Kɛ́nsísɔ́ 13:28 - MAWUXÓWÉMA

²⁸ Amɔ̌, nǔ ɖokpó e ɖ'é mɛ ɔ́ wɛ nyí ɖɔ mɛ e ɖo to ɔ́ mɛ lɛ́ɛ ɖó hlɔ̌nhlɔ́n; toxo e ɖo to ɔ́ mɛ lɛ́ɛ d'agba ɖésú, bɔ è mɛ ahohó lɛ́ lɛ̌ dó yě ganjí. Mǐ tlɛ mɔ Anáki ví lɛ́ɛ ɖo dɔ̌n.

Kɛ́nsísɔ́ 13:28 Iomraidhean Croise

Sɛ́nflínmɛ 1:28

Étɛ́wú wɛ mǐ ká ná yi dɔ̌n tawun? Mǐ ɖǒ akɔ́nkpinkpan mɔ̌hun ǎ. Nɔví mǐtɔn lɛ́ɛ ɖésú kó ɖɔ nú mǐ ɖɔ to ɔ́ mɛ nu lɛ́ɛ jɔ asú, bó ɖó hlɔ̌nhlɔ́n hú mǐ, bɔ toxo yětɔn lɛ́ɛ lɔ d'agba, bɔ è mɛ ahohó lɛ́ lɛ̌ dó, bɔ é yi jǐ ɖésú. Yě lɛ́ mɔ Anáki ví, gbɛtɔ́ jangan jangan nɛ́ lɛ́ɛ ɖo toxo ɔ́ mɛ.”

Jozuwée 11:22

Anáki ví ɖé sɔ́ kpo ɖo Izlayɛ́li ǎ. Gaza kpódó Gati kpó, kpódó Acidɔ́di kpó kɛ́ɖɛ́ wɛ yě mɛ kwín we ɖé kpo ɖe.

Kɛ́nsísɔ́ 13:33

Mǐ mɔ Anáki ví lɛ́ɛ; gbɛtɔ́ jangan jangan wɛ yě nyǐ. Ayǐsínzɛn ɖɔhun wɛ mǐ cí ɖo akpá yětɔn; mɔ̌ jɛ́n yě lɔ ka ná kó mɔ mǐ ɖó ɖo akpá yětɔn.”

Jozuwée 15:14

Kalɛ́bu nya Anáki ví atɔn lɛ́ɛ kpó xwédo yětɔn lɛ́ɛ kpó sín ayǐkúngban ɔ́ jí. É nya Cecáyi kpó xwédo tɔn kpó, Aximani kpó xwédo tɔn kpó, Talumayi kpó xwédo tɔn kpó.

Sɛ́nflínmɛ 3:5

Toxo énɛ́ lɛ́ɛ ɔ́, ahohó wɛ è mɛ lɛ́ lɛ̌ dó, bɔ é yi jǐ bó syɛ́n ɖésú; è dó hɔn nú yě, bó dó sɛxlo ná. Mǐ lɛ̌ yí toxo gěgé ɖěvo lɛ́ɛ bɔ è mɛ ahohó lɛ́ lɛ̌ dó ǎ.

Sɛ́nflínmɛ 2:21

Togun ɖaxó ɖé wɛ yě nyí, yě sukpɔ́ ɖésú, bó jɔ asú, Anáki ví lɛ́ɛ ɖɔhun. Lo ɔ́, Mawu Mavɔmavɔ sú kún yětɔn dó ɖo Amumɔ́ɔ ví lɛ́ɛ nukɔn, bɔ Amumɔ́ɔ ví lɛ́ɛ bɛ́ nǔ yětɔn lɛ́ɛ bǐ, bó jɛ tɛn yětɔn mɛ.

Hwɛɖɔtɔ́ 1:20

È nǎ Eblɔ́n toxo ɔ́ Kalɛ́bu, lě e Mɔyízi ko ɖɔ gbɔn é; bɔ é nya Anáki sín hɛ̌nnu atɔn e ɖo toxo ɔ́ mɛ lɛ́ɛ.

2 Samuwɛ́li 21:16

Halafa ví ɖokpó nɔ́ nyí Yicibi-Be-Nɔvu. Nyaví nɛ́ ɔ́ ɖɔ émí ná hu Davídi géé. Nyaví ɔ́ kplá hwǐ yɔ̌yɔ́ ɖokpó, bó hɛn hwǎn ɖokpó, bɔ gan xwíɖíxwíɖí e ɖo nu tɔn ɔ́, ganvɔ wɛ è dǒ tun; ganvɔ ɔ́ da hú kilóo atɔn.

Jozuwée 14:12

Hǔn bo ná mì sókan mɛ yíkúngban élɔ́ e sín akpá Mawu Mavɔmavɔ dó nú mì gbe nɛ́ gbe ɔ́, ɖó a se ɖɔ Anáki ví lɛ́ɛ wɛ ɖo fínɛ́, bɔ toxo ɖaxó ɖaxó e è mɛ ahohó lɛ́ lɛ̌ dó lɛ́ɛ ɖo fínɛ́. Nú Mawu Mavɔmavɔ kó sixú ɖo kpɔ́ xá mì kpowun ɔ́, un ná yí to ɔ́ sín yě sí, lě e Mawu Mavɔmavɔ ɖɔ gbɔn é.”