Kɛ́nsísɔ́ 11:31 - MAWUXÓWÉMA

³¹ Mawu Mavɔmavɔ bló bɔ jɔhɔn ɖé jɛ nyinyi sín xu mɛ jí, bó dɔn káyi lɛ́ɛ wá kɔn nyi fí e Izlayɛ́li ví lɛ́ɛ ɖó gɔnu ɖó ɔ́. Yě lɛ́ lɛ̌ dó fí e yě ɖǒ gɔnu ɖó ɔ́ káká yi fó dó fí ɖé, bɔ è nǎ gosín fí e yě ɖǒ gɔnu ɖó ɔ́ yi fí ɔ́, è nǎ ɖi zɔnlin nú kéze ɖokpó. Jǐ yiyi yětɔn ná ɖó mɛ̌tlu ɖokpó mɔ̌.

Kɛ́nsísɔ́ 11:31 Iomraidhean Croise

Ɖɛhan 105:40

Yě byɔ́, bɔ é ná xɛ e è nɔ ylɔ́ ɖɔ káyi lɛ́ɛ yě; é nɔ́ sɛ́ wɔ̌xúxú dó yě sín jǐxwé, bɔ yě nɔ́ ɖu gɔ́ xo.

Ɖɛhan 106:15

Mawu ná nǔ e byɔ́ wɛ yě ɖe ɔ́ yě, bó ka sɛ́ azɔn dó yě bɔ yě jɛ gǒ xú jí.

Ɖɛhan 135:7

É nɔ́ sɔ́ akpɔ́kpɔ́ sí te sín fí e ayǐkúngban kponu ɖó lɛ́ɛ. É nɔ́ ɖɔ bɔ jǐ nɔ́ kɛ wun bó nɔ́ ja. É nɔ́ sɔ́ jɔhɔn e é hɛn ɖó te é sí te.

Tíntɔ́n 10:13

Mɔyízi ka dlɛ́n kpo tɔn dó Ejípu to ɔ́ jí, bɔ Mawu Mavɔmavɔ ɖɔ bɔ jɔhɔn ɖé nyi sín zǎnzǎnhwe jí dó to ɔ́ jí bó nyi káká bɔ zǎn kú, bɔ ayǐ hɔ́n. Ée é wá jɛ zǎnzǎn ɔ́, jɔhɔn énɛ́ e ɖo nyinyi wɛ ɔ́ dɔn wɛn lɛ́ɛ wá.

Tíntɔ́n 10:19

Énɛ́ ɔ́, Mawu Mavɔmavɔ ɖɔ bɔ jɔhɔn ɖaxó ɖé nyi sín gbadahwe jí bó kplɔ́ wɛn lɛ́ɛ yi kɔn nyi Xu Vɔvɔ ɔ́ mɛ, bɔ é sɔ́ kpo kwín ɖokpó géé ɖo Ejípu to ɔ́ mɛ ǎ.

Tíntɔ́n 15:10

Amɔ̌, hwɛ Mawu Mavɔmavɔ ɔ́, a fún funfún bɔ xu ɔ́ ɖi bú yě.

Tíntɔ́n 16:13

Nǔgbó ɔ́, ée gbadanu su ɔ́, káyi lɛ́ɛ wá ɖó, bó kpé fí e yě ɖǒ gɔnu ɖó é; ée é jɛ zǎnzǎn ɔ́, ahǔn lɛ́ dó fí e yě ɖǒ gɔnu ɖó.

Kɛ́nsísɔ́ 11:30

Ée Mɔyízi ɖɔ mɔ̌ ɔ́, é kpó tomɛxó Izlayɛ́li tɔn kanɖé gban lɛ́ɛ kpó lɛ́ kɔ yi fí e yě ɖǒ gɔnu ɖó é.