Kɛ́nsísɔ́ 11:23 - MAWUXÓWÉMA

²³ Mawu Mavɔmavɔ ka yí gbe nú Mɔyízi ɖɔ: “Nyɛ Mawu Mavɔmavɔ ɔ́, un hwe dó nǔ wú wɛ a? Nú nǔ e un ɖɔ nú we ɔ́ ná jɛ kpódó é má ná jɛ kpó ɔ́, a nǎ mɔ din.”

Kɛ́nsísɔ́ 11:23 Iomraidhean Croise

Bǐbɛ́mɛ 18:14

Nǔɖé gló Mawu Mavɔmavɔ wɛ a? Xwe ɖě ɔ́ mɛ lěhwenu ɔ́, un ná lɛ́ wá gɔ̌n towe lě e un ɖɔ gbɔn ɔ́. Sala ná kó ɖó vǐ súnnu ɖokpó nɛ́.”

2 Axɔ́sú 4:43

Mɛsɛntɔ́ tɔn yí gbe n'i ɖɔ: “Nɛ̌ wɛ un ka sixú má nǔ élɔ́ lɛ́ɛ nú gbɛtɔ́ kanwe ko gbɔn?” Lo ɔ́, Elizée ɖɔ: “Un ɖɔ hwi ní má nú yě nú yě ní ɖu. Đó Mawu Mavɔmavɔ ɖɔ: ‘Mɛ bǐ ná ɖu bɔ é ná lɛ́ kpo.’ ”

2 Axɔ́sú 7:2

Ée é ɖɔ mɔ̌ ɔ́, ahwangán e nɔ kplá axɔ́sú ɔ́ ɖɔ nú gbeyíɖɔ Mawu tɔn ɔ́ ɖɔ: “Ényí Mawu Mavɔmavɔ na bo tɔ́n ali dó jǐnukúnsin, bó sɛ́ jinukún dó gbɔn fínɛ́ ɔ́, nǔ e a ɖɔ din ɔ́ ná sixú jɛ wɛ a?” Elizée yí gbe n'i ɖɔ: “A nǎ mɔ kpó nukún towe kpó, lo ɔ́, ɖě ɖo nu towe ná jɛ wɛ ǎ.”

Ɖɛhan 78:41

Yě lɛ́ jɛ Mawu tɛ́nkpɔ́n jí, yě lɛ̌ jɛ agɔ jɛ dó Mɛ mímɛ́ Izlayɛ́li tɔn ɔ́ jí.

Tíntɔ́n 6:1

Mawu Mavɔmavɔ ɖɔ nú Mɔyízi ɖɔ: “A nǎ mɔ nǔ e un ná wa xá axɔ́sú Ejípu tɔn ɔ́ din é. Un ná ɖe hlɔ̌nhlɔ́n ce xlɛ́ ɛ, bɔ é ná jó Izlayɛ́li ví lɛ́ɛ dó bɔ yě ná yi. Un ná wa nǔ xá ɛ, bɔ é ná nya yě tɔ́n sín to tɔn mɛ.”

Ezayíi 50:2

Hwenu e un wá ɔ́, étɛ́ wú un ma ka mɔ mɛ ɖěbǔ ǎ? Hwenu e un ɖo mɛ ylɔ́ wɛ ɔ́, étɛ́ wú mɛɖé má ká sɔ nú mì ǎ? Alɔ ce hwe ga ná dó hwlɛ́n mi gán wɛ a? Un ɖó hlɔ̌nhlɔ́n e un ná dó hwlɛ́n mi é ǎ cé? Nyɛ mɛ e nɔ ɖɔ xó kpowun nú xu, bɔ xu nɔ mɛ é, xó kpowun wɛ un nɔ ɖɔ nú tɔsisa bɔ é nɔ́ xú, bɔ hweví lɛ́ɛ nɔ́ ba sin kpo bo nɔ kú, bó nɔ́ jɛ nyinyɔ jí.

Ezayíi 59:1

Mawu Mavɔmavɔ sín alɔ hwe gli, bó ná gɔn mi hwlɛ́n gán ǎ; tó tɔn ká kú, bó ná gɔn xó mitɔn se ǎ.

Jelemíi 14:9

Étɛ́wú a nǎ cí mɛ ma kpé nǔɖé wú ɖɔhun? Étɛ́wú a nǎ cí mɛ e è ylɔ́ ɖɔ nǔsúɖaxó, bɔ é má ká kpé nǔɖé wǔ bó ná hwlɛ́n mɛ gán ǎ é ɖɔhun? Mawu Mavɔmavɔ, a ka ɖo tɛ́ntin mǐtɔn sín! Towe wɛ mǐ nyí hǔn! Bo ma jó mǐ dó ó.”

Jelemíi 32:17

“Aklúnɔ Mavɔmavɔ, a sɔ́ hlɔ̌nhlɔ́n towe ɖaxó ɔ́ dó bló jǐnukúnsin kpó ayǐkúngban kpó dó ɖe gǎnhúnǔ towe xlɛ́. Nǔɖé syɛ́n bó hú gǎn we ǎ.

Jelemíi 32:27

“Nyɛ wɛ nyí Mawu Mavɔmavɔ, Mawu gbɛtɔ́ lɛ́ɛ bǐ tɔn. Nǔ ɖěbǔ gló mì ǎ.

Ezekiyɛ́li 12:25

Ɖó nyɛ Mawu Mavɔmavɔ ɔ́, un ná ɖɔ xó, bɔ nǔ e un ná ɖɔ ɔ́ ná jɛ; é ná gblá ǎ. Nǔgbó wɛ, mi mɛ tónúmasetɔ́ élɔ́ lɛ́ɛ ɔ́, gbɛ hwenu mitɔn wɛ nǔ e un ɖɔ dó mi wú lɛ́ɛ ná jɛ. Nyɛ Aklúnɔ Mavɔmavɔ wɛ ɖɔ mɔ̌.”

Ezekiyɛ́li 24:14

Nyɛ Mawu Mavɔmavɔ wɛ ɖɔ xó, bɔ nǔ e un ɖɔ ɔ́ un ná bló. Un ná dó nǔ sin, ma kpɔ́n gǔdo; é ká ná vɛ́ nú mì ǎ; mɛ nú ká ná blá wǔ nú mì ǎ. Un ná ɖó hwɛ nú we, ɖó nǔ e a dó sin lɛ́ɛ kpó walɔ towe kpó wú. Xó e nyɛ Aklúnɔ Mavɔmavɔ ɖɔ ɔ́ nɛ́.”

Daniyɛ́li 6:20

Axɔ́sú ɔ́ fɔ́n zǎn fuu, bó ɖidó kinnikínnído ɔ́ kɔn.

Micée 2:7

Mawu Mavɔmavɔ dó nu togun tɔn wɛ a? É nɔ yá wǔ sin xomɛ wɛ a? É nɔ kó wa nǔ gbɔn mɔ̌ ɖ'ayǐ wɛ a? Amɔ̌, nyɛ ɔ́, mɛ e ɖo nǔ jlɔ́jlɔ́ wa wɛ lɛ́ɛ kɛ́ɖɛ́ wɛ un ná ɖɔ xó ɖagbe ná.”

Kɛ́nsísɔ́ 11:22

Gbɔ̌ kpó nyibú kpó wɛ è nǎ hu nú yě, bɔ é ná kpé yě a, abǐ hweví e ɖo xu mɛ lɛ́ɛ bǐ wɛ è nǎ bɛ́ kplé nú yě bɔ é ná kpé yě a?”

Kɛ́nsísɔ́ 23:19

Mawu nyí gbɛtɔ́ bó ná ɖó adingban ǎ. É nyí gbɛtɔ́ví, bó ná lɛ́ kɔ sín nǔ e ná wa wɛ é ɖe ɔ́ gúdo ǎ. Nǔ e é ɖɔ ɔ́, é ná bló ɖ'é jí a cé? Xó e é ɖɔ ɔ́, é ná bló ɖ'é jí a cé?

Matíe 19:26

Jezu ka kpɔ́n yě bó ɖɔ: “Gbɛtɔ́ lɛ́ɛ wɛ nǔ énɛ́ ɔ́ gló; lo ɔ́, Mawu kpé nǔ bǐ wú.”

Matíe 24:35

Jǐnukúnsin kpódó ayǐkúngban kpó ná vɔ, amɔ̌, xó ce lɛ́ɛ ná vɔ gbeɖé ǎ.

Luki 1:37

Đó nǔ ɖěbǔ gló Mawu ǎ.”