Kɛ́nsísɔ́ 11:25 - MAWUXÓWÉMA

²⁵ Mawu Mavɔmavɔ jɛ te ɖo akpɔ́kpɔ́ mɛ, bó ɖɔ xó nú Mɔyízi. É yí Yɛ e ɖo Mɔyízi jí ɔ́ ɖě, bó sɔ́ ɖó tomɛxó kanɖé gban (70) lɛ́ɛ jí, bɔ ée Yɛ ɔ́ jɛ yě jí lě tlóló ɔ́, yě jɛ xó e Mawu sɔ́ dó nu nú yě ɔ́ ɖɔ jí; yě ká ɖɔ sɔ́ yi nukɔn ǎ.

Kɛ́nsísɔ́ 11:25 Iomraidhean Croise

2 Axɔ́sú 2:15

Gbeyíɖɔ Mawu tɔn gbɛ́ta e gosín Jeliko ɔ́ ɖo zɔ bo mɔ nǔ e Elizée bló ɔ́, bó ɖɔ: “Yɛ Elíi tɔn ɖo Elizée jí.” Ée yě ɖɔ mɔ̌ ɔ́, yě yi kpé e, bó ɖe kɔ́ n'i.

Nɛɛmíi 9:20

Đo xomɛnyínyɔ́ towe mɛ ɔ́, a nǎ yě Yɛ towe, bónú é ná ná nukúnnú-mɔjɛnǔmɛ yě. A nɔ ná yě nǔɖuɖu e è nɔ ylɔ́ ɖɔ mǎna ɔ́ hwebǐnu bɔ yě nɔ́ ɖu, bó nɔ ná sin yě bɔ yě nɔ́ nu dó fá kɔ ná.

Ɖɛhan 99:7

É nɔ́ ɖɔ xó nú yě sín akpɔ́kpɔ́ e nɔ ɖo mlǐmlí wɛ é mɛ. Yě nɔ́ bló nǔ e é zɔ́n yě lɛ́ɛ, bó nɔ́ nyi sɛ́n e é ná yě lɛ́ɛ.

Tíntɔ́n 32:32

Din ɔ́, kɛnklɛ́n sɔ́ hwɛ yětɔn kɛ yě, é má ká nyí mɔ̌ ǎ hǔn, bo súnsún nyǐkɔ ce e a wlǎn dó gbɛwéma mɛ ɔ́ síin.”

Tíntɔ́n 34:5

Mawu Mavɔmavɔ jɛ te ɖo akpɔ́kpɔ́ mɛ, bó wá nɔ te akpá tɔn, bó ɖɔ mɛ e é nyí ɔ́ nú Mɔyízi.

Tíntɔ́n 40:38

Akpɔ́kpɔ́ Mawu Mavɔmavɔ tɔn ɔ́ nɔ́ nɔ goxɔ ɔ́ ta kéze, bɔ myɔ nɔ ɖo akpɔ́kpɔ́ ɔ́ mɛ zǎn mɛ, bɔ Izlayɛ́li ví lɛ́ɛ bǐ nɔ ɖo mimɔ wɛ, gbɔn fí e yě nɔ́ lɛ́ɛ bǐ.

Ezayíi 63:11

Énɛ́ ɔ́, togun tɔn wá flín nǔ e jɛ xóxó hwenu lɛ́ɛ, bó flín Mɔyízi bó ɖɔ: “Fítɛ́ mɛ e ɖe togun tɔn tɔ́n sín xu mɛ ɔ́ ká ɖe? Mɛ e ɖe lɛ̌ngbɔ́ tɔn lɛ́ɛ kpó lɛ̌ngbɔ́nyitɔ́ tɔn lɛ́ɛ kpó tɔ́n sín xu mɛ ɔ́, fítɛ́ é ká ɖe? Fítɛ́ mɛ e sɛ́ yɛ mímɛ́ tɔn dó bɔ é wá nɔ yě mɛ ɔ́ ká ɖe?

Ezekiyɛ́li 8:11

Un mɔ tomɛxó Izlayɛ́li tɔn kanɖé gban (70) ɖo ɖiɖe énɛ́ lɛ́ɛ nukɔn; Yaazaniyahu Cafáni ví ɔ́ ɖo yě mɛ. Tomɛxó lɛ́ɛ ɖokpó ɖokpó hɛn zǎlínkpɔ́nfyɔ́nú alɔ mɛ, bɔ zǎlínkpɔ́n ɖo azɔ si ɖ'é mɛ wɛ gɔgɔgɔ.

Kɛ́nsísɔ́ 11:17

Un ná jɛ te, bó ná ɖɔ xó nú we ɖo fínɛ́; un ná yí yɛ e ɖo jǐ towe ɔ́ ɖě, bó ná sɔ́ ɖó yě jǐ, bónú yě ná hɛn togun ɔ́ sín agban xá we, bónú hwi ɖokpónɔ ní má hɛn ó.

Kɛ́nsísɔ́ 12:5

Mawu Mavɔmavɔ jɛ te ɖo akpɔ́kpɔ́ mɛ, bó cí Goxɔ ɔ́ sín alihɛ́nnu, bó ylɔ́ Aalɔ́ɔn kpó Miliamu kpó, bɔ yě mɛ we lɛ́ɛ sɛkpɔ́ ɛ,

Kɛ́nsísɔ́ 16:25

Mɔyízi ka sí te bo ɖidó Datáni kpó Abilámu kpó gɔ́n, bɔ tomɛxó Izlayɛ́li tɔn lɛ́ɛ xwedó e.

Kɛ́nsísɔ́ 24:2

é zé ta d'aga bo mɔ akɔta Izlayɛ́li tɔn lɛ́ɛ ɖó gɔnu ɖó ahwankpá yětɔn yětɔn lɛ́ɛ mɛ. Énɛ́ ɔ́, Yɛ Mawu tɔn wá ta n'i,

Kɛ́nsísɔ́ 27:18

Ée Mɔyízi ɖɔ mɔ̌ ɔ́, Mawu Mavɔmavɔ ɖɔ n'i ɖɔ: “Zě Jozuwée Nuni ví ɔ́. Nya ɖé wɛ é nyí bɔ Yɛ ce ɖo jǐ tɔn. A nǎ sɔ́ alɔ towe ɖó jǐ tɔn.

Mɛsɛ́dó 11:28

Mɛ e è nɔ ylɔ́ ɖɔ Agabusi ɖo yě mɛ ɔ́ sí te, bɔ Yɛsinsɛn sɔ́ dó ayi mɛ n'i bɔ é ɖɔ adɔ ɖaxó ɖé ná wá tɔ́n ɖo ayǐkúngban ɔ́ bǐ jí. (Adɔ énɛ́ ka tɔ́n nǔgbó hwenu e Klódu ɖo axɔ́sú ɖu wɛ é.)

1 Kɔlɛ́ntinu 14:32

Yě mɛ e ɖo wɛn mɔ̌hunkɔtɔn dó wɛ lɛ́ɛ ɖó ná ɖu ɖo yěɖée jí, ɖo nǔníná e Mawu ná yě ɔ́ nukɔn.

Jaki 1:17

Nǔníná ɖagbe ɖagbe bǐ, kpó nǔnámɛ e nǔ vɔ ɖ'é wú ɔ́ bǐ kpó ɔ́, sɛ́xwé wɛ yě nɔ gosín; yě nɔ jɛ te sín Mawu e bló nǔ e ɖo jǐxwé bó nɔ ná wěziza lɛ́ɛ é gɔ́n; Mawu nɔ húzú ǎ; é ɖo ɖěbǔ ɔ́, é nɔ dó zǐnflú ǎ.

2 Piyɛ́ɛ 1:21

Đó mɛ ɖěbǔ nɔ sɔ́ jlǒ é ɖésúnɔ tɔn kpowun dó ɖɔ Mawuxó ɔ́ ná kpɔ́n gbeɖé ǎ; lo ɔ́, Yɛsinsɛn wɛ nɔ sɔ́ dó ayi mɛ nú gbɛtɔ́ lɛ́ɛ, bɔ yě nɔ ɖɔ xó e Mawu ɖɔ yě ní ɖɔ é.

Hwɛɖɔtɔ́ 3:10

Yɛ Mawu Mavɔmavɔ tɔn wá ta nú Ɔtiniyɛ́li bɔ é húzú togun Izlayɛ́li tɔn sín gǎn. É yi ahwan fun gbé bɔ Mawu Mavɔmavɔ bló bɔ é ɖu ɖo axɔ́sú Mɛzopotamíi tɔn Kucáni-Hliceatayímu jí.

1 Samuwɛ́li 10:10

Ée yě wǎ Giveya ɔ́, gbeyíɖɔ Mawu tɔn sín gbɛ̌ta ɖokpó wá kpé Sawúlu, bɔ Yɛ Mawu tɔn wá jǐ tɔn, bɔ é jɛ xó e Mawu ɖɔ gbɔn jǐ tɔn lɛ́ɛ ɖɔ jí ɖo tɛ́ntin yětɔn.