Kɛ́nsísɔ́ 12:7 - MAWUXÓWÉMA

⁷ Mɔ̌ wɛ é ká nyí gbɔn nú mɛsɛntɔ́ ce Mɔyízi ǎ. Éyɛ́ ɖo gbejí ɖo xwédo ce bǐ mɛ.

Kɛ́nsísɔ́ 12:7 Iomraidhean Croise

Jɔ̌bu 1:8

Ée é ɖɔ mɔ̌ ɔ́, Mawu Mavɔmavɔ ɖɔ n'i ɖɔ: “A ma mɔ mɛsɛntɔ́ ce Jɔ̌bu a? Étɔn ɖɔhun ɖě ɖo ayǐkúngban ɔ́ jí ǎ. Mɛ ɖé wɛ é nyí bɔ è nɔ mɔ nǔ jɛ do ɖě ɖɔ dó wǔ tɔn ǎ, é nɔ́ wa nǔ jlɔ́jlɔ́, é ɖo gbejí nú mì, é nɔ́ hɔn nú nǔ nyanya wiwa.”

Ɖɛhan 105:26

Énɛ́ ɔ́ wú ɔ́, é sɛ́ mɛsɛntɔ́ tɔn Mɔyízi dó, é kpódó Aalɔ́ɔn e é sɔ́ ɔ́ kpó.

Tíntɔ́n 33:11

Mawu Mavɔmavɔ kpó Mɔyízi kpó nɔ́ kpé nu bó nɔ́ ɖɔ xó, lě e xɔ́ntɔn xɔ́ntɔn nɔ́ kpé nu bó nɔ́ ɖɔ xó ɔ́ ɖɔhun. Énɛ́ ɔ́ gúdo ɔ́, Mɔyízi nɔ lɛ́ kɔ wá fí e yě ɖǒ gɔnu ɖó ɔ́; lo ɔ́, azɔ̌ví tɔn Jozuwée Nuni ví ɔ́ cí goxɔ e mɛ Mawu Mavɔmavɔ nɔ wá kpé togun ɔ́ ɖe ɔ́ mɛ.

Matíe 11:11

Má ɖɔ nǔgbó nú mi: ɖo mɛ e è ji sín nyɔ̌nu xomɛ lɛ́ɛ bǐ mɛ ɔ́, ɖokpó yětɔn hú gǎn Jǎan Yɛhwesinlɛnúmɛtɔ́ ɔ́ ǎ. É ka ɖo mɔ̌ có, mɛ e hwe hú mɛ bǐ, ɖo axɔ́súɖuto sɛ́xwé tɔn mɛ ɔ́, hú gǎn Jǎan Yɛhwesinlɛnúmɛtɔ́ ɔ́.

Matíe 11:9

Étɛ́ kpɔ́n gbé wɛ mi ka yi? Gbeyíɖɔ Mawu tɔn ɖé wɛ a? Ɛɛn wɛ un ɖɔ nú mi; é ka lɛ́ hú gbeyíɖɔ Mawu tɔn.

Mɛsɛ́dó 7:31

Nǔ énɛ́ e Mɔyízi mɔ ɔ́ kpácá ɛ tlala, bɔ é jló ná sɛ yá, bó ná kpɔ́n tlítlí tɔn, lobo ká se Aklúnɔ sín gbe bɔ é ɖɔ jí:

1 Kɔlɛ́ntinu 4:2

Mɛ e è zě azɔ̌ ɖé dó así ná ɔ́, nǔ e byɔ́ ɛ wɛ è ɖe kpowun ɔ́ wɛ nyí ɖɔ é ní nɔ gbejí.

Sɛ́nflínmɛ 18:18

Un ná sɛ́ gbeyíɖɔ hwi ɖɔhun ɖokpó dó yě, bɔ é ná nyí to yětɔn mɛ nu. Xó e un ná ɖɔ é ní ɖɔ nú mi lɛ́ɛ ɔ́, é ná ɖɔ bǐ nú mi.

Sɛ́nflínmɛ 34:5

Mɔyízi mɛsɛntɔ́ Mawu Mavɔmavɔ tɔn ɔ́ kú ɖo Mɔwabu tomɛ fínɛ́, lě e Mawu Mavɔmavɔ ko ɖɔ gbɔn é.

1 Timɔtée 3:15

È ka nɔ tunwun ǎ; ényí wǐwá ce wá ɖo lǐnlín wɛ ɔ́, wěma élɔ́ ná zɔ́n bɔ a nǎ tunwun lě e a nǎ wa nǔ gbɔn ɖo xwédo Mawu tɔn mɛ é; xwédo e nyí agun Mawu gbɛɖe ɔ́ tɔn, bó nyí dotín kpódó sósyɛ́n kpó nú nǔgbó ɔ́ é.

Jozuwée 1:1

Mɛsɛntɔ́ Mawu Mavɔmavɔ tɔn Mɔyízi kú. Ée é kú ɔ́, Mawu Mavɔmavɔ ɖɔ nú Jozuwée Nuni ví e nɔ dó alɔ Mɔyízi ɔ́ ɖɔ:

Jozuwée 1:2

“Mɛsɛntɔ́ ce Mɔyízi kú. Din ɔ́, hwi wɛ ná kplá togun ɔ́ bǐ, bɔ hwi kpó yě kpó ná dó asá Judɛ́ɛn tɔ ɔ́, bó ná yi to e un ná yě ɔ́ mɛ.