Kɛ́nsísɔ́ 11:2 - MAWUXÓWÉMA

² Bɔ togun ɔ́ sú xó ylɔ́ Mɔyízi, bɔ Mɔyízi sa vo nú Mawu Mavɔmavɔ, bɔ myɔ ɔ́ cí.

Kɛ́nsísɔ́ 11:2 Iomraidhean Croise

Ɖɛhan 106:23

É ɖe gbe ɖɔ è nǐ vívá kún yětɔn bǐ. Lo ɔ́, Mɔyízi e é sɔ́ ɔ́ sa vo n'i dó ta yětɔn mɛ, bó yí yě sín xomɛsin Mawu tɔn sí, bónú é má sú kún yětɔn dó ó.

Tíntɔ́n 10:18

Ée axɔ́sú ɔ́ ɖɔ mɔ̌ ɔ́, Mɔyízi gosín gɔ̌n tɔn, bó yi sa vo nú Mawu Mavɔmavɔ.

Tíntɔ́n 34:9

bó ɖɔ: “Aklúnɔ, nú a nǎ fɛ́nú towe mì nǔgbó hǔn, kɛnklɛ́n bó wá nɔ tɛ́ntin mǐtɔn; togun élɔ́ ɔ́, tótlítɔ́ wɛ é nyí. Lo ɔ́, sɔ́ hwɛ e mǐ hu lɛ́ɛ kpódó nǔ e mǐ wa nyi do lɛ́ɛ kpó kɛ mǐ, bó yí mǐ dó yí togun towe.”

Ezayíi 37:4

Asilíi xɔ́sú ɔ́ sɛ́ ahwangán e nɔ kplá ɛ ɔ́ dó, bɔ é wá zun Mawu gbɛɖe ɔ́. Kóóyi nya! Ényí Mawu Mavɔmavɔ, Mawu towe se zun é nɛ́ lɛ́ɛ din, bó dɔn tó n'i ɔ́, é ná nyɔ́ mɛ nya! Hwɛ ɔ́, bo xo ɖɛ nú mɛ e kpo ɖo togun ɔ́ mɛ lɛ́ɛ.”

Jelemíi 15:1

Mawu Mavɔmavɔ ɖɔ nú mì ɖɔ: “Mɔyízi kpó Samuwɛ́li kpó ná bó wá sa vo nú mì dó togun élɔ́ tamɛ ɔ́, un ná húzú nǔ e un lin ná wá xá togun élɔ́ ɔ́ ǎ. Jelemíi, nya yě sín nukɔn ce, yě ní yi.

Jelemíi 37:3

É ká ɖo mɔ̌ có, axɔ́sú Sedesíyasi sɛ́ Yexukali Cɛlɛmiya ví ɔ́, kpó vɔ̌sánú-xwlémawutɔ́ Sefaníyahu Maaseya ví ɔ́ kpó dó gbeyíɖɔ Jelemíi gɔ́n, ɖɔ yě ní yi ɖɔ n'i ɖɔ: “Sa vo nú Mawu Mavɔmavɔ, Mawu mǐtɔn dó ta mǐtɔn mɛ.”

Jelemíi 42:2

bó yi mɔ gbeyíɖɔ Mawu tɔn Jelemíi, bó ɖɔ n'i ɖɔ: “Kɛnklɛ́n bó bló nǔ e na byɔ́ we wɛ mǐ ɖe ɔ́ nú mǐ. Sa vo nú Mawu Mavɔmavɔ, Mawu towe dó mǐ mɛ élɔ́ lɛ́ɛ e kpo ɖo gbɛ lɛ́ɛ bǐ tamɛ. Mǐ sukpɔ́ hú lě ɖ'ayǐ, mǐ mɛ e kpo din lɛ́ɛ ɔ́, bǐ ɖíe mɔ wɛ a ko ɖe e.

Kɛ́nsísɔ́ 12:11

Ée Aalɔ́ɔn mɔ mɔ̌ ɔ́, é ɖɔ nú Mɔyízi ɖɔ: “Mǐ wa nǔ nyi do, kɛnklɛ́n, ma zé nǔ e mǐ wa taɖunɔ ɖɔhun ɔ́ sín bǎ dó xo mǐ ó.

Kɛ́nsísɔ́ 12:13

Ée Mɔyízi se mɔ̌ ɔ́, é sú xó sɛ́ dó Mawu Mavɔmavɔ bo ɖɔ: “Mawu ce, kɛnklɛ́n gbɔ azɔn n'i!”

Kɛ́nsísɔ́ 21:7

Izlayɛ́li ví e kpo lɛ́ɛ fyá wá Mɔyízi gɔ́n, bó ɖɔ n'i ɖɔ: “Mǐ hu hwɛ, ɖó mǐ hlún nǔ ɖɔ dó Mawu Mavɔmavɔ kpó hwi kpó wú; sa vo nú Mawu Mavɔmavɔ, bónú é ná nya dan énɛ́ lɛ́ɛ dó zɔ nú mǐ.” Ée yě ɖɔ mɔ̌ ɔ́, Mɔyízi jɛ vo sa nú Mawu Mavɔmavɔ jí dó Izlayɛ́li ví lɛ́ɛ tamɛ.

Mɛsɛ́dó 8:24

Sinmɔ́ɔ ka yí gbe ɖɔ jí: “Mi ɖésúnɔ mi bo sa vo nú Aklúnɔ nú mì, bónú nǔ e mi ɖɔ ɔ́ ɖě ma ɖi wǔ ce ó.”

Eblée 7:26

Hǔn, Jezu wɛ nyí vɔ̌sánú-xwlémawutɔ́ ɖaxó e jɛ xá mǐ é, ɖó é nyí mɛ mímɛ́; é wa nǔ nyanya ɖěbǔ ǎ; hwɛ ɖěbǔ ɖo kɔ n'i ǎ. È sɔ́ ɛ ɖó vo nú hwɛhutɔ́ lɛ́ɛ, bó sɔ́ ɛ dó jǐ aga ɖo sɛ́xwé.

Jaki 5:16

Hǔn, mi bo ɖɔ hwɛ e mi hu lɛ́ɛ nú miɖée, bó xo ɖɛ nú miɖée, bónú azɔn mitɔn ná gbɔ. Đɛ e hwɛjijɔnɔ nɔ xo ɔ́ nɔ ɖó hlɔ̌nhlɔ́n ɖésú.

1 Jǎan 5:16

Ényí mɛɖé mɔ nɔví tɔn ɖo hwɛ hu wɛ hǔn, mɛ ɔ́ ní xo ɖɛ n'i; énɛ́ ɔ́, Mawu ná ná gbɛ nɔví énɛ́. É ka ɖo mɔ̌ có, hwɛ ɖokpó tíin bó nɔ dɔn mɛ yi kú; hwɛ énɛ́ tamɛ wɛ un ɖɔ è nǐ xo ɖɛ dó ǎ.