Kɛ́nsísɔ́ 14:18 - MAWUXÓWÉMA

¹⁸ ‘Mawu Mavɔmavɔ wɛ un nyí; un nɔ yá wǔ sin xomɛ ǎ; un nyí Mawu xomɛnyɔ́tɔ́; un nɔ sɔ́ nǔ nyanya e è wa lɛ́ɛ kpódó tónú e è ma se ǎ lɛ́ɛ kpó kɛ mɛ. Un ká nɔ mɔ mɛ e hu hwɛ ɔ́ dó mɔ hwɛjijɔnɔ ǎ. Hwɛ e vǐtɔ́ lɛ́ɛ hu ɔ́, vǐ yětɔn lɛ́ɛ ná sún sin tɔn; vǐvú yětɔn lɛ́ɛ, vitikli yětɔn lɛ́ɛ kpó kpaba yětɔn lɛ́ɛ kpó ná sún sin tɔn.’

Kɛ́nsísɔ́ 14:18 Iomraidhean Croise

Nɛɛmíi 9:17

Yě gbɛ́ tónú se. Yě wɔn nǔ ɖagbe ɖagbe e a wa nú yě lɛ́ɛ. Yě tlí tó, bó ɖe gbeta tɔ́n ɖɔ émí ná lɛ́ lɛ́ kɔ yi kannumɔgbénu émítɔn ɖo Ejípu. Lo ɔ́, hwɛ ka jó yě dó ǎ, ɖó Mawu wɛ a nyǐ; a nɔ sɔ́ hwɛ kɛ mɛ. Mawu nǔbláwǔkúnúmɛtɔ́, xomɛnyɔ́tɔ́, hǔnkútɔ́ wɛ a nyǐ, bɔ xomɛfífá towe ɖó dogbó ǎ.

Jɔ̌bu 21:19

Mi nɔ ɖɔ tó dɔn nú mɛ Mawu tɔn ɖo ayǐ nú vǐ yětɔn lɛ́ɛ; Yě ɖésúnɔ wɛ Mawu ló kó dɔn tó ná bónú yě ná tunwun nǔ e ɖ'é mɛ é.

Ɖɛhan 103:8

Mawu Mavɔmavɔ ɔ́, xomɛfátɔ́ wɛ, nǔbláwǔkúnúmɛtɔ́ wɛ; é nɔ́ yá wǔ sin xomɛ ǎ, é nyɔ́ xomɛ ɖésú.

Ɖɛhan 108:4

Mawu Mavɔmavɔ, un ná kpa susu nú we ɖo togun lɛ́ɛ mɛ; un ná ji han dó mlá we ɖo akɔta lɛ́ɛ tɛ́ntin,

Ɖɛhan 109:14

Mawu Mavɔmavɔ ní ma wɔn nǔ e tɔ́gbó tɔn lɛ́ɛ wa nyi do lɛ́ɛ ó, nǔ ɖěbǔ ní ma súnsún hwɛ e nɔ tɔn hu lɛ́ɛ ó.

Ɖɛhan 145:8

Mawu Mavɔmavɔ nyɔ́ xomɛ; mɛ nú nɔ́ blá wǔ n'i. É nɔ́ yá wǔ sin xomɛ ǎ; xomɛnyínyɔ́ tɔn d'agba.

Ɖɛhan 78:38

Amɔ̌, éyɛ́ ɔ́, mɛ nú nɔ́ blá wǔ n'i, bɔ é nɔ́ sɔ́ hwɛ kɛ yě, bó sú kún yětɔn dó ǎ. Hwe gěgé nu ɔ́, é nɔ́ jó xó dó; é nɔ́ lɔn bó nɔ́ sin xomɛ ǎ, é nɔ́ lɔn bó nɔ́ zé adǎn e jí é ɖe ɔ́ bǐ dó wa nǔ ná ǎ.

Ɖɛhan 86:15

Amɔ̌, hwɛ Aklúnɔ ɔ́, Mawu xomɛfátɔ́ wɛ a nyǐ, nǔbláwǔkúnúmɛtɔ́ wɛ a nyǐ, a nɔ yá wǔ sin xomɛ ǎ, xomɛnyɔ́tɔ́ wɛ a nyǐ, gbejínɔtɔ́ wɛ a nyǐ.

Tíntɔ́n 20:5

Ma jɛ kpo bo ɖe kɔ́ nú yě ó; ma sɛn yě ó, ɖó nyɛ Mawu Mavɔmavɔ, Mawu towe ɔ́, un nɔ ba gbeɖé ɖɔ a nǐ sɛn nǔ ɖěvo zɛ nyɛ wú ǎ; ényí mɛɖé gbɛ́ wǎn nú mì ɔ́, vǐ tɔn lɛ́ɛ ná sún sin tɔn, vǐvú tɔn lɛ́ɛ, vitikli tɔn lɛ́ɛ kpódó kpaba tɔn lɛ́ɛ kpó ná sún sin tɔn.

Tíntɔ́n 20:6

Lo ɔ́, mɛ e yí wǎn nú mì bó nɔ nyi sɛ́n ce lɛ́ɛ ɔ́, un nɔ nyɔ́ xomɛ dó mɛ ɔ́ wú káká yi jijimɛ afatɔ́n.

Jelemíi 23:2

Énɛ́ ɔ́ wú wɛ nyɛ Mawu Mavɔmavɔ, Mawu Izlayɛ́li tɔn ɖɔ xó dó lɛ̌ngbɔ́nyitɔ́ énɛ́ lɛ́ɛ wú; un ɖɔ: ‘Mi gba lɛ̌ngbɔ́ ce lɛ́ɛ dó, mi nya yě. Mi kpé nukún dó yě wú ǎ. Énɛ́ wú ɔ́, un na dɔn tó nú mi, ɖó dǎka mitɔn lɛ́ɛ wú.’ Xó e nyɛ Mawu Mavɔmavɔ ɖɔ ɔ́ nɛ́.

Jelemíi 32:18

A nɔ ɖe xomɛnyínyɔ́ towe xlɛ́ gbɛtɔ́ afatɔ́n (1.000) afatɔ́n (1.000) do mɔ̌kpán; amɔ̌, a nɔ lɛ́ dɔn tó nú mɛ lɛ́ɛ, ɖó hwɛ e mɛjitɔ́ yětɔn lɛ́ɛ hu é wú. Hwi wɛ nyí Mawu ɖaxó hlɔ̌nhlɔ́nnɔ ɔ́, nyǐkɔ towe nɔ́ nyí Mawu Mavɔmavɔ Nǔbǐwúkpétɔ́.

Gbɛvíhan 5:7

Tɔ́ mǐtɔn lɛ́ɛ hu hwɛ; yě kó kú; mǐdɛɛ lɛ́ɛ wɛ ká ɖo sin tɔn sún wɛ.

Jonási 4:2

É xo ɖɛ sɛ́ dó Mawu Mavɔmavɔ bó ɖɔ: “Mawu Mavɔmavɔ, é má nyí nǔ e ɖɔ wɛ un ɖe hwenu e un kpo ɖo to ce mɛ ɔ́ nɛ́ a? Nǔ e gbɛ́ wɛ un ɖe bó hɔn ɖidó Taasísi ɔ́ nɛ́! Đó un tunwun ɖɔ Mawu xomɛnyɔ́tɔ́ wɛ a nyǐ, bó nɔ́ kú nǔbláwǔ nú mɛ; a nɔ yá wǔ sin xomɛ ǎ; ɖagbewiwa towe ɖó dogbó ǎ. A gblɔ̌n adǎn nú mɛ ɔ́, tlóló jɛ́n a nɔ lɛ́ lɛ́ kɔ sín gúdo.

Micée 7:18

Mawu Mavɔmavɔ, è sixú jlɛ́ vodún ɖěbǔ dó wǔ towe ǎ. A sɔ́ hwɛ kɛ mɛ e kpo ɖo gbɛ ɖo togun towe mɛ lɛ́ɛ, bó wɔn hwɛ yětɔn lɛ́ɛ. A nɔ sin xomɛ dó mɛ káká sɔ́yi ǎ, ɖó nǔ e nyɔ́ nukún towe mɛ ɔ́ wɛ nyí ɖɔ a nǎ ɖe xomɛnyínyɔ́ towe xlɛ́ mǐ mɛ e nyí togun towe é.

Kɛ́nsísɔ́ 14:17

Énɛ́ ɔ́ wú ɔ́, Aklúnɔ, un ɖo vo sa nú we wɛ. Zǎn hlɔ̌nhlɔ́n towe; wa nǔ lě e a ɖɔ nú mǐ gbɔn é. A ɖɔ:

Kɛ́nsísɔ́ 23:21

Mawu Mavɔmavɔ mɔ hwɛ ɖě ɖo Jakɔ́bu ví lɛ́ɛ tɛ́ntin ǎ. É mɔ tagba ɖěbǔ ɖo Izlayɛ́li ví lɛ́ɛ tɛ́ntin ǎ. Mawu Mavɔmavɔ, Mawu yětɔn ɖo kpɔ́ xá yě. É wɛ nyí axɔ́sú Izlayɛ́li togun ɔ́ tɔn. É wɛ nyí axɔ́sú e yě bǐ nɔ́ kpa awǒbóbó ná é.

Hlɔ̌manu 5:21

Hǔn énɛ́ ɔ́ wú wɛ lě e hwɛhuhu ko ɖu axɔ́sú gbɔn kú jí ɔ́, mɔ̌ ɖokpó ɔ́ jɛ́n fɛ́nú Mawu tɔn ɖo axɔ́sú ɖu wɛ gbɔn hwɛjijɔ jí, bó ná kplá mǐ yi gbɛ mavɔ mavɔ mɛ gbɔn Jezu Klísu Aklúnɔ mǐtɔn jí.

Sɛ́nflínmɛ 5:10

Lo ɔ́, mɛ e yí wǎn nú mì, bó nɔ́ nyi sɛ́n ce lɛ́ɛ ɔ́, un nɔ nyɔ́ xomɛ dó mɛ ɔ́ wú káká yi jijimɛ afatɔ́n (1.000).

Sɛ́nflínmɛ 5:9

Ma jɛ kpo bó ɖe kɔ́ nú yě ó; ma sɛn yě ó, ɖó nyɛ Mawu Mavɔmavɔ, Mawu towe ɔ́, un nɔ ba gbeɖé ɖɔ a nǐ sɛn nǔ ɖěvo zɛ nyɛ wú ǎ. Ényí mɛɖé gbɛ́ wǎn nú mì ɔ́, vǐ tɔn lɛ́ɛ ná sún sin tɔn, vǐvú tɔn lɛ́ɛ, vitikli tɔn lɛ́ɛ kpódó kpaba tɔn lɛ́ɛ kpó ná sún sin tɔn.

Sɛ́nflínmɛ 7:10

Amɔ̌, nú mɛ ɖé gbɛ́ wǎn n'i ɔ́, é nɔ́ hu mɛ ɔ́ dó sú axɔ́ mɛ ɔ́; é nɔ́ ɖó yibowá ná ǎ.

Sɛ́nflínmɛ 7:9

“Mi ní tunwun ganjí ɖɔ Mawu Mavɔmavɔ, Mawu mitɔn wɛ nyí Mawu. Mawu gbejínɔtɔ́ énɛ́ ɔ́, yě mɛ e yí wǎn n'i bó nɔ́ nyi sɛ́n tɔn lɛ́ɛ ɔ́, é nɔ́ nɔ gbejí nú akɔ e é jɛ xá yě ɔ́, bó nɔ́ nyɔ́ xomɛ dó yě wú káká yi jijimɛ afatɔ́ngɔ́ ɔ́ (1.000) jí.