Kɛ́nsísɔ́ 10:9 - MAWUXÓWÉMA

⁹ “Hwenu e kɛntɔ́ wá tɔ́n ahwan mi ɖo to mitɔn mɛ, bɔ mi xwe ahwan fun xá yě gbé ɔ́, mi ná nɔ́ kwín kpɛn lɛ́ɛ kpódó awǒbóbó kpó; énɛ́ ɔ́, nyɛ Mawu Mavɔmavɔ, Mawu mitɔn ná flín mi, bó ná hwlɛ́n mi ɖo kɛntɔ́ sí.

Kɛ́nsísɔ́ 10:9 Iomraidhean Croise

Bǐbɛ́mɛ 8:1

Mawu ká wɔn Nɔwée kpódó kanlin e kpó é kpó ɖo tɔjíhún ɔ́ mɛ lɛ́ɛ kpó ǎ. É wɔn gběkanlin lɛ́ɛ ǎ, é wɔn xwé gbe kanlin lɛ́ɛ ǎ. É sɛ́ jɔhɔn ɖé dó bɔ é nyi dó ayǐkúngban ɔ́ jí bɔ sin ɔ́ jɛ mimɛ jí.

2 Tan 13:12

Mi ɖótó! Mawu kpódó mɛ e nɔ xwlé vɔ̌sánú i lɛ́ɛ kpó wɛ ɖo mǐ nu. Vɔ̌sánú-xwlémawutɔ́ tɔn lɛ́ɛ ɖo fínɛ́ bó ná kwín kpɛn bɔ è nǎ tɔ́n ahwan mi. Izlayɛ́linu e mi, mi ma fun ahwan xá Mawu Mavɔmavɔ, Mawu tɔ́gbó mitɔn lɛ́ɛ tɔn ó, ɖó mi ná mɔ nu tɔn ǎ.”

2 Tan 13:14

Sɔ́ja Judáa tɔn lɛ́ɛ mɔ ɖɔ è tɔ́n ahwan émí ɖo gǔdo nukɔn, lobo sú xó ylɔ́ Mawu Mavɔmavɔ ɖɔ é ní wá hwlɛ́n émí, bɔ vɔ̌sánú-xwlémawutɔ́ lɛ́ɛ kwín ahwankpɛn.

Ɖɛhan 106:4

Mawu Mavɔmavɔ, hwenu e a nǎ wa ɖagbe nú togun towe ɔ́, flín mì; hwenu e a nǎ hwlɛ́n togun towe gán ɔ́, kpé nukún wǔ ce.

Ɖɛhan 106:42

Kɛntɔ́ yětɔn lɛ́ɛ táfú yě, yě húzú alɔnugbɔ́ví yětɔn.

Ɖɛhan 136:23

É wɛ flín mǐ hwenu e adǎn ɖo mǐ gbo wɛ é; ɖó xomɛnyínyɔ́ tɔn ɖo te káká sɔ́yi.

Ezayíi 18:3

Midɛɛ lɛ́ɛ ɔ́, mi mɛ e ɖo gbɛ ɔ́ mɛ lɛ́ɛ ɔ́, mi mɛ e ɖo ayǐkúngban ɔ́ jí lɛ́ɛ ɔ́, mi kpɔ́n asyá e è nǎ zé tun te ɖó só lɛ́ɛ ta é, lobo ɖo tó ɖó hwenu e lanzo ɔ́ ná ɖɔ nǔ dó é wɛ.

Ezayíi 58:1

Mawu ɖɔ: “Sú xó kpó hlɔ̌nhlɔ́n kpó, ma gɔn xó sú ó. Sú xó nú gbe towe ní yi zɔ lanzo ɖɔhun; sú xó bó ɖɔ nǔ e wa nyi do wɛ togun ce ɖe ɔ́ n'i, ɖɔ hwɛ e hu wɛ Jakɔ́bu ví lɛ́ɛ ɖe é nú yě.

Jelemíi 4:19

Adɔgo ce! Adɔgo ce! Un ɖo slósló ɖo wǔvɛ́ nu wɛ; hǔn ce nɔ́ xo káká bó nɔ́ ɖibla wɛ́n. Kotokítí tɛ́ ɖíe ɖo xo ce mɛ e! Un sixú nɔ xwíí ǎ; un se lanzo ɖo nǔ ɖɔ wɛ; un ɖo xósúsú se wɛ, mɛ ɖo ahwangbénu ɖɔhun.

Jelemíi 4:21

Káká hwetɛ́nu un ka ná mɔ ahwansyá yi jɛ? Káká hwetɛ́nu un ná ɖo lanzo gbe se wɛ yi jɛ?

Jelemíi 4:5

Xó e mi ná ɖɔ gbɔn Judáa yíkúngban jí ɔ́ ɖíe, xó e mi ná jlá ɖo Jeluzalɛ́mu ɔ́ ɖíe, mi ɖɔ: Mi bǐ mi kún lanzo gbɔn to ɔ́ bǐ mɛ! Mi sú xó bó ɖɔ: Mi wá kplé miɖée ɖó toxo e è mɛ ahohó lɛ́ lɛ̌ dó lɛ́ɛ mɛ.

Jelemíi 49:2

Énɛ́ ɔ́ wú wɛ nyɛ Mawu Mavɔmavɔ ɖɔ: “Ayǐ ɖé lɛ́ɛ ná hɔ́n, bɔ un ná zɔ́n bɔ ahwan ná tɔ́n, ahwan ná tɔ́n ɖo Amumɔ́ɔ ví lɛ́ɛ sín tota Hlaba ɔ́ mɛ, bɔ xósúsú ná ɖ'é nu. Hlaba ná húzú axéko. Gletoxo tɔn lɛ́ɛ bǐ ná fyɔ́. Hwenɛ́nu su ɔ́, Izlayɛ́li ná bɛ́ nǔ tɔn lɛ́ɛ, nǔ tɔn e Amumɔ́ɔ ví lɛ́ɛ ko fɔ ɖ'ayǐ lɛ́ɛ bǐ.” Xó e Mawu Mavɔmavɔ ɖɔ ɔ́ nɛ́.

Jelemíi 6:1

Mawu ɖɔ: “Bɛnjamɛ́ɛ ví e mi, mi hɔn sín Jeluzalɛ́mu! Mi kún lanzo ɖo Tekowa, bónú mɛ bǐ ní nɔ acéjí. Mi zé ahwansyá dó jǐ ɖo Bɛti-Kɛlɛ́mu. Đó awě ɖé jǎwe, nǔ baɖabaɖa ɖé lɛ́ɛ ja sín totaligbé.

Jelemíi 6:17

Un ɖó tɛnmɛ nú mɛ e ná kpɔ́n ali nú mi lɛ́ɛ: Mi bo ɖo tó ɖó lanzo yětɔn wɛ. Lo ɔ́, mi ɖɔ: ‘Mǐ nǎ ɖótó ǎ.’

Ezekiyɛ́li 7:14

Mi ná ɖo ahwankpɛn kún wɛ kpowun, bó ɖɔ é yá, ahwan ɔ́ yá; mi ka ná mɔ mɛ ɖokpó tɔ́n bó yi ahwan fun gbé ǎ, ɖó xomɛsin ce ná jɛ te dó togun ɔ́ bǐ jí.”

Ozée 5:8

“Mi kún lanzo ɖo Giveya, mi kún kpɛn ɖo Hlama! Mi sú xó ɖo Bɛti-Awɛni. Akɔta Bɛnjamɛ́ɛ tɔn, kpɔ́n gǔdo towe.

Levíi ví 23:24

é ní ɖɔ nú Izlayɛ́li ví lɛ́ɛ ɖɔ: “Sun tɛ́nwegɔ́ ɔ́ sín azǎn nukɔntɔn ɔ́ ná nyí gbɔjɛzán nú mi. Flǐn kpódó lanzo kúnkún kpó sín azǎn wɛ azǎn énɛ́ ɔ́ ná nyí nú mi; mi ná kplé bó sɛn mì.

Amɔ́si 3:6

Ahwankpɛn nɔ jɛ gbe ɖo toxo ɖé mɛ, bɔ ado nɔ gɔn mɛ e ɖo toxo ɔ́ mɛ lɛ́ɛ hu a? Awě nɔ́ xo toxo ɖé Mawu Mavɔmavɔ mɛ vo a?

Sofoníi 1:16

Gbe énɛ́ gbe ɔ́, sɔ́ja lɛ́ɛ ná kún lanzo, bó ná ɖo acéjí bó ná tɔ́n ahwan toxo e è mɛ ahohó lɛ́ lɛ̌ dó lɛ́ɛ, bó ná tɔ́n ahwan mɛcɔ́tɔ́xɔ lɛ́ɛ.

Kɛ́nsísɔ́ 31:6

Énɛ́ ɔ́, Mɔyízi sɛ́ yě bǐ dó ahwan fun gbé, bɔ vɔ̌sánú-xwlémawutɔ́ Pínxási Eleazáa ví ɔ́ xwedó yě. É hɛn nǔ e è nɔ zán ɖo tɛn mímɛ́ ɔ́ mɛ lɛ́ɛ, kpódó kpɛn e è nǎ kún dó ɖe xlɛ́ ɖɔ ahwanfunfun yá lɛ́ɛ kpó.

1 Kɔlɛ́ntinu 14:8

Ényí mɛ e ɖo ahwankpɛn kún wɛ ɔ́, ma kún céɖécéɖé tɔn ǎ ɔ́, mɛ̌ ka ná sɔ́ ahwan nú?

Sɛ́nflínmɛ 20:1

Ényí mi sɔ́ ahwan nú, bó xwe ahwan fun xá kɛntɔ́ gbé, bó ná bó mɔ ɖɔ sɔ́ tɔn lɛ́ɛ, ahwankɛkɛ́ví tɔn lɛ́ɛ kpó ahwanfuntɔ́ tɔn lɛ́ɛ kpó sukpɔ́ hú émítɔn lɛ́ɛ hǔn, mi ma ɖi xɛsi nú yě ó, ɖó Mawu Mavɔmavɔ, Mawu mitɔn e ɖe mi tɔ́n sín Ejípu tomɛ ɔ́ ɖo kpɔ́ xá mi.

Jozuwée 6:5

Hwenu e lanzo ɔ́ ná ɖo nǔ ɖɔ wɛ magbokɔ bɔ mi ná se ɔ́, togun ɔ́ ná sú xó ɖaxó ɖé. Énɛ́ ɔ́, dǒ e è mɛ lɛ́ lɛ̌ dó toxo ɔ́ lɛ́ɛ ná mu. Hwe énɛ́ ɔ́ nu ɔ́, mi bǐ ná byɔ́ toxo ɔ́ mɛ; fí e mɛ ɖokpó ɖokpó kpan nukɔn ɔ́, mɛ ɔ́ ná zɔn mɔ̌ tlélé byɔ́ toxo ɔ́ mɛ.”

Hwɛɖɔtɔ́ 10:12

Sidɔ́ɔnnu lɛ́ɛ, Amalɛ́ki ví lɛ́ɛ kpó Mawɔ́ninu lɛ́ɛ kpó ɖo acɛ gannaganna kpa nú mi wɛ, bɔ mi sú xó ylɔ́ mì ɖɔ ma wá gɔ́ alɔ nú émí ɔ́, un hwlɛ́n mi sín alɔ yětɔn mɛ ǎ cé?

Hwɛɖɔtɔ́ 10:8

Bɛ́ sín hwenɛ́nu ɔ́, mɛ énɛ́ lɛ́ɛ kpa acɛ gannaganna nú Izlayɛ́li ví e nɔ nɔ Galadi, ɖo fí e Amɔliti lɛ́ɛ nɔ ɖ'ayǐ, ɖo Judɛ́ɛn tɔ ɔ́ sín zǎnzǎnhwe jí lɛ́ɛ; yě dó ya nú yě káká nú xwe afɔtɔn-nukún-atɔn.

Hwɛɖɔtɔ́ 2:18

Nú Mawu Mavɔmavɔ sɛ́ hwɛɖɔtɔ́ ɖé dó Izlayɛ́li ví lɛ́ɛ hweɖěbǔnu ɔ́, é ɖésúnɔ nɔ́ nɔ gǔdo tɔn, bó nɔ́ hwlɛ́n yě ɖo kɛntɔ́ yětɔn lɛ́ɛ sí, nú hwenu e hwɛɖɔtɔ́ énɛ́ ɔ́ ná nɔ gbɛ xɔ é bǐ. Nǔgbó ɔ́, hwenu e yě nɔ́ ɖo aɖǔkún ɖu wɛ ɖo mɛ e nɔ ɖo ya dó nú yě wɛ lɛ́ɛ lɔ mɛ ɔ́, nǔ yětɔn nɔ blá wǔ nú Mawu Mavɔmavɔ.

Hwɛɖɔtɔ́ 3:27

Ée é jɛ tɛn énɛ́ ɔ́ mɛ tlóló ɔ́, é kún lanzo ɖo Eflayímu sókan ɔ́ mɛ, bó ná sɛ Izlayɛ́li ví lɛ́ɛ kplé; ée yě wá ɔ́, é nɔ nukɔn nú yě bɔ yě jɛ te sín só ɔ́ jí.

Hwɛɖɔtɔ́ 6:34

Lo ɔ́, Yɛ Mawu Mavɔmavɔ tɔn wá ta nú Jedenyɔ́ɔ, bɔ é kún lanzo bó ylɔ́ mɛ e ɖo hɛ̌nnu Aviɛzɛ́ɛ tɔn mɛ lɛ́ɛ, nú yě ná xwedó e.

Hwɛɖɔtɔ́ 6:9

Un hwlɛ́n mi sín Ejípunu lɛ́ɛ sí, bó hwlɛ́n mi sín mɛ e ɖo ya dó nú mi wɛ lɛ́ɛ bǐ sí; un nya yě sín nukɔn mitɔn, bo sɔ́ to yětɔn ná mi.

1 Samuwɛ́li 10:18

bó ɖɔ nú yě ɖɔ: “Xó e Mawu Mavɔmavɔ, Mawu Izlayɛ́li tɔn ɖɔ ɔ́ ɖíe; é ɖɔ: ‘Nyɛ wɛ ɖe mi tɔ́n sín Ejípu tomɛ, bó hwlɛ́n mi gán ɖo Ejípunu lɛ́ɛ kpó axɔ́sú e ɖo tagba dó nú mi wɛ lɛ́ɛ bǐ kpó sí.’