Kɛ́nsísɔ́ 14:13 - MAWUXÓWÉMA

¹³ Ée Mawu Mavɔmavɔ ɖɔ mɔ̌ ɔ́, Mɔyízi ɖɔ n'i ɖɔ: “Nú a blǒ mɔ̌ ɔ́, Ejípunu e tɛ́ntin a zě hlɔ̌nhlɔ́n towe dó ɖe yě sín ɔ́ ná wá se,

Kɛ́nsísɔ́ 14:13 Iomraidhean Croise

Ɖɛhan 106:23

É ɖe gbe ɖɔ è nǐ vívá kún yětɔn bǐ. Lo ɔ́, Mɔyízi e é sɔ́ ɔ́ sa vo n'i dó ta yětɔn mɛ, bó yí yě sín xomɛsin Mawu tɔn sí, bónú é má sú kún yětɔn dó ó.

Jelemíi 15:1

Mawu Mavɔmavɔ ɖɔ nú mì ɖɔ: “Mɔyízi kpó Samuwɛ́li kpó ná bó wá sa vo nú mì dó togun élɔ́ tamɛ ɔ́, un ná húzú nǔ e un lin ná wá xá togun élɔ́ ɔ́ ǎ. Jelemíi, nya yě sín nukɔn ce, yě ní yi.

Ezekiyɛ́li 20:14

Un ka kpɔ́n dó nyǐkɔ ce wú, bó sɔ́ wa nǔ xá Izlayɛ́li togun ɔ́ gbɔn mɔ̌ ǎ, bónú togun e mɔ mì bɔ un kplá Izlayɛ́li ví lɛ́ɛ sín Ejípu ɔ́ má hu tɛ́ nú mì ó.

Ezekiyɛ́li 20:9

Un ka kpɔ́n dó nyǐkɔ ce wú, bó sɔ́ wa nǔ xá Izlayɛ́li togun ɔ́ gbɔn mɔ̌ ǎ; é má nyí mɔ̌ ǎ ɔ́, togun e mɛ yě ɖe lɛ́ɛ táá wá hu tɛ́ nú mì. Ɖó togun énɛ́ lɛ́ɛ tunwun ɖɔ un sɔ́ nyiɖée xlɛ́ Izlayɛ́li togun ɔ́, bó ná ɖe yě tɔ́n sín Ejípu wɛ.

Sɛ́nflínmɛ 32:27

Lo ɔ́, un ɖo xɛsi ɖi wɛ ɖɔ kɛntɔ́ yětɔn lɛ́ɛ ní má ko mì ó; yě táá vɛdó ɖɔ émí wɛ bló bɔ nǔ cí mɔ̌ nú yě sín, lobo ná lin ɖɔ nyi kún mɔ do nú nǔɖé ó.

1 Samuwɛ́li 12:22

Mawu Mavɔmavɔ ná jó togun tɔn dó gbeɖé ǎ, bó ná dó hɛn nyǐkɔ tɔn e gba kpé ɔ́ ɖó te; ɖó Mawu Mavɔmavɔ wɛ zin alɔ dó akɔ́n ɖɔ émí ná sɔ́ mi dó bló togun émítɔn.