Kɛ́nsísɔ́ 11:12 - MAWUXÓWÉMA

¹² Nyɛ wɛ hɛn togun élɔ́ sín adɔgo a? Nyɛ wɛ ji i, bɔ a nɔ ɖɔ nú mì ɖɔ nyɛ ní hɛn ɛ akɔ́nnu vǐnɔ ɖɔhun káká yi to e sín akpá a dǒ nú togun élɔ́ ɔ́ mɛ a?

Kɛ́nsísɔ́ 11:12 Iomraidhean Croise

Bǐbɛ́mɛ 13:15

To e mɔ wɛ a ɖe nɛ́ lɛ́ɛ ɔ́, un ná ná bǐ hwi kpó vǐvú towe lɛ́ɛ kpó káká sɔ́yi.

Bǐbɛ́mɛ 24:7

Mawu Mavɔmavɔ wɛ ɖó jǐnukúnsin; é wɛ kplá mì sín tɔ́ ce xwé; é kplá mì sín to ce mɛ; é wɛ ɖɔ xó nú mì, bó xwlé nǔ nú mì ɖɔ émí ná ná to élɔ́ kúnkan ce lɛ́ɛ; é ɖésúnɔ ná sɛ́ wɛnsagun tɔn dó, bɔ é ná nɔ nukɔn nú we, bɔ a nǎ yi da asi wá nú vǐ ce.

Bǐbɛ́mɛ 26:3

Nɔ to élɔ́ mɛ fí; un ná nɔ kpɔ́ xá we, bó ná xo ɖɛ dó jǐ towe, ɖó hwi kpó kúnkan towe lɛ́ɛ kpó wɛ un ná ayǐkúngban élɔ́ bǐ, bɔ akpá e un dó nú tɔ́ towe Ablaxámu, bó xwlé nyɛ ɖésú d'é jí ɔ́, un ná ɖe.

Bǐbɛ́mɛ 50:24

Jozɛ́fu ɖɔ nú nɔví tɔn lɛ́ɛ gbe ɖokpó ɖɔ: “Un ná kú, amɔ̌, Mawu ná wá gɔ́ alɔ nú mi dandan. É ná kplá mi sín Ejípu fí yi to e sín akpá é kó dó nú Ablaxámu, Izáki kpó Jakɔ́bu kpó ɔ́ mɛ.”

2 Axɔ́sú 10:1

Akábu ɖó vǐ súnnu kpó vǐvú súnnu kpó kanɖé gban (70). Samalíi wɛ yě nɔ́ nɔ. Jehu sɛ́ wěma dó ahwangán Izleyɛ́li tɔn lɛ́ɛ, tomɛxó lɛ́ɛ, kpó mɛ e nɔ kplɔ́n nǔ Akábu ví lɛ́ɛ kpó ɖo Samalíi. É ɖɔ dó wěma ɔ́ mɛ ɖɔ:

2 Axɔ́sú 10:5

Énɛ́ ɔ́, mɛ e kpa acɛ dó axɔ́sú ɔ́ sín xwé nu ɔ́, kpó mɛ e kpa acɛ dó toxo ɔ́ nu ɔ́ kpó, kpó tomɛxó lɛ́ɛ kpó, kpódó mɛ e nɔ kplɔ́n nǔ axɔ́sú ɔ́ sín vǐ lɛ́ɛ kpó sɛ́ wɛn dó Jehu ɖɔ: “Mɛsɛntɔ́ towe wɛ mǐ nyí. Mǐ ná bló nǔ e a nǎ ɖɔ nú mǐ lɛ́ɛ bǐ. Mǐ ná sɔ́ mɛɖé axɔ́sú ǎ, nǔɖé jló we hǔn wa.”

Tíntɔ́n 13:11

Mɔyízi lɛ́ ɖɔ: “Hwenu e Mawu Mavɔmavɔ ná kplá mi yi Kanáa to ɔ́ mɛ bó ná ná to ɔ́ mi lě e é kó dó akpá tɔn, bó xwlé nyǐkɔ tɔn d'é jí nú tɔ́gbó mitɔn lɛ́ɛ bó dó nú mi lɔ gbɔn ɔ́.

Tíntɔ́n 13:5

Ényí Mawu Mavɔmavɔ kó kplá mi yi Kanáanu lɛ́ɛ kpó Hitíti lɛ́ɛ kpó Amɔliti lɛ́ɛ kpó Hivíti lɛ́ɛ kpó, kpódó Jebuzinu lɛ́ɛ kpó sín to mɛ ɔ́, mi ná nɔ́ ɖu xwe tɔn ɖo sun ɖokpó énɛ́ ɔ́ mɛ xwewú xwewú. To énɛ́ ɔ́ sín akpá wɛ Mawu Mavɔmavɔ kó dó nú tɔ́gbó mitɔn lɛ́ɛ; nyibúnɔ́sin kpó wǐin kpó nɔ́ sa ɖo to énɛ́ ɔ́ mɛ.

Tíntɔ́n 33:1

Mawu Mavɔmavɔ ɖe gbe nú Mɔyízi ɖɔ: “Jɛ ali, gosín fí, hwi kpódó togun e a ɖe tɔ́n sín Ejípu ɔ́ kpó. Jɛ ali bó yi to e sín akpá un dó nú Ablaxámu, Izáki kpódó Jakɔ́bu kpó ɖɔ un ná ná kúnkan yětɔn lɛ́ɛ ɔ́ mɛ.

Tíntɔ́n 6:8

Un ná kplá mi yi to e sín akpá un dó, bó xwlé nǔ d'é jí ɖɔ un ná ná Ablaxámu, Izáki kpódó Jakɔ́bu kpó ɔ́ mɛ. Un ná ná to ɔ́ mi, bɔ é ná nyí mitɔn. Nyɛ Mawu Mavɔmavɔ wɛ ɖɔ mɔ̌.”

Ezayíi 40:11

É cí lɛ̌ngbɔ́nyitɔ́ e kplá gbɔ̌ tɔn lɛ́ɛ é ɖɔhun. É bló alɔ nú yě bó kplé yě; é bɛ́ lɛ̌ngbɔ́ví lɛ́ɛ dó awa mɛ, bó ɖo nukún kpé dó lɛ̌ngbɔ́ vǐnɔ lɛ́ɛ wú wɛ.”

Ezayíi 49:15

Mawu ka ɖɔ n'i ɖɔ: “Nyɔ̌nu nɔ́ wɔn vǐ e ɖo anɔ̌ nɔ́ wɛ ɖo akɔ́n tɔn mɛ ɔ́ a? É nɔ́ gbɛ́ wǎn nú vǐ e é hɛn xo tɔn ɔ́ a? É ná bó ká nɔ wɔn ɛ ɔ́, nyɛ ɔ́, nyɛ ná wɔn we ǎ.

Ezayíi 49:23

Axɔ́ví nyɔ̌nu lɛ́ɛ wɛ ná nɔ́ ná nǔɖuɖu vǐ towe lɛ́ɛ, bɔ axɔ́sú lɛ́ɛ na nɔ kplɔ́n nǔ yě. Yě ná nɔ́ jɛ kpo ɖo nukɔn towe, bó ná nɔ́ ɖe kɔ́, bó ná nɔ́ ɖíɖɔ́ afúntúntún e ɖo afɔ nú we lɛ́ɛ. Énɛ́ ɔ́, a nǎ tunwun ɖɔ nyi wɛ nyí Mawu Mavɔmavɔ, ɖɔ mɛ e nɔ gán jɛ wǔ ce lɛ́ɛ kún nɔ ɖu winnyá gbeɖé ó.’

Ezekiyɛ́li 34:23

Un ná sɔ́ lɛ̌ngbɔ́nyitɔ́ ɖokpó ɖó lɛ̌ngbɔ́ ce lɛ́ɛ nu, bɔ é ɖokpó géé ná nɔ́ nyi yě. É wɛ nyí mɛsɛntɔ́ ce Davídi . Éyɛ́ ná nɔ́ kpé nukún dó gbɔ̌ ce lɛ́ɛ wú, bó ná nyí lɛ̌ngbɔ́nyitɔ́ yětɔn.

Jǎan 10:11

“Nyɛ wɛ nyí lɛ̌ngbɔ́nyitɔ́ ɖagbe ɔ́, lɛ̌ngbɔ́nyitɔ́ ɖagbe ɔ́ nɔ́ sɔ́ gbɛ tɔn dó sá vɔ̌ dó lɛ̌ngbɔ́ tɔn lɛ́ɛ tamɛ.

1 Kɔlɛ́ntinu 4:15

Đó, nú mi na bo ɖó vǐhɛntɔ́ děgba we afɔwó (10.000) ɖo Klísu mɛ ɔ́, mi ɖó tɔ́ gěgé ɖo Klísu mɛ ǎ: nǔgbó ɔ́, nǔ e kunkplá gbɛzán mitɔn ɖo Klísu Jezu mɛ ɔ́, nyɛ wɛ húzú tɔ́ nú mi, gbɔn Wɛn Ɖagbe e un jlá mi ɔ́ jí.

Galatinu 4:19

Vǐ ce lɛ́ɛ mi, un lɛ́ ɖo wǔvɛ́ mɔ dó ta mitɔn mɛ wɛ nyɔ̌nu ɖo ajidonu ɖɔhun. Un ná ɖo wǔvɛ́ énɛ́ ɔ́ mɔ wɛ káká jɛ hwenu e mi ná wa nǔ Klísu ɖɔhun dó é.

Sɛ́nflínmɛ 1:31

bó lɛ́ mɔ ɖo gbětótló mɛ é. Mi ɖésú mɔ ganjí ɖɔ é hɛn mi awa mɛ lě e tɔ́ nɔ́ hɛn vǐ tɔn awa mɛ é ɖɔhun; mɔ̌ wɛ é hɛn mi gbɔn sín dɔ̌n káká wá fí.”

1 Tɛsalonikinu 2:7

Cóbɔ mǐ ka hɛn ɔ́, mǐ ná ko ɖɔ nú mi ɖɔ nǔ lě wɛ mi ná wa dandan, ɖó mɛsɛ́dó Klísu tɔn e mǐ nyí ɔ́ wútu; mǐ ka bló gbɔn mɔ̌ ǎ; é nyɔ́ wa ɔ́, hwenu e mǐ ɖo mi gɔn ɔ́, mǐ fá xomɛ dó mi wú, vǐnɔ e ɖo nukún kpé dó vǐ tɔn lɛ́ɛ wú wɛ ɔ́ ɖɔhun.