mǐ ná kú jɛ fí, mǐ kpó kanlin mǐtɔn lɛ́ɛ kpó?

Kɛ́nsísɔ́ 21:5

Bɔ mɛ lɛ́ɛ jɛ nǔ hlún ɖɔ dó Mawu kpó Mɔyízi kpó wú jí ɖɔ: “Aniwú mi ka kplá mǐ tɔ́n sín Ejípu bɔ mǐ ná kú jɛ gbětótló mɛ fí? Đó nǔɖuɖu ɖe ɖo fí ǎ; sin ka ɖe ǎ. Wamamɔnɔ nǔɖuɖu élɔ́ cikɔ nú mǐ.”

1 Kɔlɛ́ntinu 10:10

Mi ɖó ná hlún nǔ ɖɔ lě e mɛɖé lɛ́ɛ bló gbɔn ɖo yě mɛ, bɔ wɛnsagun e nɔ hu mɛ ɔ́ wá hu yě ɔ́ ǎ.

Sɛ́nflínmɛ 1:27

Mi nɔ goxɔ mitɔn lɛ́ɛ mɛ, bó húnhún nǔ ɖɔ bó ɖɔ: “Wǎn wɛ Mawu Mavɔmavɔ gbɛ́ nú mǐ wú wɛ é ɖe mǐ tɔ́n sín Ejípu. É jló ná jó mǐ nú Amɔliti lɛ́ɛ, bɔ yě ná hu mǐ wú wɛ é bló mɔ̌.

Sɛ́nflínmɛ 9:23

Mɔ̌ jɛ́n hwenu e Mawu Mavɔmavɔ sɛ́ mi dó Kadɛ́ci-Baanɛ́ya, bó ɖɔ mi ní yi to e émí ná mi é mɛ ɔ́, mi ma se tónú nú Mawu Mavɔmavɔ, Mawu mitɔn ǎ é nɛ́; mi ɖeji dó wǔ tɔn ǎ; mi ké ya nú xó e ɖɔ wɛ é ɖe lɛ́ɛ é ǎ.

Eblée 3:16

Mɛ̌ e mɛ̌ e ka se Mawu sín gbe bó fɔ́n gǔ dó jǐ tɔn? Yě mɛ e Mɔyízi ɖe tɔ́n sín Ejípu lɛ́ɛ bǐ wɛ.

Judi 1:16

Mɛ énɛ́ lɛ́ɛ ɔ́, nǔɖé nɔ jɛ yětɔn jí gbeɖé ǎ; vo sa wɛ jɛ́n yě nɔ ɖe; yě nɔ zán gbɛ yětɔn lě e é jló yě gbɔn é; yě nɔ yí nu go, bó nɔ klɔ́ mɛ, bó ná dó mɔ nǔɖé yí ɖo mɛ sí.