Kɛ́nsísɔ́ 11:5 - MAWUXÓWÉMA

⁵ Mǐ ɖo nǔ e mǐ nɔ́ ɖu vɔ̌nu ɖ'ayǐ ɖo Ejípu lɛ́ɛ flín wɛ: hweví, kɔnkɔ́nbu, ayǐkpɛn, mǎ, ayomása, áyo.

Kɛ́nsísɔ́ 11:5 Iomraidhean Croise

Ɖɛhan 17:14

Mawu Mavɔmavɔ, hwi ɖésú ní sú kún yětɔn dó, gbɛ yětɔn ní fó mɔ̌. Nǔ baɖabaɖa e a sɔ́ ɖó vo nú yě ɔ́, nǎ bǐ yě; yě ní ɖu bó zín hǔn; vǐ yětɔn lɛ́ɛ ní ɖu gɔ́ xo, bó kpo nú vǐvú yětɔn lɛ́ɛ.

Tíntɔ́n 16:3

Izlayɛ́li ví lɛ́ɛ ɖɔ nú yě ɖɔ: “Hwenu e mǐ nɔ xá dó lanzɛ́n bó nɔ́ ɖu nǔ gɔ́ xo ɖo Ejípu ɔ́, é nyí Mawu Mavɔmavɔ ko hu mǐ hwenɛ́nu wɛ ɔ́, é nyɔ́ hú. Đó mi kplá mǐ wá gbětótló élɔ́ mɛ, bó ná jó mǐ mɛ tobutóbú élɔ́ lɛ́ɛ dó, bɔ mǐ ná kú adɔ.”

Ezayíi 1:8

Sinyɔ́ɔ toxo ɔ́ kɛ́ɖɛ́ wɛ kpo ɖo te; é cí goxɔ e ɖo vǐwungbo mɛ é ɖɔhun, é cí azava e ɖo cɛ́gbákan mɛ é ɖɔhun, é cí toxo e kɛntɔ́ xá é ɖɔhun.

Jelemíi 42:14

mi gbɔ bó yí Ejípu ɔ́, é nyɔ́ hú. Ahwan ɖě ɖo dɔ̌n ǎ, mǐ ná se lanzo sín gbe e nɔ ɖe xlɛ́ ɖɔ ahwan bɛ́ ɔ́ ɖě ɖo dɔ̌n ǎ, adɔ ɖě ná dó ya nú mǐ ɖo Ejípu ǎ. Dɔ̌n wɛ mǐ na yí nɔ.

Jelemíi 44:18

Amɔ̌, sín hwenu e mǐ ma sɔ́ xwlé zǎlínkpɔ́n ɖě vodún Axɔ́si jǐxwé tɔn ɔ́ ǎ, bó má sɔ́ nɔ́ ba ahan ɖě n'i ǎ ɔ́, nǔ bǐ hán mǐ, ahwan kpó adɔ kpó hu mǐ.”

Kɛ́nsísɔ́ 14:2

Yě bǐ ɖó gbe kpɔ́, bó jɛ nǔ hlún ɖɔ dó Mɔyízi kpó Aalɔ́ɔn kpó wú jí, bó nɔ́ ɖɔ nú yě ɖɔ: “Ényí mǐ kó kú ɖo Ejípu ɔ́, é nyɔ́ hú; abǐ ényí mǐ gbɔ bó kú ɖo gbětótló ɔ́ mɛ fí ɔ́, é nyɔ́ hú!

Filípunu 3:19

Fí e yě ná yi dɔn ɖe ɔ́ wɛ yě kán wezun xwe; ɖó nǔ ɖokpó e yě nɔ sɛn ɔ́ wɛ nyí adɔgo yětɔn ; yě nɔ xɔ susu ɖo nǔ e ɖó ná hu winnyá nú yě ɔ́ mɛ, bɔ gbɛ mɛ fí sín nǔ lɛ́ɛ kɛ́ɖɛ́ jí jɛ́n ayixa yětɔn nɔ ɖe.