Kɛ́nsísɔ́ 11:8 - MAWUXÓWÉMA

⁸ Togun ɔ́ nɔ́ gbadó, bó nɔ́ yi bɛ́ mǎna zǎnzǎn. Yě nɔ́ li ɖo sé jí, abǐ yě nɔ́ só ɖo tomɛ; yě nɔ́ ɖa ɖo zɛ̌n mɛ, bó nɔ́ dó bló atá ná. Atá e è sɔ ɖo ami mɛ ɔ́ ɖɔhun wɛ mǎna ɔ́ nɔ́ cí ɖo nu mɛ.

Kɛ́nsísɔ́ 11:8 Iomraidhean Croise

Bǐbɛ́mɛ 25:29

Jakɔ́bu ka ɖo nǔ ɖa wɛ gbe ɖokpó, bɔ Esawu gosín gbě wá; nǔ kó cikɔ n'i ɖésú.

Tíntɔ́n 16:23

Bɔ Mɔyízi ɖɔ nú yě ɖɔ: “Mɔ̌ wɛ Mawu Mavɔmavɔ ɖɔ. Sɔ wɛ nyí gbɔjɛzán, azǎn e è zě ɖó vo nú Mawu Mavɔmavɔ é; mi ná ɖa ɖě hǔn, mi ɖa; mi ka ná fyɔ́ sin ɖě hǔn, mi fyɔ́ sin, lobo zé ée ná kpo ɔ́ bǐ ɖ'ayǐ nú sɔ zǎnzǎn.”

Tíntɔ́n 16:31

Izlayɛ́li ví lɛ́ɛ ylɔ́ nǔɖuɖu énɛ́ ɔ́ ɖɔ mǎna; é cí atín e è nɔ ylɔ́ ɖɔ kolyandli ɔ́ sín kwín ɖɔhun: é wé bó víví wɔ̌xúxú e mɛ è dǒ wǐin ɔ́ ɖɔhun.

Kɛ́nsísɔ́ 11:7

Mǎna ɔ́ cí kolyandli sín kwín ɖɔhun, bó wé budeliyɔ́mu sín hǐnhɔ́n ɖɔhun.

Kɛ́nsísɔ́ 11:9

Hwenu e ahǔn nɔ́ ɖo jija wɛ zǎn mɛ kɔn nyi fí e yě ɖó gɔnu ɖó ɔ́, mǎna ɔ́ lɔ nɔ kɔn nyi ayǐ.

Jǎan 6:27

Mi ma nɔ jɛ tagba dó nǔɖuɖu e nɔ gblé ɔ́ tamɛ ó; lo ɔ́, mi ní nɔ jɛ tagba dó nǔɖuɖu e nɔ́ nɔ ayǐ sɔ́yi gbɛ mavɔ mavɔ é tamɛ. Nǔɖuɖu énɛ́ ɔ́, Gbɛtɔ́ví ɔ́ wɛ ná ná mi, ɖó Mawu Tɔ́ ɔ́ ná acɛ tɔn ɛ.”

Jǎan 6:31

Tɔ́gbó mǐtɔn lɛ́ɛ kó ɖu nǔɖuɖu e è nɔ ylɔ́ ɖɔ mǎna ɔ́ ɖo gbětótló mɛ lě e è ko wlán gbɔn ɖo Mawuxówéma ɔ́ mɛ é. É wɛ nyí ɖɔ: ‘É ná nǔɖuɖu e gosín jǐxwé ɔ́ yě, bɔ yě ɖu.’ ”