Kɛ́nsísɔ́ 13:27 - MAWUXÓWÉMA

²⁷ Yě ɖɔ nú Mɔyízi ɖɔ: “Mǐ yi to e mɛ a sɛ́ mǐ dó ɔ́ mɛ. Anɔ̌sin kpó wǐin kpó nɔ́ sa ɖo to ɔ́ mɛ nǔgbó. Atínsínsɛ́n to ɔ́ mɛ tɔn ɖě ɖíe.

Kɛ́nsísɔ́ 13:27 Iomraidhean Croise

Nɛɛmíi 9:25

Yě yǐ toxo e è mɛ ahohó lɛ́ lɛ̌ dó lɛ́ɛ, bó yí ayǐkúngban ɖagbe lɛ́ɛ, xwé e dɔkun gɔ́ lɛ́ɛ, tɔ e è kun lɛ́ɛ, bó yí vǐwungbo kpó olívugbo kpó, bó yí atínsínsɛ́ngbo tɛnmɛ tɛnmɛ lɛ́ɛ kɔn nyi kpɔ́. Gbɔn xomɛnyínyɔ́ towe maɖódogbó ɔ́ mɛ ɔ́, yě mɔ nǔ bó ɖu, bó gɔ́ xo ganjí, bó ɖu gbɛ.

Tíntɔ́n 13:5

Ényí Mawu Mavɔmavɔ kó kplá mi yi Kanáanu lɛ́ɛ kpó Hitíti lɛ́ɛ kpó Amɔliti lɛ́ɛ kpó Hivíti lɛ́ɛ kpó, kpódó Jebuzinu lɛ́ɛ kpó sín to mɛ ɔ́, mi ná nɔ́ ɖu xwe tɔn ɖo sun ɖokpó énɛ́ ɔ́ mɛ xwewú xwewú. To énɛ́ ɔ́ sín akpá wɛ Mawu Mavɔmavɔ kó dó nú tɔ́gbó mitɔn lɛ́ɛ; nyibúnɔ́sin kpó wǐin kpó nɔ́ sa ɖo to énɛ́ ɔ́ mɛ.

Tíntɔ́n 3:17

un ná kplá mi sín Ejípu tomɛ fí e mi ɖo ya ji ɖe wɛ é, bó ná kplá mi yi Kanáa ví lɛ́ɛ, Hitíti lɛ́ɛ, Amɔliti lɛ́ɛ, Pɛliziti lɛ́ɛ, Hivíti lɛ́ɛ kpó Jebuzinu lɛ́ɛ kpó sín to mɛ. Un ná kplá mi yi to e mɛ nyibúnɔ́sin kpó wǐin kpó nɔ́ sa tɔ ɖe ɔ́ mɛ.’

Tíntɔ́n 3:8

Énɛ́ ɔ́ wú wɛ un jɛ te bó ná hwlɛ́n ɛ ɖo Ejípunu lɛ́ɛ sí, bó ná kplá ɛ sín Ejípu yi to ɖaxó ɖagbe ɖagbe ɖé mɛ. Un ná kplá ɛ yi to e mɛ nyibúnɔ́sin kpó wǐin kpó nɔ́ sa tɔ ɖe ɔ́ mɛ, ɖo fí e Kanáa ví lɛ́ɛ, Hitíti lɛ́ɛ, Amɔliti lɛ́ɛ, Pɛliziti lɛ́ɛ, Hivíti lɛ́ɛ kpódó Jebuzinu lɛ́ɛ kpó nɔ́ nɔ lɛ́ɛ é.

Tíntɔ́n 33:3

Mi ɖidó to énɛ́ ɔ́ mɛ; nyibúnɔ́sin kpódó wǐin kpó nɔ́ sa tɔ ɖ'é mɛ. Lo ɔ́, un sɔ́ ná nɔ tɛ́ntin mitɔn ǎ, un táá hu mi ɖo alixo, ɖó mi tlí tó dín.”

Jelemíi 11:5

Énɛ́ ɔ́, un ná ɖe akpá e un dó nú tɔ́gbó mitɔn lɛ́ɛ é. Akpá e un dó nú yě ɖɔ un ná ná yě to e mɛ wǐin kpó nyibúnɔ́sin kpó nɔ́ sa tɔ ɖe é. To ɔ́ mɛ ɖíe mi ɖe din e.’ ” Ée Mawu ɖɔ mɔ̌ ɔ́, un ɖɔ: “Mawu Mavɔmavɔ, nǔgbó wɛ a ɖɔ.”

Jelemíi 32:22

A dǒ akpá nú tɔ́gbó mǐtɔn lɛ́ɛ bó xwlé nǔ d'é jí ɖɔ émí ná ná yě to élɔ́; to élɔ́ e mɛ wǐin kpó anɔ̌sin kpó nɔ́ sa ɖe é, bó ka ná yě nǔgbó.

Ezekiyɛ́li 20:15

Amɔ̌, un ɖɔ nú yě ɖo gbětótló ɔ́ mɛ dɔ̌n ɖɔ un kún sɔ́ ná kplá yě yi to e mɛ anɔ̌sin kpó wǐin kpó nɔ́ sa tɔ ɖe, bɔ un dó akpá tɔn nú yě ɔ́ mɛ ó; to e nyɔ́ ɖɛkpɛ hú to lɛ́ɛ bǐ ɔ́ wɛ.

Ezekiyɛ́li 20:6

Hwenɛ́nu ɔ́, un dó akpá nú yě ɖɔ un ná ɖe yě tɔ́n sín Ejípu, bó kplá yě yi to e un ko ba do ná ɖ'ayǐ ɔ́ mɛ; anɔ̌sin kpó wǐin kpó nɔ́ sa tɔ ɖo to ɔ́ mɛ. To ɔ́ nyɔ́ ɖɛkpɛ hú to lɛ́ɛ bǐ.

Levíi ví 20:24

Bó ɖɔ nú yě ɖɔ: ‘Mitɔn wɛ ayǐkúngban yětɔn ná nyí; to énɛ́ e mɛ anɔ̌sin kpódó wǐin kpó gɔ́ ɔ́, nyɛ wɛ ná mi.’ Nyɛ wɛ nyí Mawu Mavɔmavɔ, Mawu mitɔn e ɖe mi ɖó vo nú togun ɖě lɛ́ɛ é.

Kɛ́nsísɔ́ 14:7

bó ɖɔ nú Izlayɛ́li ví lɛ́ɛ ɖɔ: “To e mǐ yi ba do ná ɔ́, to ɖagbe wɛ.

Kɛ́nsísɔ́ 14:8

Nú Mawu Mavɔmavɔ nyɔ́ xomɛ dó mǐ wú ɔ́, é ná kplá mǐ yi to ɔ́ mɛ, bó ná ná to ɔ́ mǐ. Anɔ̌sin kpó wǐin kpó wɛ nɔ́ sa ɖo fínɛ́.

Kɛ́nsísɔ́ 16:13

A kplá mǐ sín to e mɛ nyibúnɔ́sin kpó wǐin kpó ɖo sisa ɖe wɛ ɔ́ mɛ, bó ná hu mǐ ɖo gbětótló mɛ. É ɖo mɔ̌ có énɛ́ ɔ́ kó kpé we ǎ, bɔ a jlǒ ná kpa acɛ nú mǐ gǎn mǐtɔn wɛ a nyǐ ɖɔhun.

Kɛ́nsísɔ́ 16:14

Gbeɖé, a kplá mǐ yi to e mɛ nyibúnɔ́sin kpó wǐin kpó ɖo sisa wɛ ɖe ɔ́ mɛ ǎ. A nǎ gle mǐ ǎ, a ka ná vǐwungbo mǐ ǎ. Nukúntíntɔ́nnɔ lɛ́ɛ wɛ a ka kpé nǔ xá wɛ a vɛdó a? Mǐ jǎwe ǎ, mǐ gbɛ́!”

Sɛ́nflínmɛ 11:9

bó ná dɔ́ ji ɖo to e Mawu Mavɔmavɔ zin alɔ dó akɔ́n ɖɔ émí ná ná tɔ́gbó mitɔn lɛ́ɛ kpó vǐ mitɔn lɛ́ɛ kpó ɔ́ mɛ. To e mɛ nyibúnɔ́sin kpó wǐin kpó nɔ́ sa ɖe é.”

Sɛ́nflínmɛ 26:9

É kplá mǐ wá fí élɔ́, bó ná to élɔ́ mǐ; to e mɛ wǐin kpó nyibúnɔ́sin kpó nɔ sa ɖe é.

Sɛ́nflínmɛ 27:3

bó ná wlán sɛ́n lɛ́ɛ bǐ dó awǐnnya lɛ́ɛ wú. Mɔ̌ wɛ mi ná bló cóbó ná byɔ́ to e ná mi wɛ Mawu Mavɔmavɔ, Mawu mitɔn ɖe ɔ́ mɛ, bɔ é ná nyí mitɔn lě e é kó dó akpá tɔn nú tɔ́gbó mitɔn lɛ́ɛ gbɔn é; to énɛ́ mɛ ɔ́, wǐin kpó nyibúnɔ́sin kpó wɛ nɔ́ sa tɔ ɖ'é mɛ.

Sɛ́nflínmɛ 31:20

Đó un ná kplá yě yi to e sín akpá un dó nú tɔ́gbó yětɔn lɛ́ɛ bɔ anɔ̌sin kpó wǐin kpó nɔ́ sa ɖe ɔ́ mɛ. Yě ná mɔ nǔ bó ɖu, bó gɔ́ xo, bó ná vo. Yě ká ná sɛn nǔ ɖěvo lɛ́ɛ. Yě ná gbɛ́ wǎn nú mì, bó ná hɛn akɔ e un jɛ xá yě é gblé.

Sɛ́nflínmɛ 6:3

Izlayɛ́li ví lɛ́ɛ mi! Mi ɖótó xó énɛ́ lɛ́ɛ ganjí, bó wlíbo nú yě, bó xwedó yě dó wa nǔ, bónú nǔ ná nyɔ́ nú mi, bɔ mi ná gba kún ɖo to e sín akpá Mawu Mavɔmavɔ, Mawu tɔ́gbó mitɔn lɛ́ɛ tɔn dó nú mi, bɔ anɔ̌sin kpó wǐin kpó ɖo sisa ɖe wɛ é mɛ.”

Jozuwée 5:6

Đó xwe kanɖé (40) wɛ Izlayɛ́li ví lɛ́ɛ ɖi zɔnlin xɔ ɖo gbětótló mɛ. Yě ɖo gbětótló ɔ́ mɛ káká bɔ súnnu e ko su ahwan yi ɖo yě mɛ hwenu e yě gosín Ejípu lɛ́ɛ bǐ kú, ɖó yě se tónú nú Mawu Mavɔmavɔ ǎ; bɔ Mawu Mavɔmavɔ xwlé nǔ ɖɔ émí kún ná jó yě dó, bɔ yě ná mɔ to e sín akpá émí dó nú tɔ́gbó yětɔn lɛ́ɛ ɖɔ émí ná ná yě ɔ́ ó. Anɔ̌sin kpó wǐin kpó wɛ gɔ́ to énɛ́ ɔ́ mɛ.