Kɛ́nsísɔ́ 13:22 - MAWUXÓWÉMA

²² Yě byɔ́ to ɔ́ mɛ gbɔn afɔligbé, bó yi káká Eblɔ́n, fí e Aximani kpó Cecáyi kpó, kpódó Talumayi kpó kó nɔ ɖ'ayǐ é; mɛ énɛ́ lɛ́ɛ ɔ́, Anáki ví wɛ yě nyǐ. È ɖǒ Eblɔ́n toxo ɔ́ ayǐ ɔ́, é kó ɖó xwe tɛ́nwe cóbɔ è wǎ ɖó Sowáan toxo ɔ́ ayǐ ɖo Ejípu.

Kɛ́nsísɔ́ 13:22 Iomraidhean Croise

Bǐbɛ́mɛ 13:18

Ablámu tún goxɔ tɔn lɛ́ɛ bó yi ján yě ɖó zun Mamulée tɔn lɛ́ɛ mɛ, ɖo Eblɔ́n kpá. É mɛ vɔ̌sákpe ɖokpó nyi fínɛ́ nú Mawu Mavɔmavɔ.

Bǐbɛ́mɛ 23:2

É kú ɖo Kiliyati-Aaba. Toxo énɛ́ ɔ́ wɛ nyí Eblɔ́n bó ɖo Kanáa yíkúngban jí. Ablaxámu wa asi tɔn sín nǔ lɛ́ɛ, bó ví i.

2 Samuwɛ́li 2:1

Ée nǔ énɛ́ lɛ́ɛ jɛ wá yi ɔ́, Davídi kanbyɔ́ Mawu Mavɔmavɔ ɖɔ: “Un ɖó ná yi Judáa toxo lɛ́ɛ ɖokpó mɛ wɛ a?” Mawu Mavɔmavɔ yí gbe n'i ɖɔ: “Ɛɛn!” Davídi lɛ́ kanbyɔ́ Mawu Mavɔmavɔ ɖɔ: “Toxo tɛ́ mɛ un ná yi?” Bɔ Mawu Mavɔmavɔ ɖɔ n'i ɖɔ: “Yi Eblɔ́n.”

2 Samuwɛ́li 2:11

Davídi ɖu axɔ́sú ɖo Eblɔ́n, bó kpa acɛ dó akɔta Judáa tɔn ɔ́ nu xɔ xwe tɛ́nwe adaɖé.

2 Samuwɛ́li 21:16

Halafa ví ɖokpó nɔ́ nyí Yicibi-Be-Nɔvu. Nyaví nɛ́ ɔ́ ɖɔ émí ná hu Davídi géé. Nyaví ɔ́ kplá hwǐ yɔ̌yɔ́ ɖokpó, bó hɛn hwǎn ɖokpó, bɔ gan xwíɖíxwíɖí e ɖo nu tɔn ɔ́, ganvɔ wɛ è dǒ tun; ganvɔ ɔ́ da hú kilóo atɔn.

Ɖɛhan 78:12

Mawu wa nǔjíwǔ ɖo tɔ́gbó yětɔn lɛ́ɛ nukún mɛ ɖo Ejípu, ɖo Sowáan gbé jí:

Ɖɛhan 78:43

Mɔ̌ ɖokpó ɔ́, yě sɔ́ flín nǔ e é jlɛ́ ɖo Ejípu lɛ́ɛ é ǎ, yě ká sɔ́ flín nǔjíwǔ e é wa ɖo Sowáan gbé jí lɛ́ɛ é ǎ:

Ezayíi 19:11

Gǎn Sowáan tɔn lɛ́ɛ bí ɖěbǔ ǎ; toxóɖɔtɔ́ Ejípu xɔ́sú ɔ́ tɔn lɛ́ɛ sín gbɛ̌ta jɔ xlo ɖésú. Nɛ̌ ká gbɔn bɔ mi ná yi mɔ Ejípu xɔ́sú ɔ́, bó ná ɖɔ n'i ɖɔ: “Nyɛ ɔ́, toxóɖɔtɔ́ ví wɛ nú mì, axɔ́sú ɖ'ayǐ tɔn lɛ́ɛ sín vǐ wɛ un nyí.” Nɛ̌ mi ná ɖɔ mɔ̌ gbɔn?

Ezayíi 19:13

Gǎn Sowáan tɔn lɛ́ɛ húzú xlonɔ, Mɛfísi sín gǎn lɛ́ɛ sín ayi sɔ́ ɖo nǔ mɔ wɛ ganjí ǎ. Yě wɛ nyí tokpɔnlagán e ɖo Ejípu dɔn bú wɛ é.

Ezayíi 30:4

Gǎn hɔn-yitɔ́ mitɔn lɛ́ɛ kó ɖo Sowáan, tofɔzéɖótetɔ́ mitɔn lɛ́ɛ lɔ ko hun káká yi Hanɛ́si ɖo Ejípu.

Kɛ́nsísɔ́ 13:17

Mɔyízi sɛ́ yě dó, bónú yě ná yi ba do nú Kanáa to ɔ́. É ɖɔ nú yě ɖɔ: “Mi gbɔn afɔligbé fí, bó tɔ́n jɛ sókan mɛ byɔ́ Kanáa to ɔ́ mɛ.

Kɛ́nsísɔ́ 13:28

Amɔ̌, nǔ ɖokpó e ɖ'é mɛ ɔ́ wɛ nyí ɖɔ mɛ e ɖo to ɔ́ mɛ lɛ́ɛ ɖó hlɔ̌nhlɔ́n; toxo e ɖo to ɔ́ mɛ lɛ́ɛ d'agba ɖésú, bɔ è mɛ ahohó lɛ́ lɛ̌ dó yě ganjí. Mǐ tlɛ mɔ Anáki ví lɛ́ɛ ɖo dɔ̌n.

Kɛ́nsísɔ́ 13:33

Mǐ mɔ Anáki ví lɛ́ɛ; gbɛtɔ́ jangan jangan wɛ yě nyǐ. Ayǐsínzɛn ɖɔhun wɛ mǐ cí ɖo akpá yětɔn; mɔ̌ jɛ́n yě lɔ ka ná kó mɔ mǐ ɖó ɖo akpá yětɔn.”

Sɛ́nflínmɛ 9:2

Mi ná mɔ Anáki ví lɛ́ɛ; gbɛtɔ́ sakasaka hlɔ̌nhlɔ́nnɔ wɛ yě nyǐ. Mi ɖésú tunwun yě. Yě xó ɖɔ wɛ è nɔ ɖe bó nɔ́ ɖɔ: ‘Mɛ̌ ká sixú nɔ te Anáki ví lɛ́ɛ nukɔn?’

Jozuwée 10:36

Jozuwée kpó Izlayɛ́li ví lɛ́ɛ bǐ kpó gosín Eglɔ́ni, bó yi Eblɔ́n, lobo tɔ́n ahwan toxo ɔ́.

Jozuwée 21:13

È nǎ Eblɔ́n kpó Livuna kpó vɔ̌sánú-xwlémawutɔ́ Aalɔ́ɔn ví lɛ́ɛ. Eblɔ́n ɔ́, toxo e mɛ mɛ e hu mɛ lɛ́ɛ hɛn ɔ́, yě ná nɔ yi hɔn hwlá cí lɛ́ɛ ɖě wɛ.

Hwɛɖɔtɔ́ 1:10

Yě tɔ́n ahwan Kanáanu e ɖo Eblɔ́n lɛ́ɛ, bó ɖu ɖo hɛ̌nnu Cecáyi tɔn, Aximani tɔn kpódó Talumayi tɔn kpán jí. Đ'ayǐ xóxó ɔ́, Eblɔ́n ɔ́, Kiliyati-Aaba wɛ é nɔ́ nyí.

1 Samuwɛ́li 30:31

Tomɛxó e ɖo Eblɔ́n lɛ́ɛ, kpó éé ɖo fí e é kpó mɛ tɔn lɛ́ɛ kpó ko gbɔn lɛ́ɛ bǐ kpó.