Kɛ́nsísɔ́ 14:19 - MAWUXÓWÉMA

¹⁹ Mawu Mavɔmavɔ, kɛnklɛ́n kpɔ́n dó xomɛnyínyɔ́ towe wú, bó zé hwɛ e togun élɔ́ hu ɔ́ kɛ ɛ, lě e a ko nɔ bló gbɔn n'i sín Ejípu káká wá jɛ fí é.”

Kɛ́nsísɔ́ 14:19 Iomraidhean Croise

1 Axɔ́sú 8:34

nɔ jǐxwé dɔ̌n, bó ɖótó yě, bó sɔ́ hwɛ kɛ togun towe Izlayɛ́li, bó kplá yě wá ayǐkúngban e a nǎ tɔ́gbó mǐtɔn lɛ́ɛ ɔ́ jí.

Ɖɛhan 106:45

É flín akɔ e é jɛ xá yě é, bɔ nǔ yětɔn blá wǔ n'i, ɖó xomɛnyínyɔ́ tɔn d'agba.

Ɖɛhan 78:38

Amɔ̌, éyɛ́ ɔ́, mɛ nú nɔ́ blá wǔ n'i, bɔ é nɔ́ sɔ́ hwɛ kɛ yě, bó sú kún yětɔn dó ǎ. Hwe gěgé nu ɔ́, é nɔ́ jó xó dó; é nɔ́ lɔn bó nɔ́ sin xomɛ ǎ, é nɔ́ lɔn bó nɔ́ zé adǎn e jí é ɖe ɔ́ bǐ dó wa nǔ ná ǎ.

Ɖɛhan 85:2

Mawu Mavɔmavɔ, a sɔ́ nukún ɖagbe dó kpɔ́n to towe; a zě Jakɔ́bu ví lɛ́ɛ ɖó tɛn e mɛ yě ɖe ɖ'ayǐ é mɛ.

Tíntɔ́n 32:32

Din ɔ́, kɛnklɛ́n sɔ́ hwɛ yětɔn kɛ yě, é má ká nyí mɔ̌ ǎ hǔn, bo súnsún nyǐkɔ ce e a wlǎn dó gbɛwéma mɛ ɔ́ síin.”

Tíntɔ́n 33:17

Mawu Mavɔmavɔ ka yí gbe nú Mɔyízi ɖɔ: “Un ná bló nǔ e a ɖɔ din é lɔ; ɖó un ná fɛ́nú ce we, ɖó hwi wɛ nyí mɛ e un tunwun tawun é.”

Tíntɔ́n 34:9

bó ɖɔ: “Aklúnɔ, nú a nǎ fɛ́nú towe mì nǔgbó hǔn, kɛnklɛ́n bó wá nɔ tɛ́ntin mǐtɔn; togun élɔ́ ɔ́, tótlítɔ́ wɛ é nyí. Lo ɔ́, sɔ́ hwɛ e mǐ hu lɛ́ɛ kpódó nǔ e mǐ wa nyi do lɛ́ɛ kpó kɛ mǐ, bó yí mǐ dó yí togun towe.”

Ezayíi 55:7

Mɛdídá lɛ́ɛ ní jó walɔ nyanya dó, mɛ nyanya lɛ́ɛ ní jó linlin baɖabaɖa dó. Yě bǐ ní lɛ́ kɔ wá Mawu Mavɔmavɔ gɔ́n, ɖó é ná kú nǔbláwǔ nú yě. Yě bǐ ní wá Mawu mǐtɔn gɔ́n, ɖó Mawu mǐtɔn ɔ́, hwɛsɔ́kɛmɛ nɔ cikɔ n'i ǎ.

Daniyɛ́li 9:19

Aklúnɔ, ɖǒ tó mǐ! Aklúnɔ, zě hwɛ mǐtɔn lɛ́ɛ kɛ mǐ! Aklúnɔ, ayi towe ní nɔ mǐ wú! Mawu ce, kpɔ́n dó wǎn yíyí towe wú, bó wá jɛ hun dó to élɔ́ kpó togun élɔ́ kpó jí, ɖó nyǐkɔ towe wɛ è ylɔ́ dó yě jí.”

Amɔ́si 7:2

Ée wɛn ɖu gběhan e ɖo to ɔ́ mɛ lɛ́ɛ bǐ ɔ́, un ɖɔ: “Aklúnɔ Mavɔmavɔ, kɛnklɛ́n sɔ́ hwɛ e togun towe hu ɔ́ kɛ ɛ. É má nyí mɔ̌ ǎ ɔ́, éé mɛ e hwe sɔ mɔ̌ ɔ́, nɛ̌ wɛ é ka ná sixú lɛ́ nɔ gbɛ gbɔn?”

Amɔ́si 7:5

Énɛ́ ɔ́, un ɖɔ: “Aklúnɔ Mavɔmavɔ, kɛnklɛ́n gbɔ. É má nyí mɔ̌ ǎ ɔ́, togun towe e hwe sɔ mɔ̌ ɔ́, nɛ̌ wɛ é ná lɛ́ sixú nɔ gbɛ gbɔn?”

Jonási 3:10

Mawu mɔ lě e wa nǔ gbɔn wɛ yě ɖe ɔ́, bó mɔ ɖɔ yě jó jijɔ nyanya yětɔn lɛ́ɛ dó. Énɛ́ ɔ́ wútu ɔ́, é lɛ́ lɛ́ kɔ wá gbeta e é kó ɖe tɔ́n ɔ́ jí, bɔ nǔ nyanya e dán é gblɔ́n nú yě ɔ́, é sɔ́ bló ǎ.

Jonási 4:2

É xo ɖɛ sɛ́ dó Mawu Mavɔmavɔ bó ɖɔ: “Mawu Mavɔmavɔ, é má nyí nǔ e ɖɔ wɛ un ɖe hwenu e un kpo ɖo to ce mɛ ɔ́ nɛ́ a? Nǔ e gbɛ́ wɛ un ɖe bó hɔn ɖidó Taasísi ɔ́ nɛ́! Đó un tunwun ɖɔ Mawu xomɛnyɔ́tɔ́ wɛ a nyǐ, bó nɔ́ kú nǔbláwǔ nú mɛ; a nɔ yá wǔ sin xomɛ ǎ; ɖagbewiwa towe ɖó dogbó ǎ. A gblɔ̌n adǎn nú mɛ ɔ́, tlóló jɛ́n a nɔ lɛ́ lɛ́ kɔ sín gúdo.

Micée 7:18

Mawu Mavɔmavɔ, è sixú jlɛ́ vodún ɖěbǔ dó wǔ towe ǎ. A sɔ́ hwɛ kɛ mɛ e kpo ɖo gbɛ ɖo togun towe mɛ lɛ́ɛ, bó wɔn hwɛ yětɔn lɛ́ɛ. A nɔ sin xomɛ dó mɛ káká sɔ́yi ǎ, ɖó nǔ e nyɔ́ nukún towe mɛ ɔ́ wɛ nyí ɖɔ a nǎ ɖe xomɛnyínyɔ́ towe xlɛ́ mǐ mɛ e nyí togun towe é.

Xabakúku 3:2

É ɖɔ: Mawu Mavɔmavɔ, è ɖɔ nǔ ɖaxó ɖaxó e a wa lɛ́ɛ bɔ un se, bɔ xɛsi jɛ jǐ ce. Mawu Mavɔmavɔ, lɛ̌ wa azɔ̌ towe ɖo xwe e ná wá lɛ́ɛ mɛ. Wa azɔ̌ towe! A na bo ɖo xomɛ sin wɛ hǔn, ɖe nǔbláwǔ kú nú mɛ towe xlɛ́.

Kɛ́nsísɔ́ 23:21

Mawu Mavɔmavɔ mɔ hwɛ ɖě ɖo Jakɔ́bu ví lɛ́ɛ tɛ́ntin ǎ. É mɔ tagba ɖěbǔ ɖo Izlayɛ́li ví lɛ́ɛ tɛ́ntin ǎ. Mawu Mavɔmavɔ, Mawu yětɔn ɖo kpɔ́ xá yě. É wɛ nyí axɔ́sú Izlayɛ́li togun ɔ́ tɔn. É wɛ nyí axɔ́sú e yě bǐ nɔ́ kpa awǒbóbó ná é.

Jaki 5:15

Đɛ énɛ́ e è xo kpó nǔɖiɖi kpó ɔ́ ná hwlɛ́n azinzɔnnɔ ɔ́ gán. Aklúnɔ ná bló bɔ é ná jɛ te, bɔ ényí hwɛ ɖé ɖo kɔ tɔn ɔ́, Mawu ná sɔ́ kɛ ɛ.