Kɛ́nsísɔ́ 12:8 - MAWUXÓWÉMA

⁸ Un nɔ ɖɔ xó n'i tlɔlɔ, bɔ é nɔ́ se gbe ce céɖécéɖé. Un nɔ zé nyɛɖée xlɛ́ ɛ; un nɔ tɔ́n ɖo nukɔn tɔn, bɔ é nɔ́ mɔ mì. Aniwú wɛ xó ɖɔ dó mɛsɛntɔ́ ce Mɔyízi wú má dó xɛsi nú mi ǎ?”

Kɛ́nsísɔ́ 12:8 Iomraidhean Croise

Bǐbɛ́mɛ 32:30

Ée nya ɔ́ ɖɔ mɔ̌ ɔ́, Jakɔ́bu ɖɔ n'i ɖɔ: “Kɛnklɛ́n bó ɖɔ nyǐkɔ towe nú mì.” Bɔ nya ɔ́ kanbyɔ́ ɛ ɖɔ: “A tunwun nyǐkɔ ce ǎ wɛ a?” Ée é ɖɔ mɔ̌ ɔ́, é xo ɖɛ dó jǐ tɔn ɖo fínɛ́.

Ɖɛhan 17:15

Nyɛ ɔ́, un ná mɔ we, ɖó un wa nǔɖé nyi do ǎ. Un fɔ́n bó ɖo mimɔ we wɛ ɔ́, xomɛ nɔ hun mì.

Ɖɛhan 49:4

Un ná kɛ nu bɔ nǔnywɛ́ ná tɔ́n sín mɛ, xó jɔ xó kɛ́ɖɛ́ wɛ ɖo ayi ce mɛ.

Tíntɔ́n 19:19

Lanzo ɔ́ sín gbe lɛ́ ɖo syɛ́nsyɛ́n d'é jí wɛ. Mɔyízi ɖo xó ɖɔ wɛ, bɔ Mawu zé gbe yi jǐ, bó ɖo gbe yí n'i wɛ.

Tíntɔ́n 20:4

Ma kpa bǒcyɔ ó; ma ka kpa nǔ e ɖo jǐnukúnsin aga lɛ́ɛ, nǔ e ɖo ayǐkúngban jí ɖo do lɛ́ɛ, nǔ e ɖo sin mɛ ɖo ayǐkúngban glɔ́ lɛ́ɛ ɖě sín akpajlɛ́ ó.

Tíntɔ́n 33:11

Mawu Mavɔmavɔ kpó Mɔyízi kpó nɔ́ kpé nu bó nɔ́ ɖɔ xó, lě e xɔ́ntɔn xɔ́ntɔn nɔ́ kpé nu bó nɔ́ ɖɔ xó ɔ́ ɖɔhun. Énɛ́ ɔ́ gúdo ɔ́, Mɔyízi nɔ lɛ́ kɔ wá fí e yě ɖǒ gɔnu ɖó ɔ́; lo ɔ́, azɔ̌ví tɔn Jozuwée Nuni ví ɔ́ cí goxɔ e mɛ Mawu Mavɔmavɔ nɔ wá kpé togun ɔ́ ɖe ɔ́ mɛ.

Tíntɔ́n 33:19

Bɔ Mawu Mavɔmavɔ ɖɔ n'i ɖɔ: “Un ná ɖe xomɛnyínyɔ́ ce bǐ xlɛ́ ɖo nukɔn towe, bó ná jlá nyɛ Mawu Mavɔmavɔ sín nyǐkɔ ɖo nukɔn towe. Un nɔ ná fɛ́nú ce mɛ e jló mì ɔ́, bó nɔ́ kú nǔbláwǔ nú mɛ e jló mì ɔ́.”

Tíntɔ́n 33:23

Hwenu e un ná ɖe alɔ ce síin ɔ́, a nǎ mɔ gǔdo ce sɛ́ dó; a nǎ mɔ nukún ce mɛ ǎ.”

Tíntɔ́n 34:30

Aalɔ́ɔn kpódó Izlayɛ́li ví lɛ́ɛ bǐ kpó mɔ ɖɔ Mɔyízi sín nukún mɛ ɖo kínkɔ́n wɛ; énɛ́ ɔ́ wú wɛ yě ma sɛkpɔ́ ɛ ǎ.

Nǔnywɛ́xó 1:6

è dǒ lǒ ɔ́, mɛ e ɖó nǔnywɛ́ é kpó mɛ e nyí mɛ bíbí é kpó ná mɔ nǔ jɛ mɛ; è ɖɔ nǔnywɛ́xó ɖé abǐ è so nǔ dó mɛ ɔ́, yě ná mɔ nǔ jɛ mɛ.

Ezayíi 40:18

Mɛ̌ wǔ mi ka jló ná jlɛ́ Mawu dó? Étɛ́ ɖɔhun é ká cí?

Ezayíi 46:5

Mɛ̌ wú mi ka ná jlɛ́ mì dó? Mɛ̌ kpó nyi kpó ká nyí gbɛ̌? Mɛ̌ kpó nyi kpó mi ka ná sɔ́ ɖó hǎ, bó jlɛ́ ɖě dó ɖě wǔ?

Ezekiyɛ́li 17:2

“Hwɛ gbɛtɔ́ e, nyi nǔbasɔ́ ɖokpó dó Izlayɛ́li togun ɔ́; dǒ lǒ ɖokpó nú yě.

Ozée 12:13

Jakɔ́bu hɔn yi Mɛzopotamíi, Izlayɛ́li nɔ wa azɔ̌ nú mɛ ɖěvo ɖó nyɔ̌nu wú. Nyɔ̌nu wú wɛ é húzú lɛ̌ngbɔ́nyitɔ́.

Kɛ́nsísɔ́ 14:14

bó ná ɖɔ nú to énɛ́ ɔ́ mɛ nu lɛ́ɛ. Yě tunwun ɖɔ hwi Mawu Mavɔmavɔ ɔ́, a ɖo togun élɔ́ tɛ́ntin; yě tunwun ɖɔ a nɔ tɔ́n dó yě jí gannaganna, bɔ akpɔ́kpɔ́ towe ɖo jǐ yětɔn. Yě tunwun ɖɔ kéze ɔ́, a nɔ ɖo nukɔn yětɔn, ɖo akpɔ́kpɔ́ ɖaxó mɛ, bɔ zǎn mɛ ɔ́, a nɔ ɖo nukɔn yětɔn ɖo myɔ ɖé mɛ.

Kɛ́nsísɔ́ 7:89

Hwenu e Mɔyízi byɔ́ Goxɔ ɔ́ mɛ, bo ná ɖɔ xó xá Mawu Mavɔmavɔ ɔ́, é se gbe ɖé sín wɛnsagun susunɔ we e ɖo akɔjijɛgbá ɔ́ sín nusú jí lɛ́ɛ ta nu. Hwe énɛ́ ɔ́ nu ɔ́, é jɛ xó ɖɔ xá ɛ jí.

Matíe 13:35

bónú xó e gbeyíɖɔ Mawu tɔn ko ɖɔ ɔ́ ná dó jɛ; é wɛ nyí ɖɔ: “Un ná nɔ́ dó lǒ dó ɖɔ xó nú yě; un ná jlá nǔ e ɖo wi mɛ sín hwenu e è ko ɖó gbɛ ɔ́ dó ɔ́ yě.”

Luki 10:16

É lɛ́ ɖɔ nú ahwanvú tɔn lɛ́ɛ ɖɔ: “Mɛ e ɖótó mi ɔ́, nyɛ wɛ é ɖótó; mɛ e ka gbɛ́ mi ɔ́, nyɛ wɛ é gbɛ́. Mɛ e ka gbɛ́ mì ɔ́, é gbɛ́ mɛ e sɛ́ mì dó ɔ́.”

Jǎan 1:18

Mɛ ɖěbǔ mɔ Mawu kpɔ́n gbeɖé ǎ; lo ɔ́, Vǐɖokpónɔ e nyí Mawu bó ɖo akɔ́n tɔn mɛ ɔ́ wɛ wá ɖe e xlɛ́.

Jǎan 15:15

Un sɔ́ nɔ ylɔ́ mi ɖɔ mɛsɛntɔ́ ǎ, ɖó mɛsɛntɔ́ nɔ mɔ do nú nǔ e wa wɛ gǎn tɔn ɖe ɔ́ ǎ. Un nɔ ylɔ́ mi ɖɔ xɔ́ntɔn, ɖó nǔ e un se ɖo Tɔ́ ce nu lɛ́ɛ bǐ wɛ un ɖe xlɛ́ mi.

Jǎan 15:24

Ényí un ma ko jlɛ́ nǔ e mɛ ɖěbǔ ma jlɛ́ kpɔ́n gbeɖé ɔ́ ɖo nukún yětɔn mɛ ǎ ɔ́, yě ná nyí hwɛhutɔ́ ǎ. Amɔ̌, din ɔ́, yě mɔ nǔjlɛ́jlɛ́ énɛ́ lɛ́ɛ có bó ka gbɛ́ wǎn nú nyɛ, bó lɛ́ gbɛ́ wǎn nú Tɔ́ ce.

1 Kɔlɛ́ntinu 13:12

Din ɔ́, nǔ e mɔ wɛ mǐ ɖe ɔ́ cí è ɖo nǔ mɔ wɛ vlivli ɖo nǔkpɛ́n e kú ɔ́ mɛ ɖɔhun. Amɔ̌, nú é wá yá ɔ́, mǐ ná mɔ nǔ lɛ́ɛ bǐ ɖó nukún wú gannaganna; din ɔ́, un ko tunwun nǔ yi kpé ǎ; amɔ̌, nú é wá yá ɔ́, un ná tunwun nǔ yi fó lě e Mawu tunwun mǐ bǐ dégbédégbé gbɔn é.

2 Kɔlɛ́ntinu 3:18

Mǐ bǐ ɔ́, è ɖe avɔ sín nukún mɛ nú mǐ, bɔ susu Aklúnɔ tɔn ɔ́, è nɔ mɔ ɖo mǐ mɛ wěkpɛ́n mɛ ɖɔhun; énɛ́ ɔ́, è húzú mǐ nú mǐ ná cí Aklúnɔ ɖɔhun, bɔ mǐ gosín susu ɖé mɛ yi byɔ́ susu e lɛ́ hú gǎn mɔ̌ é mɛ. Azɔ̌ e Yɛ Aklúnɔ tɔn wa ɔ́ nɛ́.

Sɛ́nflínmɛ 18:15

É ká ná sɛ́ gbeyíɖɔ nyɛ Mɔyízi ɖɔhun ɖokpó dó mi, togun mitɔn mɛ nu wɛ é ná nyí: mi ná ɖótó nǔ e é ná ɖɔ nú mi é.

Sɛ́nflínmɛ 34:10

È sɔ́ mɔ gbeyíɖɔ Mɔyízi tɔn ɖɔhun ɖěbǔ ɖo Izlayɛ́li ǎ. Mawu Mavɔmavɔ kpó é kpó nɔ́ kpé nu bó nɔ́ ɖɔ xó.

Sɛ́nflínmɛ 4:15

Mɔyízi ɖɔ: “Xó tají ɖokpó ɖíe, bɔ mi ɖó ná wɔn ǎ; gbe e gbe Mawu Mavɔmavɔ nɔ myɔ tɛ́ntin, bó ɖɔ xó nú mi ɖo Holɛ́bu só jí é ɔ́, mi mɔ é ɖésú ǎ;

Sɛ́nflínmɛ 5:8

Ma ka kpa bǒcyɔ ó; ma kpa nǔ e ɖo jǐnukúnsin aga lɛ́ɛ, nǔ e ɖo ayǐkúngban jí ɖo do lɛ́ɛ, nǔ e ɖo sin mɛ ɖo ayǐkúngban glɔ́ lɛ́ɛ ɖě sín akpajlɛ́ ó.

Kolósinu 1:15

Klísu ɔ́, akpajlɛ́ Mawu e è ma nɔ mɔ ǎ ɔ́ tɔn wɛ é nyí. Nukɔngbéví wɛ é nyí, bó hú gǎn nǔ e Mawu bló lɛ́ɛ bǐ.

1 Tɛsalonikinu 4:8

Hǔn, mɛ e hɔn nǔkplɔ́nmɛ énɛ́ nyi gbě ɔ́, é nyí gbɛtɔ́ wɛ é hɔn nyi gbě ǎ; lo ɔ́, Mawu e ná Yɛsinsɛn tɔn mi ɔ́ wɛ é hɔn nyi gbě.

1 Timɔtée 6:16

É ɖokpónɔ géé wɛ má nɔ kú ǎ, bó ɖo wěziza e mɛɖé ma sixú sɛkpɔ́ ǎ é mɛ; mɛɖé mɔ ɛ kpɔ́n gbeɖé ǎ; mɛɖé ka sixú mɔ ɛ lɔ bo gbɔ ǎ. Susu kpódó hlɔ̌nhlɔ́n mavɔ mavɔ kpó ní nyí étɔn; amǐ!

Eblée 1:1

Đ'ayǐ xóxó ɔ́, Mawu gbɔn gbeyíɖɔ lɛ́ɛ jí, bó ɖɔ xó nú tɔ́gbó mǐtɔn lɛ́ɛ azɔn mɔ̌kpán gbɔn alɔ gěgé mɛ.

Eblée 1:3

É wɛ nyí susu Mawu tɔn sín wěziza sín xlɛ́, bó nyí Mawu sín xlɛ́ titewungbe tɔn. É sɔ́ xó tɔn hlɔ̌nhlɔ́nnɔ ɔ́ dó hɛn gbɛ ɔ́ ɖó te. Ée é lɛ gbɛtɔ́ lɛ́ɛ wé sín hwɛ yětɔn lɛ́ɛ mɛ gúdo ɔ́, é jínjɔ́n Mawu e nyí hlɔ̌nhlɔ́n bǐ nɔ ɔ́ sín ɖisíxwé ɖo sɛ́xwé.

2 Piyɛ́ɛ 2:10

Yě mɛ e nɔ xwedó jlǒ kwíji kwíji gbɛtɔ́ e yě nyí ɔ́ tɔn, bó nɔ gbɛ́ wǎn nú acɛkpikpa Mawu tɔn lɛ́ɛ ɔ́ wɛ é ná dɔn tó ná tawun. Nǔkplɔ́nmɛtɔ́-nyíjɛtɔ́ e xó un ɖɔ nú mi lɛ́ɛ ɔ́, ta wɛ yě nɔ syɛ́n, bó nɔ dó gbe kawun kawun dó ɖɔ xó nú mɛ; yě ɖó sísí nú nǔɖíɖó susunɔ e ɖo jǐxwé lɛ́ɛ é ǎ; lo ɔ́, zun wɛ yě nɔ zun yě.

Judi 1:8

Alɔkpa ɖokpó ɔ́ wɛ mɛdídá énɛ́ lɛ́ɛ nɔ wa nǔ gbɔn: dlɔ̌ e yě nɔ́ kú lɛ́ɛ nɔ́ dɔn yě bɔ yě nɔ dɔn agbaza yětɔn blí; yě sɔ́ acɛkpikpa Mawu tɔn dó mɔ nǔɖé ná ǎ, bó nɔ́ zun nǔɖíɖó susunɔ e ɖo sɛ́xwé lɛ́ɛ.