Kɛ́nsísɔ́ 11:18 - MAWUXÓWÉMA

¹⁸ A nǎ ɖɔ nú togun ɔ́ ɖɔ: ‘Mi slá wǔ nú sɔ! Mi ná mɔ lan ɖu; Mawu Mavɔmavɔ se nǔ e hlún ɖɔ wɛ mi ɖe é, bó ɖɔ: mɛ̌ wɛ ná ná mǐ lan bɔ mǐ nǎ ɖu? Đó hwenu e mǐ ɖo Ejípu ɔ́, mǐ ɖo ganjí.’ Mawu Mavɔmavɔ ná ná lan mi bɔ mi ná ɖu.

Kɛ́nsísɔ́ 11:18 Iomraidhean Croise

Bǐbɛ́mɛ 35:2

Bɔ Jakɔ́bu ɖɔ nú xwédo tɔn kpódó mɛ e ɖo kpɔ́ xá ɛ lɛ́ɛ bǐ kpó ɖɔ: “Mi bɛ́ vodún mitɔn lɛ́ɛ bǐ síin. Mi slá wǔ bó ɖyɔ́ awu.

Jɔ̌bu 20:13

É nɔ́ ɖo vǐví tɔn se wɛ bó nɔ́ tún ǎ; é nɔ́ hɛn dó ɖɛxwɛ mɛ.

Jɔ̌bu 20:23

Hwenu e é ná ɖo nǔ wlá ɖu wɛ magbokɔ ɔ́, Mawu ná kɔn xomɛsin tɔn kɔn nyi jǐ tɔn, bɔ é ná syɛ́n ɖésú; xomɛsin ná ja dó jǐ tɔn, xomɛsin ɔ́ wɛ ná nyí nǔɖuɖu tɔn.

Ɖɛhan 78:20

É nɛ́ zin nǔ dó awǐnnya wú, bɔ sin tɔ́n bó sa tɔ nɛ́, é ká sixú ná nǔɖuɖu abǐ lan togun tɔn a?”

Tíntɔ́n 16:8

Mɔyízi ɖɔ: “Égbé gbadanu ɔ́, Mawu Mavɔmavɔ ná ná lan mi, bɔ mi ná ɖu; é jɛ sɔ zǎnzǎn ɔ́, é ná ná wɔ̌xúxú mi bɔ mi ná ɖu gɔ́ xo, ɖó Mawu Mavɔmavɔ se nǔ e mi hlún ɖɔ dó wǔ tɔn é; étɛ́ wɛ mǐdɛɛ lɛ́ɛ nyí? É nyí mǐdɛɛ lɛ́ɛ jí hlún nǔ ɖɔ dó wɛ mi ɖe ǎ, Mawu Mavɔmavɔ jí hlún nǔ ɖɔ dó wɛ mi ɖe.”

Tíntɔ́n 19:10

Mawu Mavɔmavɔ lɛ́ ɖɔ nú Mɔyízi ɖɔ: “Yi Izlayɛ́li ví lɛ́ɛ gɔ́n; slá wǔ nú yě égbé kpó sɔ kpó, yě ní nya avɔ yětɔn lɛ́ɛ.

Tíntɔ́n 19:15

Mɔyízi ɖɔ nú Izlayɛ́li ví lɛ́ɛ ɖɔ: “Káká nú azǎn ná yi atɔn hǔn, mi sɔ́ nǔ ɖ'ayǐ, mi ma ɖó xó xá nyɔ̌nu ɖěbǔ ó.”

Tíntɔ́n 19:22

Vɔ̌sánú-xwlémawutɔ́ lɛ́ɛ ɖésú e kó nɔ́ sɛkpɔ́ nyɛ Mawu Mavɔmavɔ lɛ́ɛ lɔ ní slá wǔ nú yěɖée; é má nyí mɔ̌ ǎ ɔ́, nyɛ Mawu Mavɔmavɔ ɔ́, un táá wa nǔ xá yě.”

Kɛ́nsísɔ́ 11:1

É wá su gbe ɖokpó, bɔ Izlayɛ́li ví lɛ́ɛ jɛ gbɛvíhan dó sɛ́ dó Mawu Mavɔmavɔ jí, bɔ é nyɔ́ nukún tɔn mɛ ǎ. Ée Mawu Mavɔmavɔ se gbɛvíhan e dó wɛ yě ɖe ɔ́, xomɛ sin i, bɔ é sɛ́ myɔ dó yě, bɔ sin ɖa nǔ ɖo fí e yě ɖǒ gɔnu ɖó ɔ́ ɖo akpá ɖokpó.

Kɛ́nsísɔ́ 11:19

É ká nyí ɖɔ azǎn ɖokpó géé, abǐ we, abǐ atɔ́ɔ́n, abǐ wǒ, abǐ ko wɛ mi ná ɖu lan ɔ́ xɔ ǎ;

Mɛsɛ́dó 7:39

“Lo ɔ́, tɔ́gbó mǐtɔn lɛ́ɛ jló ná se tónú n'i ǎ, lobo gbɛ́ xó tɔn, bó jló ná lɛ́ kɔ yi Ejípu,

Jozuwée 7:13

Din ɔ́, yi ɖɔ nú togun ɔ́ ɖɔ é ní sɔ́ nǔ, bó wá kpé mì. Đe gbe n'i bónú é ní slá wǔ nú sɔ, ɖó nyɛ Mawu Mavɔmavɔ, Mawu Izlayɛ́li tɔn ɔ́, nǔ e ɖɔ nú Izlayɛ́li ví lɛ́ɛ wɛ un ɖe ɔ́ ɖíe: Dɔkun e un gbɛ́ ɖɔ mi ní ma bɛ́ ó lɛ́ɛ ɔ́, nǔ lɛ́ɛ ɖo así mitɔn. Ényí mi ma bɛ́ yě tɔ́n sín tɛ́ntin mitɔn ǎ ɔ́, mi ná sixú nɔ te ɖo kɛntɔ́ mitɔn lɛ́ɛ nukɔn ǎ.

Hwɛɖɔtɔ́ 21:2

Izlayɛ́li togun ɔ́ wá Betɛ́li, bɔ mɛ lɛ́ɛ jínjɔ́n Mavɔmavɔ nukɔn ɖo fínɛ́ káká yi jɛ gbadanu. Yě ji gbɛvíhan bɔ ɖasin wá yi dó yě ɖésú.