Kɛ́nsísɔ́ 14:16 - MAWUXÓWÉMA

¹⁶ ‘Mawu Mavɔmavɔ sixú kplá togun ɔ́ yi to e sín akpá é dó n'i ɔ́ mɛ ǎ, énɛ́ wú wɛ é sú kún tɔn dó ɖo gbětótló mɛ.’

Kɛ́nsísɔ́ 14:16 Iomraidhean Croise

Tíntɔ́n 32:12

Nú a blǒ gbɔn mɔ̌ ɔ́, Ejípunu lɛ́ɛ ná ɖɔ dǎ wɛ hwi dá Izlayɛ́li ví lɛ́ɛ wú, bó dó ɖe yě tɔ́n sín to émítɔn mɛ, bó ná hu yě kɔn nyi sókan mɛ, bó ná sú kún yětɔn dó sín ayǐkúngban jí. Mawu Mavɔmavɔ, fá xomɛ bó jó nǔ nyanya e a jlǒ ná wa xá togun towe ɔ́ dó.

Kɛ́nsísɔ́ 14:17

Énɛ́ ɔ́ wú ɔ́, Aklúnɔ, un ɖo vo sa nú we wɛ. Zǎn hlɔ̌nhlɔ́n towe; wa nǔ lě e a ɖɔ nú mǐ gbɔn é. A ɖɔ:

Sɛ́nflínmɛ 9:28

Ma lɔn nú mɛ e ɖo to e mɛ a ɖe mǐ tɔ́n sín lɛ́ɛ é ɖɔ: Mawu Mavɔmavɔ sixú kplá yě yi to e sín akpá é dó nú yě é mɛ ǎ, abǐ yě ná ɖɔ: É yí wǎn ɖěbǔ nú yě ǎ, kplá wɛ é kplá yě kpowun, bó ná yi hu yě ɖo gbětótló mɛ. Ma lɔn nú yě ɖɔ mɔ̌ ó.

Jozuwée 7:7

Bɔ Jozuwée sú xó bó ɖɔ: “Óo! Aklúnɔ, Mawu Mavɔmavɔ! Aniwú a kplá mǐ d'asá Judɛ́ɛn tɔ ɔ́? A blǒ mɔ̌ bó ná jó mǐ nú Amɔliti lɛ́ɛ, bó ná tin bɔ mǐ ná kú wɛ a? Ényí mǐ kó tunwun ɔ́, mǐ ná kó gbɔ bó nɔ tɔ ɔ́ gúdo dɔ̌n.

Jozuwée 7:9

Kanáanu lɛ́ɛ kpó mɛ e ɖo to ɔ́ mɛ lɛ́ɛ bǐ kpó ná se xó énɛ́ ɔ́, bó ná wá xá mǐ, lobo ná sú kún mǐtɔn dó. Ényí nǔ ká cí mɔ̌ ɔ́, nɛ̌ wɛ a nǎ ɖe susu towe xlɛ́ gbɔn lo?”