Kɛ́nsísɔ́ 11:22 - MAWUXÓWÉMA

²² Gbɔ̌ kpó nyibú kpó wɛ è nǎ hu nú yě, bɔ é ná kpé yě a, abǐ hweví e ɖo xu mɛ lɛ́ɛ bǐ wɛ è nǎ bɛ́ kplé nú yě bɔ é ná kpé yě a?”

Kɛ́nsísɔ́ 11:22 Iomraidhean Croise

2 Axɔ́sú 7:2

Ée é ɖɔ mɔ̌ ɔ́, ahwangán e nɔ kplá axɔ́sú ɔ́ ɖɔ nú gbeyíɖɔ Mawu tɔn ɔ́ ɖɔ: “Ényí Mawu Mavɔmavɔ na bo tɔ́n ali dó jǐnukúnsin, bó sɛ́ jinukún dó gbɔn fínɛ́ ɔ́, nǔ e a ɖɔ din ɔ́ ná sixú jɛ wɛ a?” Elizée yí gbe n'i ɖɔ: “A nǎ mɔ kpó nukún towe kpó, lo ɔ́, ɖě ɖo nu towe ná jɛ wɛ ǎ.”

Kɛ́nsísɔ́ 11:13

Fítɛ́ un ka ná ba lan sín nú mɛ tobutóbú élɔ́ lɛ́ɛ e ɖo lan ví ya dó kɔ nú mì wɛ é?

Kɛ́nsísɔ́ 11:21

Mɔyízi ɖɔ: “Togun e tɛ́ntin un ɖe ɔ́ bló súnnu adɔ̌kpo gban (600.000), bɔ a ka ɖɔ émí ná ná yě lan bɔ yě ná ɖu xɔ sun ɖokpó kpíkpé a!

Kɛ́nsísɔ́ 11:23

Mawu Mavɔmavɔ ka yí gbe nú Mɔyízi ɖɔ: “Nyɛ Mawu Mavɔmavɔ ɔ́, un hwe dó nǔ wú wɛ a? Nú nǔ e un ɖɔ nú we ɔ́ ná jɛ kpódó é má ná jɛ kpó ɔ́, a nǎ mɔ din.”

Matíe 15:33

Ahwanvú tɔn lɛ́ɛ ka ɖɔ n'i ɖɔ: “Fítɛ́ wɛ mǐ ka ná ba nǔɖuɖu sín ɖo gblǒlǒ mɛ fí din, bɔ é ná kpé ahwan wɔ̌buwɔ́bú élɔ́?”

Maki 6:37

É ká yí gbe nú yě ɖɔ: “Mi ɖésú mi ná nǔɖuɖu yě.” Lo ɔ́ yě yí gbe n'i ɖɔ: “Cóbónú è nǎ xɔ wɔ̌xúxú nú mɛ élɔ́ lɛ́ɛ bǐ ɔ́, è nǎ mɔ akwɛ́ ɖé bɔ é ná yi gankwɛ́ afɔɖé (200).”

Maki 8:4

Ahwanvú tɔn lɛ́ɛ ka yí gbe n'i ɖɔ: “Fítɛ́ è ka sixú mɔ nǔɖuɖu ɖe nú mɛ tobutóbú élɔ́ lɛ́ɛ, ɖo gbětótló mɛ fí, bɔ é ná kpé yě?”

Luki 1:18

Zakalíi ka kanbyɔ́ wɛnsagun ɔ́ ɖɔ: “Ani wɛ ná xlɛ́ mì ɖɔ nǔ mɔ̌hunkɔ ná jɛ? Nyɛ ɖíe kó kpo e, bɔ asi ce lɔ sín xwe ka ko sɛ yi.”

Luki 1:34

Mali ká kanbyɔ́ wɛnsagun ɔ́ ɖɔ: “Nɛ̌ wɛ nǔ ká sixú nyí mɔ̌ gbɔn? Nyi ɖíe ma tunwun súnnu kpɔ́n ǎ e.”

Jǎan 6:9

“Nyaví ɖé ɖo fí, bó hɛn wɔ̌xúxú atɔ́ɔ́n kpódó hweví we kpó; fítɛ́ nǔ énɛ́ ka sixú jɛ nú mɛ tobutóbú élɔ́ lɛ́ɛ?”