Kɛ́nsísɔ́ 12:2 - MAWUXÓWÉMA

² Yě ɖɔ: “Mɔyízi kɛ́ɖɛ́ jí jɛ́n Mawu Mavɔmavɔ nɔ ɖɔ xó gbɔn a? Mawu Mavɔmavɔ ɖɔ xó gbɔn mǐ lɔmɔ̌ jí ɖě ǎ cé?” Mawu Mavɔmavɔ se xó e yě ɖɔ ɔ́.

Kɛ́nsísɔ́ 12:2 Iomraidhean Croise

Bǐbɛ́mɛ 29:33

É lɛ́ mɔ xo ɖěvo bó ji vǐ súnnu ɖokpó. É ɖɔ: “Mawu Mavɔmavɔ mɔ ɖɔ è kún yí wǎn nú mì ɖ'ayǐ ó, bó lɛ́ ná vǐ élɔ́ mì.” É sun nyǐ vǐ ɔ́ ɖɔ Sinmɛnyɔ́ɔ; Sinmɛnyɔ́ɔ sín tínmɛ wɛ nyí “é se”.

2 Samuwɛ́li 11:27

Ée Bɛtisabe nɔ asúkúkúxɔmɛ fó ɔ́, Davídi sɛ́ mɛ dó gbě tɔn mɛ, bɔ è yi kplá ɛ wá, bɔ é yí i dó xɔ tɔn sá, bɔ é húzú asi tɔn bo ji vǐ ɖokpó n'i. Nǔ énɛ́ e Davídi wa ɔ́ nyɔ́ Mawu Mavɔmavɔ nukún mɛ ɖěbǔ ǎ.

2 Axɔ́sú 19:4

Asilíi xɔ́sú ɔ́ sɛ́ ahwangán e nɔ kplá ɛ ɔ́ dó bɔ é wá zun Mawu gbɛɖe ɔ́. Kóóyi nya! Ényí Mawu Mavɔmavɔ, Mawu towe se zun énɛ́ lɛ́ɛ din bó dɔn tó n'i ɔ́, é ná nyɔ́ mɛ nya! Hwɛ ɔ́, bo xo ɖɛ nú mɛ e kpo ɖo togun ɔ́ mɛ lɛ́ɛ.”

Tíntɔ́n 4:14

Énɛ́ ɔ́, Mawu Mavɔmavɔ sin xomɛ dó Mɔyízi bó ɖɔ: “Nɔví towe Aalɔ́ɔn Levíi ví ɔ́ ɖo fínɛ́ ǎ cé? Un tunwun ɖɔ éyɛ́ nyɔ́ xó ɖɔ. Kpɔ́n, é ɖésú nɛ́ ja gɔ̌n towe lɔ nɛ́; nú é wá mɔ we ɔ́, xomɛ ná hun i.

Tíntɔ́n 4:30

Aalɔ́ɔn ka ɖɔ xó e Mawu Mavɔmavɔ ɖɔ nú Mɔyízi lɛ́ɛ bǐ nú yě, bɔ Mɔyízi bló nǔjíwǔ lɛ́ɛ ɖo togun ɔ́ nukún mɛ.

Tíntɔ́n 5:1

Ée nǔ énɛ́ lɛ́ɛ jɛ gúdo ɔ́, Mɔyízi kpó Aalɔ́ɔn kpó yi axɔ́sú Ejípu tɔn ɔ́ gɔ́n bó ɖɔ n'i ɖɔ: “Mawu Mavɔmavɔ, Mawu Izlayɛ́li tɔn ɔ́ ɖɔ: ‘Jǒ togun ce dó bónú é yi ɖu xwe ɖokpó dó kpa susu nú mì ɖo gbětótló mɛ.’ ”

Tíntɔ́n 7:10

Mɔyízi kpó Aalɔ́ɔn kpó ká yi axɔ́sú Ejípu tɔn ɔ́ gɔ́n, bó bló nǔ e Mawu Mavɔmavɔ ɖɔ yě ní bló é. Aalɔ́ɔn zé kpo tɔn nyi kɔ́ mɛ ɖo axɔ́sú ɔ́ kpó gǎn hɔn-yitɔ́ tɔn lɛ́ɛ kpó nukɔn, bɔ kpo ɔ́ húzú dan.

Nǔnywɛ́xó 13:10

Goyíyí ɔ́, tagba wɛ é nɔ́ dɔn wá; lo ɔ́, mɛ e è kplɔ́n nǔ i ɔ́ é nɔ́ se ɔ́, mɛ énɛ́ ɔ́ ɖó nǔnywɛ́.

Ezayíi 37:4

Asilíi xɔ́sú ɔ́ sɛ́ ahwangán e nɔ kplá ɛ ɔ́ dó, bɔ é wá zun Mawu gbɛɖe ɔ́. Kóóyi nya! Ényí Mawu Mavɔmavɔ, Mawu towe se zun é nɛ́ lɛ́ɛ din, bó dɔn tó n'i ɔ́, é ná nyɔ́ mɛ nya! Hwɛ ɔ́, bo xo ɖɛ nú mɛ e kpo ɖo togun ɔ́ mɛ lɛ́ɛ.”

Micée 6:4

Un ɖe mi tɔ́n sín Ejípu, bó hwlɛ́n mi sín kannumɔgbénu. Un sɛ́ Mɔyízi, Aalɔ́ɔn kpó Miliamu kpó dó mi, bónú yě ná nɔ nukɔn mitɔn bo xlɛ́ ali mi. Abǐ énɛ́ lɛ́ɛ sín hwɛ dó mì wɛ mi ɖe a?

Kɛ́nsísɔ́ 11:1

É wá su gbe ɖokpó, bɔ Izlayɛ́li ví lɛ́ɛ jɛ gbɛvíhan dó sɛ́ dó Mawu Mavɔmavɔ jí, bɔ é nyɔ́ nukún tɔn mɛ ǎ. Ée Mawu Mavɔmavɔ se gbɛvíhan e dó wɛ yě ɖe ɔ́, xomɛ sin i, bɔ é sɛ́ myɔ dó yě, bɔ sin ɖa nǔ ɖo fí e yě ɖǒ gɔnu ɖó ɔ́ ɖo akpá ɖokpó.

Kɛ́nsísɔ́ 11:29

Mɔyízi ka yí gbe n'i ɖɔ: “Wǔ hwan dó ta ce mɛ wɛ a ɖe a? É jló mì ɖɔ Mawu Mavɔmavɔ ní gba Yɛ tɔn kɔn nyi togun tɔn bǐ jǐ, bɔ yě bǐ ná húzú gbeyíɖɔ tɔn.”

Kɛ́nsísɔ́ 12:3

Mɔyízi ka nyí mɛɖé, bó nɔ́ sɔ́ éɖée hwe ɖésú; é nɔ́ sɔ́ éɖée hwe hú gbɛtɔ́ e ɖo ayǐkúngban jí lɛ́ɛ bǐ.

Kɛ́nsísɔ́ 16:3

Yě kplé lɛ́ lɛ̌ dó Mɔyízi kpó Aalɔ́ɔn kpó, bó ɖɔ nú yě ɖɔ: “É kpé mɔ̌ lo! Đó mǐ mɛ e ɖo Izlayɛ́li sín togun ɔ́ mɛ lɛ́ɛ bǐ wɛ nyí Mawu Mavɔmavɔ tɔn, bɔ Mawu Mavɔmavɔ ɖo mǐ bǐ tɛ́ntin. Aniwú wɛ mi nɔ mɔ ɖɔ émí hú gǎn mɛ e ɖo togun Mawu Mavɔmavɔ tɔn mɛ lɛ́ɛ bǐ?”

Hlɔ̌manu 12:10

Mi nɔ ɖó wǎn yíyí titewungbe nú miɖée lě e nɔví nɔví lɛ́ɛ nɔ́ yí wǎn nú yěɖée gbɔn é. Mi nɔ ɖó sísí titewungbe nú miɖée.

Hlɔ̌manu 12:3

Đó nǔníná e Mawu ná mǐ ɖo xomɛnyínyɔ́ tɔn mɛ é wú ɔ́, un ɖo ɖiɖɔ nú mi mɛ ɖokpó ɖokpó wɛ ɖɔ mɛɖé ní ma nɔ mɔ éɖée zɛ nǔ e é nyí ɔ́ wú ɖo linlin é ɖésúnɔ tɔn mɛ ó; lo ɔ́, linlin e é nɔ ɖó dó é ɖésúnɔ wú ɔ́ ní nɔ́ nɔ jlɛ̌mɛ, lě e Mawu ná nǔɖiɖi mɛ ɖokpó ɖokpó gbɔn é.

Filípunu 2:14

Mi wa nǔ bǐ; mi ma húnhún nǔ ɖɔ ɖo nǔ e wa wɛ mi ɖe lɛ́ɛ ɖě kɔn ó, mi ma ka dɔn nǔ ɖo ɖě kɔn ó;

Filípunu 2:3

Mi ma sɔ́ ce jɛ́n ná nyɔ́ sín ayixa, abǐ mɛɖée sɔ́ su dó wǔvɔ́ sín ayixa dó wa nǔ ɖěbǔ ná ó; lo ɔ́, mi nɔ sɔ́ miɖée hwe ɖo mɛ ɖě lɛ́ɛ nukɔn, bónú mɛ ɖokpó ɖokpó ní nɔ mɔ ɖɔ mɛ ɖě lɛ́ɛ hú gǎn émí.

1 Piyɛ́ɛ 5:5

Mɔ̌ ɖokpó ɔ́, mi mɛwínnyáwínnyá lɛ́ɛ mi, mi ɖó ná nɔ́ hwíhwɛ́ miɖée dó mɛ e nyí mɛxó nú mi lɛ́ɛ glɔ́; mi bǐ ní nɔ sɔ́ miɖée hwe, bó ná nɔ wa azɔ̌ nú miɖée, ɖó Mawuxówéma ɔ́ ɖɔ: “Mawu nɔ ɖe kɔ dó goyítɔ́ lɛ́ɛ; lo ɔ́, é nɔ nyɔ́ xomɛ dó mɛ e nɔ sɔ́ yěɖée hwe lɛ́ɛ wú.”