Kɛ́nsísɔ́ 13:29 - MAWUXÓWÉMA

²⁹ Amalɛ́ki ví lɛ́ɛ ɖo to ɔ́ sín afɔligbé; Hitíti lɛ́ɛ, Jebuzinu lɛ́ɛ, kpódó Amɔliti ví lɛ́ɛ kpó ɖo sókan mɛ, bɔ Kanáanu lɛ́ɛ ɖo xu ɔ́ kpódó Judɛ́ɛn tɔ ɔ́ kpó kpá.”

Kɛ́nsísɔ́ 13:29 Iomraidhean Croise

Bǐbɛ́mɛ 14:7

Énɛ́ ɔ́ gúdo ɔ́, yě lɛ́ kɔ wá Eyinu-Micipáti e nyí Kadɛ́ci é, lobo ɖu ɖo Amalɛ́ki ví lɛ́ɛ bǐ jí, bó lɛ́ ɖu ɖo Amɔliti ɖo Hasasɔ́ni-Tamáa lɛ́ɛ jí.

Nɛɛmíi 9:8

A mɔ lě e é ɖo gbejí nú we gbɔn é. Énɛ́ ɔ́ wútu ɔ́, a jɛ akɔ xá ɛ, bó dó akpá n'i ɖɔ émí ná ná ɛ Kanáanu lɛ́ɛ, Hitíti lɛ́ɛ, Amɔliti lɛ́ɛ, Pɛliziti lɛ́ɛ, Jebuzinu lɛ́ɛ kpó Giigacíti lɛ́ɛ kpó sín to, bónú vǐ tɔn lɛ́ɛ ná nɔ fínɛ́. Akpá e a dǒ ɔ́, a ka ɖe, a nɔ dó akpá bó nɔ gɔn ɖiɖe ǎ.

Ɖɛhan 83:7

Yě mɛ e wɛ lɛ́ɛ ɖíe: Edɔ́mu ví lɛ́ɛ, Isimayɛ́li ví lɛ́ɛ, Mɔwabu ví lɛ́ɛ, Hagáa ví lɛ́ɛ,

Tíntɔ́n 3:17

un ná kplá mi sín Ejípu tomɛ fí e mi ɖo ya ji ɖe wɛ é, bó ná kplá mi yi Kanáa ví lɛ́ɛ, Hitíti lɛ́ɛ, Amɔliti lɛ́ɛ, Pɛliziti lɛ́ɛ, Hivíti lɛ́ɛ kpó Jebuzinu lɛ́ɛ kpó sín to mɛ. Un ná kplá mi yi to e mɛ nyibúnɔ́sin kpó wǐin kpó nɔ́ sa tɔ ɖe ɔ́ mɛ.’

Tíntɔ́n 3:8

Énɛ́ ɔ́ wú wɛ un jɛ te bó ná hwlɛ́n ɛ ɖo Ejípunu lɛ́ɛ sí, bó ná kplá ɛ sín Ejípu yi to ɖaxó ɖagbe ɖagbe ɖé mɛ. Un ná kplá ɛ yi to e mɛ nyibúnɔ́sin kpó wǐin kpó nɔ́ sa tɔ ɖe ɔ́ mɛ, ɖo fí e Kanáa ví lɛ́ɛ, Hitíti lɛ́ɛ, Amɔliti lɛ́ɛ, Pɛliziti lɛ́ɛ, Hivíti lɛ́ɛ kpódó Jebuzinu lɛ́ɛ kpó nɔ́ nɔ lɛ́ɛ é.

Kɛ́nsísɔ́ 13:17

Mɔyízi sɛ́ yě dó, bónú yě ná yi ba do nú Kanáa to ɔ́. É ɖɔ nú yě ɖɔ: “Mi gbɔn afɔligbé fí, bó tɔ́n jɛ sókan mɛ byɔ́ Kanáa to ɔ́ mɛ.

Kɛ́nsísɔ́ 13:30

Ée yě ɖǒ gbe ɔ́ fó ɔ́, Kalɛ́bu ɖɔ nú mɛ lɛ́ɛ ɖo Mɔyízi nukún mɛ ɖɔ yě ní nɔ abwɛ̌. É ɖɔ nú yě ɖɔ: “Mi wá mǐ yi; mi wá mǐ yi yí to énɛ́; é sixú gló mǐ ǎ.”

Kɛ́nsísɔ́ 14:25

Amalɛ́ki ví lɛ́ɛ kpódó Kanáanu lɛ́ɛ kpó ɔ́, tɔdo e ɖo gbě énɛ́ ɔ́ jí ɔ́ mɛ wɛ yě ɖe din. Sɔ su hǔn, mi lɛ́ kɔ gbɔn gbětótló mɛ, ɖo Xu Vɔvɔ ɔ́ sín awa jí.”

Kɛ́nsísɔ́ 14:43

Đó Amalɛ́ki ví lɛ́ɛ kpódó Kanáanu lɛ́ɛ kpó ɖo fínɛ́, ɖo nukɔn mitɔn; mi ná cí ahwan, ɖó mi ko lɛ́ kɔ sín Mawu Mavɔmavɔ gúdo. Mawu Mavɔmavɔ sɔ́ ná nɔ kpɔ́ xá mi ǎ.”

Kɛ́nsísɔ́ 14:45

Énɛ́ ɔ́, Amalɛ́ki ví lɛ́ɛ kpódó Kanáanu lɛ́ɛ kpó ɖo sókan ɔ́ mɛ; yě jɛ te sín só ɔ́ jí, bó wá fun ahwan xá Izlayɛ́li ví lɛ́ɛ, bó ɖu ɖo yě jí, bó jɛ gǔdo yětɔn káká wá Hɔ́ɔma.

Kɛ́nsísɔ́ 24:20

Un lɛ́ kpɔ́n, bó mɔ Amalɛ́ki ví lɛ́ɛ bó ɖɔ: “Amalɛ́ki ví lɛ́ɛ wɛ nyí akɔta e syɛ́n hú akɔta ɖě lɛ́ɛ é. Amɔ̌, yě bǐ wɛ ná vɔ gbe ɖokpó.”

Sɛ́nflínmɛ 20:17

Hǔn, mi ná hu Hitíti lɛ́ɛ bǐ, Amɔliti lɛ́ɛ bǐ, Kanáanu lɛ́ɛ bǐ, Pɛliziti lɛ́ɛ bǐ, Hivíti lɛ́ɛ bǐ kpó Jebuzinu lɛ́ɛ bǐ kpó lě e Mawu Mavɔmavɔ, Mawu mitɔn zɔ́n mi gbɔn é.

Sɛ́nflínmɛ 7:1

Mɔyízi ɖɔ: “Mawu Mavɔmavɔ, Mawu mitɔn ná kplá mi yi byɔ́ to e mi ɖó ná yí ɔ́ mɛ. Hwenu e mi ná ɖo to ɔ́ sɛkpɔ́ wɛ ɔ́, é ná nya togun tobutóbú ɖé lɛ́ɛ ɖo nukɔn mitɔn; togun tɛ́nwe wɛ; yě sukpɔ́ hú mi, bó syɛ́n hú mi. Togun lɛ́ɛ wɛ nyí: Hitíti lɛ́ɛ, Giigacíti lɛ́ɛ, Amɔliti lɛ́ɛ, Kanáanu lɛ́ɛ, Pɛliziti lɛ́ɛ, Hivíti lɛ́ɛ kpódó Jebuzinu lɛ́ɛ kpó.

Jozuwée 10:5

Ée é ɖɔ mɔ̌ nú yě ɔ́, axɔ́sú Amɔliti lɛ́ɛ tɔn atɔ́ɔ́n ɖó gbe kpɔ́ bó ɖidó kpódó ahwangɔnu yětɔn lɛ́ɛ bǐ kpó; axɔ́sú énɛ́ lɛ́ɛ wɛ nyí Jeluzalɛ́mu xɔ́sú ɔ́, Eblɔ́n xɔ́sú ɔ́, Yaamúti xɔ́sú ɔ́, Lakíci xɔ́sú ɔ́ kpódó Eglɔ́ni xɔ́sú ɔ́ kpó. Yě xá Gabawɔ́ɔn toxo ɔ́, bó tɔ́n ahwan ɛ.

Jozuwée 10:6

Gabawɔ́ɔnnu lɛ́ɛ ká sɛ́ wɛn dó Jozuwée, ɖo fí e é ɖó gɔnu ɖó ɖo Gilugalu ɔ́, ɖɔ: “Ma jó mǐ mɛsɛntɔ́ towe lɛ́ɛ dó ó, yǎ wǔ wá dó alɔ mǐ, lobo ná hwlɛ́n mǐ, ɖó axɔ́sú Amɔliti lɛ́ɛ tɔn e ɖo sókan mɛ lɛ́ɛ bǐ blá gbě mǐtɔn.”

Jozuwée 3:10

Ée yě sɛ wá ɔ́, é ɖɔ nú yě ɖɔ: “Nǔ e Mavɔmavɔ ná jlɛ́ ɔ́ ná zɔ́n bɔ mi ná tunwun ɖɔ Mawu gbɛɖe ɔ́ ɖo tɛ́ntin mitɔn, bó ná nya Kanáanu lɛ́ɛ, Hitíti lɛ́ɛ, Hivíti lɛ́ɛ, Pɛliziti lɛ́ɛ, Giigacíti lɛ́ɛ, Amɔliti lɛ́ɛ kpódó Jebuzinu lɛ́ɛ kpán sín nukɔn mitɔn.

Jozuwée 5:1

Axɔ́sú Amɔliti lɛ́ɛ tɔn e ɖo Judɛ́ɛn tɔ ɔ́ sín gbadahwe jí lɛ́ɛ bǐ kpódó axɔ́sú Kanáanu lɛ́ɛ tɔn e ɖo Mɛditɛlanɛ́ɛ xu ɔ́ tó lɛ́ɛ kpó se ɖɔ Mawu Mavɔmavɔ bló bɔ Judɛ́ɛn tɔ ɔ́ xú, bɔ Izlayɛ́li ví lɛ́ɛ gbɔn ayǐkúngban xúxú jí yi jɛ tɔ ɔ́ gúdo. Ée yě se mɔ̌ ɔ́, ayixa yětɔn bǐ gba dó, bɔ yě sɔ́ glá bó ná nɔ te ɖo Izlayɛ́li ví lɛ́ɛ nukɔn ǎ.

Jozuwée 9:1

Axɔ́sú e ɖo Judɛ́ɛn tɔ ɔ́ gúdo ɖo sókan mɛ, ɖo tɔdo mɛ lɛ́ɛ kpódó éé ɖo Mɛditɛlanɛ́ɛ xu ɔ́ tó káká yi Libáan lɛ́ɛ kpó bǐ se ɖɔ è gba Ayíi toxo ɔ́. Axɔ́sú e wɛ lɛ́ɛ ɖíe: Hitíti lɛ́ɛ xɔ́sú ɔ́, Amɔliti lɛ́ɛ xɔ́sú ɔ́, Kanáanu lɛ́ɛ xɔ́sú ɔ́, Pɛliziti lɛ́ɛ xɔ́sú ɔ́, Hivíti lɛ́ɛ xɔ́sú ɔ́ kpódó Jebuzinu lɛ́ɛ xɔ́sú ɔ́ kpó.

Hwɛɖɔtɔ́ 3:5

Énɛ́ ɔ́ wú wɛ Izlayɛ́li ví lɛ́ɛ nɔ Kanáanu lɛ́ɛ, Hitíti lɛ́ɛ, Amɔliti lɛ́ɛ, Pɛliziti lɛ́ɛ, Hivíti lɛ́ɛ kpódó Jebuzinu lɛ́ɛ kpó tɛ́ntin.

Hwɛɖɔtɔ́ 6:3

Izlayɛ́li ví lɛ́ɛ dó jinukún yětɔn lɛ́ɛ hweɖěbǔnu ɔ́, Madiáani ví lɛ́ɛ kpó Amalɛ́ki ví lɛ́ɛ kpó, kpódó yě mɛ e gosín zǎnzǎnhwe jí lɛ́ɛ kpó nɔ wá tɔ́n ahwan yě.

1 Samuwɛ́li 14:48

É wá su gbe ɖokpó, bɔ é fun ahwan xá Amalɛ́ki ví lɛ́ɛ, bó gba yě dó, bó ɖe hlɔ̌nhlɔ́n tɔn xlɛ́. Lě e é hwlɛ́n Izlayɛ́li to ɔ́ ɖo mɛ e ɖo yě vɔ wɛ lɛ́ɛ sí gbɔn ɔ́ nɛ́.

1 Samuwɛ́li 27:8

Davídi kpó mɛ tɔn lɛ́ɛ kpó nɔ yi tɔ́n ahwan Gɛcúunu lɛ́ɛ, Giizíti lɛ́ɛ; yě mɛ énɛ́ lɛ́ɛ kpó Amalɛ́ki ví lɛ́ɛ kpó kó ɖo gbě énɛ́ jí sín do. Togun e ko ɖo gbě énɛ́ jí ɖo Cúu wa jí káká yi Ejípu lɛ́ɛ bǐ wɛ yě nɔ́ gosín Siklági bo nɔ yi tɔ́n ahwan.

1 Samuwɛ́li 30:1

Ée Filisitɛ́ɛn lɛ́ɛ nya Davídi bɔ é lɛ́ kɔ ɔ́, é kpó mɛ tɔn lɛ́ɛ kpó wá Siklági toxo mɛ azǎn atɔngɔ́ ɔ́ gbe. Amalɛ́ki ví lɛ́ɛ byɔ́ Judáa tofɔligbé bó tɔ́n ahwan Siklági toxo ɔ́. Yě gba Siklági toxo ɔ́ bǐ, bó dó zo.

1 Samuwɛ́li 7:14

Izlayɛ́li sín toxo e Filisitɛ́ɛn lɛ́ɛ yí lɛ́ɛ bǐ lɛ́ húzú Izlayɛ́li tɔn ɖo Eklɔ́ni kpó Gati kpó tɛ́ntin. Izlayɛ́li yí toxo énɛ́ lɛ́ɛ bǐ sín Filisitɛ́ɛn lɛ́ɛ sí. Tagba ɖě ká sɔ́ lɛ́ tíin ɖo Izlayɛ́li ví lɛ́ɛ kpódó Amɔliti lɛ́ɛ kpó tɛ́ntin ǎ.