Kɛ́nsísɔ́ 11:20 - MAWUXÓWÉMA

²⁰ lo ɔ́, mi ná ɖu xɔ sun ɖokpó kpíkpé; mi ná ɖu káká bɔ é ná kpé kɔ nú mi; mi ná ɖu káká bɔ é ná nɔ́ tɔ́n gbɔn awɔntín mɛ nú mi, ɖó mi gbɛ́ wǎn nú nyɛ Mawu Mavɔmavɔ e ɖo tɛ́ntin mitɔn ɔ́; mi hlún nǔ ɖɔ ɖo nukɔn ce, bó ɖɔ: ‘Aniwú wɛ mǐ ká tɔ́n sín Ejípu tawun?’ ”

Kɛ́nsísɔ́ 11:20 Iomraidhean Croise

2 Samuwɛ́li 12:10

Din ɔ́, è nǎ ɖo mɛ hu wɛ ɖo xwé towe gbe tɛgbɛ, ɖó a ké ya ɖěbǔ nú mì ǎ, ɖó a yǐ Ulíi Hitíti ɔ́ sín asi bo da.

Ɖɛhan 106:15

Mawu ná nǔ e byɔ́ wɛ yě ɖe ɔ́ yě, bó ka sɛ́ azɔn dó yě bɔ yě jɛ gǒ xú jí.

Tíntɔ́n 16:13

Nǔgbó ɔ́, ée gbadanu su ɔ́, káyi lɛ́ɛ wá ɖó, bó kpé fí e yě ɖǒ gɔnu ɖó é; ée é jɛ zǎnzǎn ɔ́, ahǔn lɛ́ dó fí e yě ɖǒ gɔnu ɖó.

Tíntɔ́n 16:3

Izlayɛ́li ví lɛ́ɛ ɖɔ nú yě ɖɔ: “Hwenu e mǐ nɔ xá dó lanzɛ́n bó nɔ́ ɖu nǔ gɔ́ xo ɖo Ejípu ɔ́, é nyí Mawu Mavɔmavɔ ko hu mǐ hwenɛ́nu wɛ ɔ́, é nyɔ́ hú. Đó mi kplá mǐ wá gbětótló élɔ́ mɛ, bó ná jó mǐ mɛ tobutóbú élɔ́ lɛ́ɛ dó, bɔ mǐ ná kú adɔ.”

Tíntɔ́n 16:8

Mɔyízi ɖɔ: “Égbé gbadanu ɔ́, Mawu Mavɔmavɔ ná ná lan mi, bɔ mi ná ɖu; é jɛ sɔ zǎnzǎn ɔ́, é ná ná wɔ̌xúxú mi bɔ mi ná ɖu gɔ́ xo, ɖó Mawu Mavɔmavɔ se nǔ e mi hlún ɖɔ dó wǔ tɔn é; étɛ́ wɛ mǐdɛɛ lɛ́ɛ nyí? É nyí mǐdɛɛ lɛ́ɛ jí hlún nǔ ɖɔ dó wɛ mi ɖe ǎ, Mawu Mavɔmavɔ jí hlún nǔ ɖɔ dó wɛ mi ɖe.”

Nǔnywɛ́xó 27:7

Mɛ e gɔ́ xo ɔ́ mɔ wǐinkpa ɖo kɔ́ mɛ ɔ́, afɔ wɛ é nɔ tɛ jí; lo ɔ́, mɛ e xovɛ́ sin ɔ́ ná bó ɖu nǔ e vlɛ́ ɔ́, é nɔ mɔ ɖɔ é víví.

Malacíi 1:6

Mawu Mavɔmavɔ Nǔbǐwúkpétɔ́ ɔ́ ɖɔ nú vɔ̌sánú-xwlémawutɔ́ lɛ́ɛ ɖɔ: “Vǐ súnnu nɔ gbo gbě nú tɔ́ tɔn, bɔ mɛsɛntɔ́ nɔ gbo gbě nú gǎn tɔn. Nyɛ ɔ́, é ma ka nyí tɔ́ wɛ un nyí nú mi bo lɛ́ nyí gǎn nú mi ǎ cé? Bɔ étɛ́wú mi ma ka nɔ gbo gbě nú mì ǎ? Étɛ́wú wɛ mi ma ka nɔ sí mì ǎ? Mi nɔ ké ya nú mì ǎ, bó ká nɔ́ kanbyɔ́ mì ɖɔ: ‘Étɛ́ mɛ wɛ mǐ dó vɛ̌ nú we ɖe?’

Kɛ́nsísɔ́ 11:13

Fítɛ́ un ka ná ba lan sín nú mɛ tobutóbú élɔ́ lɛ́ɛ e ɖo lan ví ya dó kɔ nú mì wɛ é?

Kɛ́nsísɔ́ 11:19

É ká nyí ɖɔ azǎn ɖokpó géé, abǐ we, abǐ atɔ́ɔ́n, abǐ wǒ, abǐ ko wɛ mi ná ɖu lan ɔ́ xɔ ǎ;

Kɛ́nsísɔ́ 11:21

Mɔyízi ɖɔ: “Togun e tɛ́ntin un ɖe ɔ́ bló súnnu adɔ̌kpo gban (600.000), bɔ a ka ɖɔ émí ná ná yě lan bɔ yě ná ɖu xɔ sun ɖokpó kpíkpé a!

Kɛ́nsísɔ́ 14:3

Aniwú Mawu Mavɔmavɔ ka kplá mǐ xwe to énɛ́ ɔ́ mɛ, bɔ mǐ ná kú ɖo ahwangbénu, bɔ asi mǐtɔn lɛ́ɛ kpó vǐ mǐtɔn lɛ́ɛ kpó ná nyí mɛ e ɖu ɖo jǐ mǐtɔn lɛ́ɛ sín ahwankannumɔ? Mǐ lɛ́ kɔ yi Ejípu ɔ́, é nyɔ́ nú mǐ hú ǎ cé?”

Kɛ́nsísɔ́ 14:4

Énɛ́ ɔ́, yě jɛ ɖiɖɔ nú yěɖée jí ɖɔ: “Mǐ ní sɔ́ gǎn ɖokpó ɖó mǐ nu, bó lɛ́ kɔ yi Ejípu.”

Kɛ́nsísɔ́ 16:13

A kplá mǐ sín to e mɛ nyibúnɔ́sin kpó wǐin kpó ɖo sisa ɖe wɛ ɔ́ mɛ, bó ná hu mǐ ɖo gbětótló mɛ. É ɖo mɔ̌ có énɛ́ ɔ́ kó kpé we ǎ, bɔ a jlǒ ná kpa acɛ nú mǐ gǎn mǐtɔn wɛ a nyǐ ɖɔhun.

Kɛ́nsísɔ́ 20:4

Aniwú wɛ mi kplá togun Mawu Mavɔmavɔ tɔn ɔ́ wá gbětótló mɛ fí, bɔ mǐ ná kú jɛ fí, mǐ kpó kanlin mǐtɔn lɛ́ɛ kpó?

Kɛ́nsísɔ́ 21:5

Bɔ mɛ lɛ́ɛ jɛ nǔ hlún ɖɔ dó Mawu kpó Mɔyízi kpó wú jí ɖɔ: “Aniwú mi ka kplá mǐ tɔ́n sín Ejípu bɔ mǐ ná kú jɛ gbětótló mɛ fí? Đó nǔɖuɖu ɖe ɖo fí ǎ; sin ka ɖe ǎ. Wamamɔnɔ nǔɖuɖu élɔ́ cikɔ nú mǐ.”

Mɛsɛ́dó 13:41

‘Mi kpɔ́n, mi wǎngbɛ́númɛtɔ́ lɛ́ɛ; ado ní hu mi, mi ní dɔn; ɖó hwe mitɔn nu ɔ́, un ná dó nǔɖé sin, bónú ɖɔ wɛ è wá ɖɔ nú mi ɔ́, mi ná ɖi ǎ.’ ”

1 Tɛsalonikinu 4:8

Hǔn, mɛ e hɔn nǔkplɔ́nmɛ énɛ́ nyi gbě ɔ́, é nyí gbɛtɔ́ wɛ é hɔn nyi gbě ǎ; lo ɔ́, Mawu e ná Yɛsinsɛn tɔn mi ɔ́ wɛ é hɔn nyi gbě.

Jozuwée 24:27

bó ɖɔ nú togun ɔ́ ɖɔ: “Mi kpɔ́n awǐnnya élɔ́ ganjí, é wɛ ná ɖe kúnnu nú mǐ, ɖó é se xó e Mawu Mavɔmavɔ ɖɔ nú mǐ lɛ́ɛ bǐ. É wɛ ná nɔ flín nǔ mi, bɔ mi ná lɛ́ kɔ sín Mawu mitɔn gúdo ǎ.”

1 Samuwɛ́li 10:19

Égbé din ɔ́, mi ka gbɛ́ nyɛ Mawu mitɔn. Nyɛ mɛ e hwlɛ́n mi gán ɖo ya e mi ji é kpó nǔ e gbo mi lɛ́ɛ kpó bǐ mɛ é. Bɔ mi nɔ ɖɔ nú mì ɖɔ: ‘Sɔ́ axɔ́sú ɖokpó ɖó mǐ nu.’ Din ɔ́, mi zɔn akɔta mitɔn mitɔn mɛ, hɛ̌nnu mitɔn mitɔn mɛ, bó wá Mawu Mavɔmavɔ nukɔn.”

1 Samuwɛ́li 2:30

Énɛ́ ɔ́ wútu ɔ́, nǔ e Mawu Mavɔmavɔ, Mawu Izlayɛ́li tɔn ɖɔ ɔ́ ɖíe: Un ɖɔ xwédo towe kpó tɔ́gbó towe xwédo kpó ná nyí vɔ̌sánú-xwlémawutɔ́ ce káká sɔ́yi. Amɔ̌, din ɔ́, nǔ sɔ́ sixú nyí mɔ̌ gbeɖé ǎ. Đó mɛɖé sɔ́ mì su ɔ́, un ná sɔ́ ɛ su; mɛɖé ka dó vɛ̌ nú mì lɛ́ɛ ɔ́, un ná dó vɛ̌ nú yě.