Kɛ́nsísɔ́ 14:14 - MAWUXÓWÉMA

¹⁴ bó ná ɖɔ nú to énɛ́ ɔ́ mɛ nu lɛ́ɛ. Yě tunwun ɖɔ hwi Mawu Mavɔmavɔ ɔ́, a ɖo togun élɔ́ tɛ́ntin; yě tunwun ɖɔ a nɔ tɔ́n dó yě jí gannaganna, bɔ akpɔ́kpɔ́ towe ɖo jǐ yětɔn. Yě tunwun ɖɔ kéze ɔ́, a nɔ ɖo nukɔn yětɔn, ɖo akpɔ́kpɔ́ ɖaxó mɛ, bɔ zǎn mɛ ɔ́, a nɔ ɖo nukɔn yětɔn ɖo myɔ ɖé mɛ.

Kɛ́nsísɔ́ 14:14 Iomraidhean Croise

Bǐbɛ́mɛ 32:30

Ée nya ɔ́ ɖɔ mɔ̌ ɔ́, Jakɔ́bu ɖɔ n'i ɖɔ: “Kɛnklɛ́n bó ɖɔ nyǐkɔ towe nú mì.” Bɔ nya ɔ́ kanbyɔ́ ɛ ɖɔ: “A tunwun nyǐkɔ ce ǎ wɛ a?” Ée é ɖɔ mɔ̌ ɔ́, é xo ɖɛ dó jǐ tɔn ɖo fínɛ́.

Nɛɛmíi 9:12

Kéze ɔ́, azizɔ wɛ a nɔ dó kplá togun towe. Azizɔ ɖé wɛ, bó nɔ́ ɖo hwǐn mlí wɛ ɖo nukɔn yětɔn. Zǎn mɛ ɔ́, a nɔ sɔ́ myɔ dó kplá yě, bɔ myɔ ɔ́ nɔ́ ná yě wěziza, bó nɔ́ ɖo hwǐn mlí wɛ ɖo nukɔn yětɔn.

Nɛɛmíi 9:19

Có, ɖo wǎn yíyí towe maɖódogbó ɔ́ mɛ ɔ́, a jǒ yě dó nyi gbětótló mɛ ǎ. Azizɔ e ɖo mlǐmlí ɖo nukɔn yětɔn wɛ, bó nɔ́ ɖo ali xlɛ́ yě wɛ kéze ɔ́ jó yě dó ǎ.

Ɖɛhan 105:39

Mawu sɛ́ akpɔ́kpɔ́ dó bɔ é cyɔ́n yě, é sɛ́ myɔ dó yě bɔ yě nɔ́ dó mɔ nukúnnú zǎn mɛ.

Ɖɛhan 78:14

É nɔ́ zé akpɔ́kpɔ́ dó xlɛ́ ali yě kéze. É jɛ zǎn mɛ ɔ́, é nɔ́ sɔ́ myɔ dó xlɛ́ ali yě.

Tíntɔ́n 15:14

Togun lɛ́ɛ se mɔ̌, bó nɔ́ sísɔ́; xɛsi jɛ Filisitɛ́ɛn lɛ́ɛ jí.

Tíntɔ́n 33:11

Mawu Mavɔmavɔ kpó Mɔyízi kpó nɔ́ kpé nu bó nɔ́ ɖɔ xó, lě e xɔ́ntɔn xɔ́ntɔn nɔ́ kpé nu bó nɔ́ ɖɔ xó ɔ́ ɖɔhun. Énɛ́ ɔ́ gúdo ɔ́, Mɔyízi nɔ lɛ́ kɔ wá fí e yě ɖǒ gɔnu ɖó ɔ́; lo ɔ́, azɔ̌ví tɔn Jozuwée Nuni ví ɔ́ cí goxɔ e mɛ Mawu Mavɔmavɔ nɔ wá kpé togun ɔ́ ɖe ɔ́ mɛ.

Tíntɔ́n 33:16

Đó nú hwi ɖésú kpó mǐ kpó má zɔn ǎ ɔ́, nɛ̌ wɛ è ka ná tunwun ɖɔ a nǎ fɛ́nú towe nyɛ kpó togun towe kpó gbɔn? Nú a ɖo kpɔ́ xá mǐ ɔ́ wɛ ná ɖe xlɛ́ ɖɔ mǐ gbɔn vo nú togun ɖě lɛ́ɛ e ɖo ayǐkúngban jí lɛ́ɛ.”

Tíntɔ́n 40:38

Akpɔ́kpɔ́ Mawu Mavɔmavɔ tɔn ɔ́ nɔ́ nɔ goxɔ ɔ́ ta kéze, bɔ myɔ nɔ ɖo akpɔ́kpɔ́ ɔ́ mɛ zǎn mɛ, bɔ Izlayɛ́li ví lɛ́ɛ bǐ nɔ ɖo mimɔ wɛ, gbɔn fí e yě nɔ́ lɛ́ɛ bǐ.

Kɛ́nsísɔ́ 10:34

Yě jɛ ali kéze ɔ́, akpɔ́kpɔ́ Mawu Mavɔmavɔ tɔn nɔ́ ɖo ta yětɔn nu.

Kɛ́nsísɔ́ 12:8

Un nɔ ɖɔ xó n'i tlɔlɔ, bɔ é nɔ́ se gbe ce céɖécéɖé. Un nɔ zé nyɛɖée xlɛ́ ɛ; un nɔ tɔ́n ɖo nukɔn tɔn, bɔ é nɔ́ mɔ mì. Aniwú wɛ xó ɖɔ dó mɛsɛntɔ́ ce Mɔyízi wú má dó xɛsi nú mi ǎ?”

Jǎan 1:18

Mɛ ɖěbǔ mɔ Mawu kpɔ́n gbeɖé ǎ; lo ɔ́, Vǐɖokpónɔ e nyí Mawu bó ɖo akɔ́n tɔn mɛ ɔ́ wɛ wá ɖe e xlɛ́.

Jǎan 14:9

Jezu ka yí gbe n'i ɖɔ: “Filípu, sín tɛgbɛ wɛ un ko ɖo kpɔ́ xá mi, bɔ a ka ko tunwun mì káká jɛ din ǎ. Mɛ e mɔ mì ɔ́ ko mɔ Tɔ́ ɔ́; aniwútu a ka ɖɔ: ‘Xlɛ́ Tɔ́ ɔ́ mǐ?’

1 Kɔlɛ́ntinu 13:12

Din ɔ́, nǔ e mɔ wɛ mǐ ɖe ɔ́ cí è ɖo nǔ mɔ wɛ vlivli ɖo nǔkpɛ́n e kú ɔ́ mɛ ɖɔhun. Amɔ̌, nú é wá yá ɔ́, mǐ ná mɔ nǔ lɛ́ɛ bǐ ɖó nukún wú gannaganna; din ɔ́, un ko tunwun nǔ yi kpé ǎ; amɔ̌, nú é wá yá ɔ́, un ná tunwun nǔ yi fó lě e Mawu tunwun mǐ bǐ dégbédégbé gbɔn é.

Sɛ́nflínmɛ 1:19

Énɛ́ ɔ́ gúdo ɔ́, Mawu Mavɔmavɔ, Mawu mǐtɔn ná gbe mǐ, bɔ mǐ gosín Holɛ́bu bó gbɔn gbětótló ɖaxó e dó xɛsi bɔ mi bǐ tunwun ganjí ɔ́ mɛ dín, lobo wlí ali e yi Amɔliti lɛ́ɛ sín sókan mɛ é. Ée mǐ wá jɛ Kadɛ́ci-Baanɛ́ya é ɔ́,

Sɛ́nflínmɛ 34:10

È sɔ́ mɔ gbeyíɖɔ Mɔyízi tɔn ɖɔhun ɖěbǔ ɖo Izlayɛ́li ǎ. Mawu Mavɔmavɔ kpó é kpó nɔ́ kpé nu bó nɔ́ ɖɔ xó.

Sɛ́nflínmɛ 5:24

bó ɖɔ: ‘Mawu Mavɔmavɔ, Mawu mǐtɔn ɖe susu tɔn kpó hlɔ̌nhlɔ́n tɔn kpó xlɛ́ mǐ, bɔ mǐ se gbe tɔn sín myɔ tɛ́ntin. Mǐ mɔ égbé din ɖɔ Mawu sixú ɖɔ xó nú gbɛtɔ́ cóbɔ é ná gɔn kúkú.

Sɛ́nflínmɛ 5:4

Mawu Mavɔmavɔ kpó mi kpó kpé nu bó ɖɔ xó ɖo só jí, sín myɔ tɛ́ntin.

Jozuwée 5:1

Axɔ́sú Amɔliti lɛ́ɛ tɔn e ɖo Judɛ́ɛn tɔ ɔ́ sín gbadahwe jí lɛ́ɛ bǐ kpódó axɔ́sú Kanáanu lɛ́ɛ tɔn e ɖo Mɛditɛlanɛ́ɛ xu ɔ́ tó lɛ́ɛ kpó se ɖɔ Mawu Mavɔmavɔ bló bɔ Judɛ́ɛn tɔ ɔ́ xú, bɔ Izlayɛ́li ví lɛ́ɛ gbɔn ayǐkúngban xúxú jí yi jɛ tɔ ɔ́ gúdo. Ée yě se mɔ̌ ɔ́, ayixa yětɔn bǐ gba dó, bɔ yě sɔ́ glá bó ná nɔ te ɖo Izlayɛ́li ví lɛ́ɛ nukɔn ǎ.

1 Jǎan 3:2

Mɛvívɛ́ná ce lɛ́ɛ mi, din ɔ́, Mawu ví wɛ mǐ nyí; amɔ̌, è ko ɖe nǔ e mi ná wá nyí ɔ́ xlɛ́ céɖécéɖé ǎ. Lo ɔ́, nǔ e mǐ tunwun kpowun ɔ́ wɛ nyí ɖɔ hwenu e Klísu ná lɛ́ kɔ wá ɔ́, mǐ ná cí é ɖɔhun; ɖó mǐ ná mɔ ɛ lě e é ɖe gbɔn é.