Biblia Todo Logo
Bìoball air-loidhne

- Sanasan -




Kɛ́nsísɔ́ 13:20 - MAWUXÓWÉMA

20 Mi ná kpɔ́n ɖɔ ayǐkúngban ɔ́ ná nyɔ́ jinukún, abǐ é má ná nyɔ́ jinukún a jí. Mi ná kpɔ́n ɖɔ atín wú ɖo to ɔ́ mɛ, abǐ atín má wú a jí. Mi kpan akɔ́n. Mi hɛn atínsínsɛ́n to ɔ́ mɛ tɔn ɖě wǎ.” Vǐwun nukɔntɔn lɛ́ɛ sín hwenu ka lɛ́ wɛ.

Faic an caibideil Dèan lethbhreac




Kɛ́nsísɔ́ 13:20
19 Iomraidhean Croise  

Davídi lɛ́ ɖɔ: din ɔ́, vǐ ce, Mawu Mavɔmavɔ ní nɔ kpɔ́ xá we, nǔ ní nyɔ́ nú we, bónú a nǎ sá xwé nú Mawu Mavɔmavɔ, Mawu towe, lě e é ɖɔ gbɔn ɖɔ hwi wɛ ná bló é.


Yě yǐ toxo e è mɛ ahohó lɛ́ lɛ̌ dó lɛ́ɛ, bó yí ayǐkúngban ɖagbe lɛ́ɛ, xwé e dɔkun gɔ́ lɛ́ɛ, tɔ e è kun lɛ́ɛ, bó yí vǐwungbo kpó olívugbo kpó, bó yí atínsínsɛ́ngbo tɛnmɛ tɛnmɛ lɛ́ɛ kɔn nyi kpɔ́. Gbɔn xomɛnyínyɔ́ towe maɖódogbó ɔ́ mɛ ɔ́, yě mɔ nǔ bó ɖu, bó gɔ́ xo ganjí, bó ɖu gbɛ.


Yě ɖo nyɔ̌ná towe lɛ́ɛ tɛ́ntin, ɖo axɔ́súɖuto yě ɖésúnɔ tɔn mɛ. Hwi ɖésú wɛ sɔ́ yě ɖó to ɖaxó nɛ́ ɔ́ mɛ, to e ayǐkúngban tɔn nyí ayǐkúngban ɖagbe é mɛ. Yě ká ɖɔ émí ná jó nǔ nyanya wiwa dó bó ná sɛn we ǎ.


Un ná kplá yě yi fí e ama zɔ́n ɖe ganjí é. Amagbo yětɔn ná gbɔn Izlayɛ́li só lɛ́ɛ jí. Nǔgbó wɛ, yě ná mɔ amagbo ɖagbe, bó ná nɔ́ gbɔjɛ́ ɖo fínɛ́, yě ná mɔ amagbo ɖagbe bó ná mɔ ama e zɔ́n ganjí lɛ́ɛ ɖu gbɔn só lɛ́ɛ jí.


To ɔ́ bǐ ná ɖo vivo mɛ, bɔ é ná yi byɔ́ toxo e hun nukún ganjí ɖo tokpɔn ɔ́ mɛ lɛ́ɛ é mɛ, lobo ná wa nǔ e tɔ́gbó tɔn lɛ́ɛ ma glá bó wa gbeɖé ǎ é. É ná vɔ to ɔ́, bó ná má nǔ e é bɛ́ sín ahwangbénu lɛ́ɛ kpó dɔkun lɛ́ɛ kpó nú mɛ e ɖo jǐ tɔn lɛ́ɛ. É ná to lě e é ná tɔ́n ahwan ahwankpá lɛ́ɛ gbɔn ɔ́. Amɔ̌, nǔ nɛ́ lɛ́ɛ bǐ ná nɔ mɔ̌ káká sɔ́yi ǎ.


É blá wǔ mɛ nya! Un cí mɛ e xwe atínsínsɛ́n gbɛ gbé, bɔ è ka ko gbɛ bǐ sín atín ɔ́ jí é ɖɔhun. É sɔ́ mɔ vǐwun ɖé ná ɖu ǎ; é ká sɔ́ mɔ fígi vǐví víví e é jló lɛ́ɛ ɖě ná ɖu ǎ.


Mi ná kpɔ́n ɖɔ to ɖagbe wɛ nyí to ɔ́, abǐ to nyanya wɛ a jí; mi ná kpɔ́n ɖɔ è mɛ ahohó lɛ́ lɛ̌ dó toxo lɛ́ɛ, abǐ nuvo wɛ yě ɖe a jí.


Yě wlí ali e gbɔn sókan mɛ ɔ́ ɖidó, bó yi tɔdo Ɛcikɔ́lu tɔn mɛ, bó ba do ná.


Yě gbɛ atínsínsɛ́n e ɖo to ɔ́ mɛ lɛ́ɛ wá nú mǐ. Yě ɖɔ to e na ná mǐ wɛ Mawu Mavɔmavɔ, Mawu mǐtɔn ɖe ɔ́ nyɔ́ ɖésú.


Énɛ́ ɔ́ gúdo ɔ́, Mawu Mavɔmavɔ ɖɔ nú Jozuwée Nuni ví ɔ́ ɖɔ: “Kpan akɔ́n, bó dó gǎn ɖó hwi wɛ ná kplá Izlayɛ́li ví lɛ́ɛ byɔ́ to e sín akpá un dó nú yě ɔ́ mɛ; nyi ɖésú ká ná nɔ kpɔ́ xá we.”


Énɛ́ ɔ́ wú wɛ mǐ hɛn ɔ́, mǐ ná ɖɔ kpódó jiɖiɖe kpó ɖɔ Aklúnɔ wɛ nyí mɛ e nɔ d'alɔ mǐ é. Un ná ɖi xɛsi nú nǔɖé ǎ. Étɛ́ mɛɖé ka sixú wa nú mì.”


Kpan akɔ́n bó dó gǎn, ɖó to e sín akpá un dó nú tɔ́gbó mitɔn lɛ́ɛ ɔ́, hwi wɛ ná kplá Izlayɛ́li ví lɛ́ɛ, bɔ yě ná yí.


Un ɖɔ nú we ɖɔ hwi ní kpan akɔ́n bó dó gǎn, ma wɔn ó. Ma ɖi xɛsi ó, ma lɔn nú awakanmɛ ní kú we ó, ɖó nyɛ Mawu Mavɔmavɔ, Mawu towe ɔ́, un ɖo kpɔ́ xá we ɖo fí e a nǎ gbɔn lɛ́ɛ bǐ.”


Jozuwée Nuni ví ɔ́ nɔ Citímu bó sɛ́ dobanúnǔtɔ́ we dó Jeliko ɖɔ yě ní gbɔn nǔglɔ́ nǔglɔ́ bó ba do nú to ɔ́. É ɖɔ nú yě ɖɔ yě ní ba do nú Kanáa to ɔ́ bǐ, ɖo tají ɔ́, yě ní ba do nú Jeliko toxo ɔ́. Ée mɛ we lɛ́ɛ yi to ɔ́ mɛ ɔ́, yě yi dɔ́ nyɔ̌nu agalɛtɔ́ ɖé xwé; è nɔ ylɔ́ nyɔ̌nu ɔ́ ɖɔ Hlaxábu.


Ée axɔ́sú ɔ́ se mɔ̌ ɔ́, é dó wɛn sɛ́ dó Hlaxábu ɖɔ: “Nya e wá xwé towe gbe lɛ́ɛ ɔ́, è sɛ́ yě dó ɖɔ yě ní wá ba do nú to ɔ́ céɖécéɖé wɛ. Jǒ yě nú mǐ.”


Lean sinn:

Sanasan


Sanasan