Kɛ́nsísɔ́ 14:10 - MAWUXÓWÉMA

¹⁰ Togun ɔ́ bǐ ká ɖó gbe kpɔ́, bó jɛ ɖiɖɔ jí ɖɔ è nǐ nyi hwǎn dó hu yě; tlóló kpowun ɔ́, susu Mawu Mavɔmavɔ tɔn tɔ́n ɖo Goxɔ ɔ́ jí, ɖo Izlayɛ́li ví lɛ́ɛ bǐ nukɔn.

Kɛ́nsísɔ́ 14:10 Iomraidhean Croise

Tíntɔ́n 16:10

Hwenu e Aalɔ́ɔn ɖo xó ɖɔ nú Izlayɛ́li ví lɛ́ɛ wɛ ɔ́, yě lílɛ́ kpan nukɔn gbětótló ɔ́, yě ná mɔ nǔɖé kpowun ɔ́, susu Mawu Mavɔmavɔ tɔn jɛ́n tɔ́n ɖo akpɔ́kpɔ́ mɛ.

Tíntɔ́n 16:7

É jɛ zǎnzǎn ɔ́, mi ná mɔ lě e Mawu Mavɔmavɔ ná ɖe nǔwúkpíkpé tɔn xlɛ́ mi gbɔn é, ɖó é se nǔ e hlún ɖɔ dó wǔtu tɔn wɛ mi ɖe é. Étɛ́ mǐdɛɛ lɛ́ɛ nyí, bɔ mi ná nɔ hlún nǔ ɖɔ dó mǐ jí?”

Tíntɔ́n 17:4

Énɛ́ ɔ́, Mɔyízi sú xó ylɔ́ Mawu Mavɔmavɔ bó ɖɔ: “Étɛ́ wɛ un ná wa nú togun élɔ́? É hú mɔ̌ kpɛɖé din ɔ́, yě ná nyi awǐnnya dó hu mì ná.”

Tíntɔ́n 40:34

Hwenɛ́nu ɔ́, akpɔ́kpɔ́ cyɔ́n goxɔ ɔ́, bɔ susu Mawu Mavɔmavɔ tɔn gɔ́ goxɔ ɔ́,

Levíi ví 9:23

Bɔ Mɔyízi kpó Aalɔ́ɔn kpó byɔ́ goxɔ ɔ́ mɛ. Ée yě wá tɔ́n ɔ́, yě xo ɖɛ dó togun ɔ́ jí. Énɛ́ ɔ́, susu Mawu Mavɔmavɔ tɔn ɖe éɖée xlɛ́ togun Izlayɛ́li tɔn ɔ́ bǐ.

Kɛ́nsísɔ́ 16:19

bɔ Kolée kplé togun Izlayɛ́li tɔn ɔ́ bǐ ɖó nukɔn yětɔn, ɖo Goxɔ ɔ́ sín ali nu. Ée yě wá kplé ɔ́, susu Mawu Mavɔmavɔ tɔn tɔ́n dó togun ɔ́ bǐ jí,

Kɛ́nsísɔ́ 17:7

Izlayɛ́li ví lɛ́ɛ xísí dó Mɔyízi kpó Aalɔ́ɔn kpó. Lo ɔ́, hwenu e yě kpɔ́n Goxɔ ɔ́ sɛ́ dó ɔ́, yě mɔ ɖɔ akpɔ́kpɔ́ cyɔ́n ɛ, bɔ Mawu Mavɔmavɔ ɖo susu tɔn ɖe xlɛ́ wɛ ɖo fínɛ́.

Kɛ́nsísɔ́ 20:6

Ée Izlayɛ́li ví lɛ́ɛ ɖɔ mɔ̌ ɔ́, Mɔyízi kpó Aalɔ́ɔn kpó sɛ yi zɔ nú yě, bó yi Goxɔ ɔ́ nukɔn, bó xwe agbɔ̌nnusú do; éé yě bló mɔ̌ ɔ́, susu Mawu Mavɔmavɔ tɔn tɔ́n dó yě jí.

Matíe 23:37

“Jeluzalɛ́munu e mi, Jeluzalɛ́munu e mi, mi mɛ e nɔ hu gbeyíɖɔ Mawu tɔn lɛ́ɛ, bo nɔ nyi awǐnnyaglo dó hu mɛ e Mawu nɔ sɛ́ dó mi lɛ́ɛ é! Azɔn mɔ̌kpán wɛ un ko jló ná kplé mi dó awa ce lɛ́ɛ glɔ́, lě e kokló nɔ kplé vǐ tɔn lɛ́ɛ dó awa tɔn lɛ́ɛ glɔ́ ɔ́ ɖɔhun. Lo ɔ́, mi jló ǎ.

Mɛsɛ́dó 7:52

Gbeyíɖɔ tɛ́ tɔ́gbó mitɔn lɛ́ɛ má ka dó ya ná ǎ? Yě hu mɛ e wá ɖɔ ɖ'ayǐ ɖɔ hwɛjijɔnɔ ɔ́ ná wá lɛ́ɛ é. Hwɛjijɔnɔ énɛ́ wɛ midɛɛ lɛ́ɛ mi sa, lobo hu din.

Mɛsɛ́dó 7:59

Hwenu e yě ɖo awǐnnyaglo nyi dó Etyɛ́ni wɛ ɔ́, Etyɛ́ni xo ɖɛ, bó ɖɔ: “Aklúnɔ Jezu, yǐ lǐndɔ̌n ce.”

1 Samuwɛ́li 30:6

Hwenɛ́nu ɔ́, nukún myá Davídi ɖésú, ɖó togun ɔ́ bǐ ɖo ɖiɖɔ wɛ ɖɔ émí ná nyi awǐnnyaglo dó hu i. Đó yě ɖokpó ɖokpó ɖo akpɔ mɔ wɛ ɖó vǐ yětɔn lɛ́ɛ wú. Amɔ̌, Davídi lɛ́ kpan akɔ́n, ɖó é gán jɛ Mawu Mavɔmavɔ, Mawu tɔn wú.