Kɛ́nsísɔ́ 11:16 - MAWUXÓWÉMA

¹⁶ Ée Mɔyízi ɖɔ mɔ̌ ɔ́, Mawu Mavɔmavɔ ɖɔ n'i ɖɔ: “Kplé tomɛxó Izlayɛ́li tɔn e a tunwun ɖɔ yě nyí tomɛxó, bó ɖó acɛ ɖo togun ɔ́ jí lɛ́ɛ kanɖé gban (70). A nǎ kplá yě wá Goxɔ ɔ́ kɔn, bɔ yě kpódó hwi kpó ná nɔ nukɔn ce fínɛ́.

Kɛ́nsísɔ́ 11:16 Iomraidhean Croise

Bǐbɛ́mɛ 46:27

Jozɛ́fu ka ji vǐ súnnu we ɖo Ejípu. Hǔn Jakɔ́bu sín hɛ̌nnu e wá nɔ Ejípu lɛ́ɛ bǐ bló kanɖé gban (70).

Tíntɔ́n 18:25

É cyán gbɛtɔ́ nukúnɖéjí lɛ́ɛ ɖo togun ɔ́ mɛ, bó zé yě ɖó togun ɔ́ nu: é zé mɛɖě ɖó gbɛtɔ́ afatɔ́n (1.000) nu, bó zé mɛɖě ɖó gbɛtɔ́ kanwe ko (100) nu, bó zé mɛɖě ɖó gbɛtɔ́ kanɖé wǒ (50) nu, lobo zé mɛɖě ɖó gbɛtɔ́ wǒ nu.

Tíntɔ́n 24:1

Mawu Mavɔmavɔ ɖɔ nú Mɔyízi ɖɔ: “Wǎ gɔ̌n ce ɖo só ɔ́ jí; hwi kpó mɛ e ná wá lɛ́ɛ kpó ɖíe: Aalɔ́ɔn, Nadavu, Avihu, kpódó tomɛxó Izlayɛ́li tɔn kanɖé gban (70) kpó. Mi ná nɔ zɔ bó ná ɖe kɔ́ nú mì.

Tíntɔ́n 24:9

Énɛ́ ɔ́ gúdo ɔ́, Mɔyízi xá só ɔ́ jí; é kpódó Aalɔ́ɔn, kpó Nadavu, kpó Avihu, kpódó tomɛxó Izlayɛ́li tɔn kanɖé gban (70) lɛ́ɛ kpó.

Tíntɔ́n 4:29

Bɔ Mɔyízi kpó Aalɔ́ɔn kpó wlí ali bó ɖidó. Ée yě yi ɔ́, yě kplé tomɛxó Izlayɛ́li tɔn lɛ́ɛ bǐ.

Jelemíi 19:1

Mawu Mavɔmavɔ ɖɔ nú Jelemíi ɖɔ: “Yi zɛ̌nmɛtɔ́ xwé bó xɔ tɔyizɛ́n ɖokpó, bó kplá tomɛxó ɖé lɛ́ɛ kpó vɔ̌sánú-xwlémawutɔ́ ɖé lɛ́ɛ kpó,

Ezekiyɛ́li 8:11

Un mɔ tomɛxó Izlayɛ́li tɔn kanɖé gban (70) ɖo ɖiɖe énɛ́ lɛ́ɛ nukɔn; Yaazaniyahu Cafáni ví ɔ́ ɖo yě mɛ. Tomɛxó lɛ́ɛ ɖokpó ɖokpó hɛn zǎlínkpɔ́nfyɔ́nú alɔ mɛ, bɔ zǎlínkpɔ́n ɖo azɔ si ɖ'é mɛ wɛ gɔgɔgɔ.

Kɛ́nsísɔ́ 11:24

Mɔyízi gosín Mawu Mavɔmavɔ nukɔn, bó yi ɖɔ xó e Mawu Mavɔmavɔ ɖɔ ɔ́ nú togun ɔ́. É kplé tomɛxó togun ɔ́ tɔn lɛ́ɛ kanɖé gban (70), bo to yě lɛ́ lɛ̌ dó Goxɔ ɔ́.

Kɛ́nsísɔ́ 16:25

Mɔyízi ka sí te bo ɖidó Datáni kpó Abilámu kpó gɔ́n, bɔ tomɛxó Izlayɛ́li tɔn lɛ́ɛ xwedó e.

Luki 10:1

Énɛ́ gúdo ɔ́, Aklúnɔ lɛ́ ɖe ahwanvú kanɖé gban-nukún-we (72), bó sɛ́ yě dó webɔ webɔ, bɔ yě jɛ nukɔn n'i yi to e mɛ é ɖésú ɖó ná yi lɛ́ɛ, kpódó fí e é ɖó ná gbɔn lɛ́ɛ bǐ kpán.

Luki 10:17

Ahwanvú lɛ́ɛ lɛ́ kɔ wá kpódó xomɛhunhun kpán, bó ɖɔ nú Jezu ɖɔ: “Aklúnɔ, mǐ ylɔ́ nyǐkɔ towe lě ɔ́, yɛ nyanya lɛ́ɛ ɖésú nɔ jó ta nú mǐ.”

Sɛ́nflínmɛ 1:15

Énɛ́ ɔ́, un cyán gbɛtɔ́ nǔnywɛ́tɔ́, gbɛtɔ́ e è sixú ɖe kúnnu ɖagbe ná, bɔ yě kó ɖó azɔ̌, bó nɔ́ wa ɖo akɔta mitɔn lɛ́ɛ mɛ lɛ́ɛ. Un zé mɛ ɖě ɖó gbɛtɔ́ afatɔ́n (1.000) nu, bó zé mɛ ɖě ɖó gbɛtɔ́ kanwe ko (100) nu; mɛ ɖě kpa acɛ dó gbɛtɔ́ kanɖé wǒ (50) abǐ wǒ nu? Un zɔ́n mɛ ɖě lɛ́ɛ ɖɔ yě ní cɔ́ mɛ lɛ́ɛ ɖo akɔta ɖokpó ɖokpó mɛ.

Sɛ́nflínmɛ 16:18

Mi ná zé hwɛɖɔtɔ́ kpó hwɛgbotɔ́ kpó gbɔn akɔta ɖokpó ɖokpó mɛ ɖo toxo e Mawu Mavɔmavɔ, Mawu mitɔn ná ná mi lɛ́ɛ bǐ mɛ, bɔ yě ná nɔ́ ɖɔ hwɛ ɖó sɛ́nxwi jí ɖo togun ɔ́ mɛ.

Sɛ́nflínmɛ 31:28

Din ɔ́, mi kplé tomɛxó lɛ́ɛ kpó gǎn e ɖo akɔta mitɔn mɛ lɛ́ɛ kpó bǐ nú mì; yě bǐ ní kplé ɖo nukɔn ce; yě nukɔn wɛ un ná ɖɔ xó e ɖo han ɔ́ mɛ lɛ́ɛ ɖe, bɔ jǐxwé kpó ayǐkúngban kpó ná ɖe kúnnu nú mì.