Kɛ́nsísɔ́ 11:4 - MAWUXÓWÉMA

⁴ É su gbe ɖěvo gbe bɔ lan ɖuɖu jɛ nǔvɔ́nɔ e ɖo Izlayɛ́li ví lɛ́ɛ tɛ́ntin lɛ́ɛ jló jí. Izlayɛ́li ví lɛ́ɛ ɖésú lɛ́ jɛ nǔ hlún ɖɔ jí ɖɔ: “Mɛ̌ wɛ ná ná lan mǐ bɔ mǐ ná ɖu?

Kɛ́nsísɔ́ 11:4 Iomraidhean Croise

Nɛɛmíi 13:3

Ée è xa sɛ́n ɔ́ lě bɔ è se ɔ́, è ɖe vǐ e yě ji ɖo toɖévomɛnu xomɛ lɛ́ɛ bǐ ɖó vo nú Izlayɛ́li ví lɛ́ɛ.

Ɖɛhan 106:14

Nǔ jɛ yě jló jí ɖo gbětótló mɛ, bɔ yě jɛ Mawu tɛ́nkpɔ́n jí.

Tíntɔ́n 12:38

Akɔta tɛnmɛ tɛnmɛ lɛ́ɛ nyi ahwan xwedó yě. Gbɔ̌ kpó nyibú kpó e yě kplá lɛ́ɛ sukpɔ́ ɖésú.

Tíntɔ́n 16:12

“Un se nǔ e hlún ɖɔ wɛ Izlayɛ́li ví lɛ́ɛ ɖe é. Đɔ nú yě ɖɔ: ‘É jɛ égbé gbadanu ɔ́, mi ná ɖu lan, bɔ sɔ zǎnzǎn ɔ́, mi ná ɖu wɔ̌xúxú gɔ́ xo. Énɛ́ ɔ́, gbɔn nǔwiwa ce lɛ́ɛ mɛ ɔ́, mi ná tunwun ɖɔ nyɛ wɛ nyí Mawu Mavɔmavɔ mitɔn.’ ”

Tíntɔ́n 16:3

Izlayɛ́li ví lɛ́ɛ ɖɔ nú yě ɖɔ: “Hwenu e mǐ nɔ xá dó lanzɛ́n bó nɔ́ ɖu nǔ gɔ́ xo ɖo Ejípu ɔ́, é nyí Mawu Mavɔmavɔ ko hu mǐ hwenɛ́nu wɛ ɔ́, é nyɔ́ hú. Đó mi kplá mǐ wá gbětótló élɔ́ mɛ, bó ná jó mǐ mɛ tobutóbú élɔ́ lɛ́ɛ dó, bɔ mǐ ná kú adɔ.”

Jelemíi 42:14

mi gbɔ bó yí Ejípu ɔ́, é nyɔ́ hú. Ahwan ɖě ɖo dɔ̌n ǎ, mǐ ná se lanzo sín gbe e nɔ ɖe xlɛ́ ɖɔ ahwan bɛ́ ɔ́ ɖě ɖo dɔ̌n ǎ, adɔ ɖě ná dó ya nú mǐ ɖo Ejípu ǎ. Dɔ̌n wɛ mǐ na yí nɔ.

Kɛ́nsísɔ́ 11:18

A nǎ ɖɔ nú togun ɔ́ ɖɔ: ‘Mi slá wǔ nú sɔ! Mi ná mɔ lan ɖu; Mawu Mavɔmavɔ se nǔ e hlún ɖɔ wɛ mi ɖe é, bó ɖɔ: mɛ̌ wɛ ná ná mǐ lan bɔ mǐ nǎ ɖu? Đó hwenu e mǐ ɖo Ejípu ɔ́, mǐ ɖo ganjí.’ Mawu Mavɔmavɔ ná ná lan mi bɔ mi ná ɖu.

Kɛ́nsísɔ́ 14:1

Gbe énɛ́ gbe zǎn mɛ ɔ́, Izlayɛ́li ví lɛ́ɛ ɖo xó sú wɛ, bó ɖo avǐ ya wɛ.

Kɛ́nsísɔ́ 14:22

Yě mɛ e mɔ susu ce, bó mɔ nǔjíwǔ e un bló ɖo Ejípu, bó bló ɖo gbětótló mɛ lɛ́ɛ, yě mɛ énɛ́ lɛ́ɛ e tɛ́n mì kpɔ́n azɔn mɔ̌kpán, lobo ma ɖótó mì ǎ lɛ́ɛ ɔ́,

Kɛ́nsísɔ́ 16:13

A kplá mǐ sín to e mɛ nyibúnɔ́sin kpó wǐin kpó ɖo sisa ɖe wɛ ɔ́ mɛ, bó ná hu mǐ ɖo gbětótló mɛ. É ɖo mɔ̌ có énɛ́ ɔ́ kó kpé we ǎ, bɔ a jlǒ ná kpa acɛ nú mǐ gǎn mǐtɔn wɛ a nyǐ ɖɔhun.

Hlɔ̌manu 13:14

Lo ɔ́, mi ní sɔ́ Aklúnɔ Jezu Klísu dó awu ɖɔhun, bó ma sɔ́ jó miɖée dó nú ninɔmɛ gbɛtɔ́ tɔn e mi ɖó é, bó wa nǔ e jló e lɛ́ɛ ó.

1 Kɔlɛ́ntinu 10:6

Kpɔ́ndéwú wɛ nǔ énɛ́ lɛ́ɛ e jɛ lɛ́ɛ nyí nú mǐ, bónú mǐ ní ma wá ɖó jlǒ nyanya yě ɖɔhun ó.

1 Kɔlɛ́ntinu 15:33

Mi ma blɛ́ miɖée ó: “Gbɛ̌ nyanya lɛ́ɛ ɔ́, walɔ ɖagbe e è ɖǒ ɔ́ wɛ yě nɔ hɛn gblé.”

Sɛ́nflínmɛ 9:22

“Mɔ̌ ɖokpó ɔ́, mi dó xomɛsin nú Mawu Mavɔmavɔ ɖo Taveéla, bó dó n'i ɖo Masa, bó lɛ́ dó n'i ɖo Kivlɔti-Taawa.