Kɛ́nsísɔ́ 11:29 - MAWUXÓWÉMA

²⁹ Mɔyízi ka yí gbe n'i ɖɔ: “Wǔ hwan dó ta ce mɛ wɛ a ɖe a? É jló mì ɖɔ Mawu Mavɔmavɔ ní gba Yɛ tɔn kɔn nyi togun tɔn bǐ jǐ, bɔ yě bǐ ná húzú gbeyíɖɔ tɔn.”

Kɛ́nsísɔ́ 11:29 Iomraidhean Croise

Jowɛ́li 2:27

Énɛ́ ɔ́, Izlayɛ́li ví lɛ́ɛ mi, mi ná tunwun ɖɔ un ɖo tɛ́ntin mitɔn. Mi ná tunwun ɖɔ nyɛ wɛ nyí Mawu Mavɔmavɔ, Mawu mitɔn, ɖɔ Mawu ɖěvo kún sɔ́ tíin zɛ nyɛ wú ó. Bɔ mi mɛ e nyí togun ce ɔ́, mi sɔ́ ná ɖu winnyá gbeɖé ǎ.”

Jowɛ́li 3:1

Mawu Mavɔmavɔ ɖɔ: “Énɛ́ ɔ́ gúdo ɔ́, un ná gba Yɛ ce kɔn nyi mɛ bǐ jǐ; vǐ mitɔn lɛ́ɛ, súnnu kpó nyɔ̌nu kpó ná nyí gbeyíɖɔ; Mawu ná nɔ́ xo dlɔ̌ degénɔ mitɔn lɛ́ɛ, bɔ dɔ̌nkpɛvú mitɔn lɛ́ɛ ná nɔ́ mɔ nǔ.

Kɛ́nsísɔ́ 11:30

Ée Mɔyízi ɖɔ mɔ̌ ɔ́, é kpó tomɛxó Izlayɛ́li tɔn kanɖé gban lɛ́ɛ kpó lɛ́ kɔ yi fí e yě ɖǒ gɔnu ɖó é.

Luki 10:2

É ɖɔ nú yě ɖɔ: “Nǔkún ɖo kpɔ́ gégé ɖo gle mɛ, nǔkún-yatɔ́ lɛ́ɛ ká nyí kpɛɖé; mi bó sa vo nú jinukúnnɔ ɔ́, nú é sɛ́ azɔ̌watɔ́ dó jinukúngbo tɔn mɛ.

Mɛsɛ́dó 26:29

Pɔ́lu ka ɖɔ: “É ná bó nyí din oo, é ná bo lín oo, Mawu ní bló nú é ní ma nyí hwi ɖokpónɔ kɛ́ɖɛ́ ó; lo ɔ́, mɛ e ɖo tó ɖó mì wɛ égbé lɛ́ɛ ɔ́, bǐ sésé ní cí nyɛ ɖɔhun; Mawu ma ka lɔn bónú è wá dó wlɔ mi nyɛ ɖɔhun ó.”

1 Kɔlɛ́ntinu 13:4

Wǎn yíyí nɔ kú hǔn; é nɔ nyɔ́ xomɛ; é nɔ jló mɛ nú ǎ; é nɔ́ jlá ajɔ̌ nú éɖée ǎ; é nɔ́ yí go ǎ.

1 Kɔlɛ́ntinu 14:5

Un jló ganjí ɖɔ mi bǐ ní ɖɔ xó dó gbe tɛnmɛ tɛnmɛ mɛ; lo ɔ́, mi ní yí wɛn ɖo Mawu sí bó dó ɔ́ ka jló mì hú. Nǔgbó ɔ́, mɛ e ɖo wɛn mɔ̌hunkɔtɔn lɛ́ɛ dó wɛ ɔ́ hú gǎn mɛ e ɖo xó ɖɔ dó gbe tɛnmɛ tɛnmɛ mɛ wɛ é; afi nú mɛɖé ɖo fínɛ́, bó ná sixú tín xó e ɖɔ wɛ é ɖe ɔ́ mɛ, bónú agun ɔ́ bǐ ná dó sixú yi nukɔn.

1 Kɔlɛ́ntinu 3:21

Hǔn mɛ ɖěbǔ ɖó ná tɛ afɔ ayǐ ɖó gbɛtɔ́ wú ǎ; ɖó nǔ bǐ wɛ nyí mitɔn:

1 Kɔlɛ́ntinu 3:3

Đó mi lɛ́ kpo ɖo gbɛ zán wɛ gbɛtɔ́ gbɛ élɔ́ tɔn lɛ́ɛ ɖɔhun. Hwenu e mi lɛ́ kpo ɖo wǔhwan wɛ, bó ɖo jlɛ ɖɔ wɛ ɖo miɖée tɛ́ntin ɔ́, ɖiɖe xlɛ́ wɛ mi ɖe ɖɔ gbɛ élɔ́ tɔn wɛ émí nyí nɛ́ ǎ cé? Mi ɖo nǔ wa wɛ gbɛtɔ́ kpaa lɛ́ɛ ɖɔhun.

Filípunu 2:3

Mi ma sɔ́ ce jɛ́n ná nyɔ́ sín ayixa, abǐ mɛɖée sɔ́ su dó wǔvɔ́ sín ayixa dó wa nǔ ɖěbǔ ná ó; lo ɔ́, mi nɔ sɔ́ miɖée hwe ɖo mɛ ɖě lɛ́ɛ nukɔn, bónú mɛ ɖokpó ɖokpó ní nɔ mɔ ɖɔ mɛ ɖě lɛ́ɛ hú gǎn émí.

Jaki 4:5

Mi ma vɛdó ɖɔ yǎyá wɛ è wlǎn xó élɔ́ dó Mawuxówéma ɔ́ mɛ sín ó: è wlǎn ɖɔ: “Mawu nɔ zé wǔhwinhwan dó byɔ́ yɛ e é sɔ́ dó mǐ mɛ ɔ́ ná.”

Jaki 5:9

Nɔví lɛ́ɛ mi, mi ma nɔ jɛ miɖée sín hwɛ, bónú Mawu wá ɖɔ hwɛ xá mi ó. Hwɛɖɔtɔ́ ɔ́ ko ɖo hɔnta, bó ɖo xwé gbe ná byɔ́ wɛ.

1 Piyɛ́ɛ 2:1

Hǔn, mi bo jó adǎnúwiwa alɔkpa alɔkpa bǐ dó; mi jó nǔvúɖíɖó bǐ dó; mi jó yɛmɛnúwiwa dó; mi jó wǔhwinhwan kpó xó nyanya ɖɔ dó mɛ wú bǐ kpó dó.

1 Samuwɛ́li 10:6

Mawu Mavɔmavɔ sín Yɛ ná wá jǐ we, bɔ Mawu ná jɛ xó ɖɔ gbɔn jǐ we jí yě ɖɔhun, bɔ a nǎ húzú gbɛtɔ́ ɖěvo.