Kɛ́nsísɔ́ 12:10 - MAWUXÓWÉMA

¹⁰ Akpɔ́kpɔ́ ɔ́ hɔ́n sín Goxɔ ɔ́ ta nu, bɔ è nǎ mɔ nǔɖé kpowun ɔ́, wǔtuzɔn baɖabaɖa ɖé jɛ́n kɔn nyi Miliamu wú, bó wé kɛ́njí ɖɔhun. Aalɔ́ɔn lílɛ́, bó kpɔ́n Miliamu, bó mɔ ɖɔ wǔtuzɔn baɖabaɖa ɖé ko kɔn nyi wǔ tɔn.

Kɛ́nsísɔ́ 12:10 Iomraidhean Croise

2 Axɔ́sú 15:5

Mawu Mavɔmavɔ sɛ́ azɔn baɖabaɖa ɖé dó Oziyási: é bɛ́ gudu bɔ gudu ɔ́ nɔ wǔtu tɔn mɔ̌ káká jɛ gbe e gbe é kú é. Hwenu e é ɖo azɔn ɔ́ jɛ wɛ ɔ́, è sɔ́ ɛ yi ɖó xwé ɖé gbe ɖo zɔ nú mɛ bǐ, bó sɔ́ vǐ tɔn Yotámu e kpa acɛ ɖo hɔnmɛ ɔ́ ɖó axɔ́súɖuto ɔ́ bǐ nu.

2 Axɔ́sú 5:27

Énɛ́ ɔ́ wú ɔ́, hwi kpódó vǐ towe lɛ́ɛ kpó ná bɛ́ gudu e Naamáni jɛ ɔ́, bɔ é ná nɔ mi wú káká yi.” Ée Elizée ɖɔ mɔ̌ ɔ́, gudu kpé Gehazíi wú, bɔ wǔtu tɔn bǐ wé kɛ́njí ɖɔhun, bɔ é ɖidó.

2 Axɔ́sú 7:3

Gudunɔ ɛnɛ ɖé lɛ́ɛ ká ɖo toxo ɔ́ sín hɔntogbó jí, bó ɖɔ nú yěɖée ɖɔ: “Anǐwo! Mǐ ná nɔ fí káká bó kú wɛ a?

Tíntɔ́n 4:6

Mawu Mavɔmavɔ lɛ́ ɖɔ nú Mɔyízi ɖɔ é ní zé alɔ gbɔn awu tɔn mɛ, bó zé ɖó akɔ́nnu, bɔ é zé ɖó, bó ɖe síin. É ná mɔ nǔɖé ɔ́, gudu jɛ́n kpé alɔ tɔn, bó wé tété kɛ́njí ɖɔhun.

Ozée 9:12

Yě ná bó tɛ́nkpɔ́n bó tɔ́jú vǐ yětɔn lɛ́ɛ ɔ́, yě ná su có nú un ná yí yě sín akɔn yětɔn ǎ. Un wá jó yě dó hweɖénu hǔn, heelú yě.

Kɛ́nsísɔ́ 5:2

“Đɔ nú Izlayɛ́li ví lɛ́ɛ ɖɔ yě ní ɖe mɛ e ɖo wǔtuzɔn baɖabaɖa jɛ wɛ, abǐ mɛ e ɖo glɔ̌ zɔn jɛ wɛ, abǐ mɛ e ɖ'alɔ cyɔ ɖé wú lɛ́ɛ tɔ́n sín fí e mi ɖó gɔnu ɖó é, ɖó mɛ blíblí wɛ yě nyǐ.

Matíe 25:41

“Énɛ́ ɔ́ gúdo ɔ́, un ná ɖɔ nú mɛ e ɖo amyɔ ce xwé lɛ́ɛ ɖɔ: ‘Mi sɛ yi zɔ nú mì, mi mɛ e Mawu ko ɖó hwɛ ná lɛ́ɛ é, mi yi jɛ zo e ma nɔ cí gbeɖé ǎ, bɔ Mawu kó bɔ ɖ'ayǐ nú awǒvi kpódó ahwan tɔn lɛ́ɛ kpó é mɛ.

Sɛ́nflínmɛ 24:9

bó flín nǔ e Mawu Mavɔmavɔ, Mawu mitɔn bló xá Miliamu ɖo ali jí hwenu e mi tɔ́n sín Ejípu é.