Kɛ́nsísɔ́ 10:33 - MAWUXÓWÉMA

³³ Izlayɛ́li ví lɛ́ɛ gosín Mawu Mavɔmavɔ sín só ɔ́ kɔn ɖidó, bó ɖi zɔnlin xɔ azǎn atɔn; akɔjijɛgbá Mawu Mavɔmavɔ tɔn ɔ́ jɛ nukɔn nú yě. Mɛ e hɛn akɔjijɛgbá ɔ́ lɛ́ɛ ɖi zɔnlin xɔ azǎn atɔn, bó ba fí e yě ná gbɔjɛ́ ɖe ɔ́ ɖ'ayǐ.

Kɛ́nsísɔ́ 10:33 Iomraidhean Croise

Ɖɛhan 95:11

Énɛ́ ɔ́, un sin xomɛ bó xwlé nǔ ɖɔ: Yě ná byɔ́ to e mɛ un ná ná gbɔjɛ́ yě ɖe ɔ́ mɛ ǎ.”

Tíntɔ́n 19:3

Mɔyízi fán só ɖidó Mawu gɔ̌n. Mawu Mavɔmavɔ ɖo só ɔ́ jí, bó sú xó ylɔ́ ɛ sɛ́ dó, bó ɖɔ n'i ɖɔ: “Xó e a nǎ ɖɔ nú Jakɔ́bu sín kúnkan Izlayɛ́li ví lɛ́ɛ ɔ́ ɖíe:

Tíntɔ́n 3:1

Hwenɛ́nu ɔ́, Mɔyízi ka ɖo nukún kpé dó asi tɔn tɔ́ Jetlo , vɔ̌sánú-xwlémawutɔ́ Madiáani tɔn ɔ́ sín gbɔ̌ lɛ́ɛ wú wɛ. É wá jɛ gbe ɖokpó, bɔ é kplá gbɔ̌ lɛ́ɛ gbɔn gbětótló gúdo, bó yi jɛ Mawu só ɔ́ kɔn ɖo Holɛ́bu.

Ezayíi 11:10

Gbe énɛ́ gbe ɔ́, Jɛsée ví ɔ́ ná cí asyá e è tun te ɔ́ ɖɔhun nú togun e ɖo gbɛ ɔ́ mɛ lɛ́ɛ bǐ. Akɔta lɛ́ɛ ná nɔ́ wá ɖó xó te n'i, bó ná nɔ́ se xó ɖo nu tɔn, bɔ susu Mawu tɔn ná hɔ́n ɖo fí e é ɖe ɔ́.

Ezayíi 28:12

Mawu ko ɖɔ nú togun tɔn ɖɔ: “Mi ná mɔ agbɔ̌n ɖo fí; mi jó mɛ e nǔ cikɔ ná lɛ́ɛ dó nú yě gbɔjɛ́ ɖo fí. Fí e è nɔ gbɔjɛ́ ɖe ɔ́ ɖíe.” Yě ká jló ná se ǎ.

Ezayíi 66:1

Xó e Mawu Mavɔmavɔ ɖɔ ɔ́ ɖíe: “Jǐnukúnsin ɔ́, axɔ́súzinkpo ce wɛ, ayǐkúngban ka nyí afɔɖótɛn ce. Énɛ́ ɔ́, xwé alɔkpa tɛ́ mi ná sixú sá nú mì? Fítɛ́ mi ka sixú bló bɔ un ná nɔ?

Jelemíi 3:16

“Hwenɛ́nu ɔ́, mi ná sukpɔ́ ɖo to ɔ́ mɛ, mi ná ji gba; è sɔ́ ná ɖɔ akɔjijɛgbá ce sín xó ɖě ǎ. È ka sɔ́ ná flín lɔ ǎ, xó tɔn ká sɔ́ ná nɔ ayi mɛ nú mɛɖé ǎ. Mɛ ɖé ká sɔ́ ná mɔ ɖɔ akɔjijɛgbá ɔ́ kún ɖo fínɛ́ ó ǎ; è ka sɔ́ ná bló ɖěvo ǎ.

Jelemíi 31:2

Xó e Mawu Mavɔmavɔ ɖɔ ɔ́ ɖíe: “Mɛ e kú xo kpo ɖo togun ce mɛ lɛ́ɛ mɔ fɛ́nú ɖo gbětótló mɛ. Izlayɛ́li xwe fí e é ná vo ɖe ɔ́.”

Jelemíi 6:16

Mi ɖótó mì: Mi nɔ te lobo kpɔ́n ali e gbɔn wɛ mi ɖe lɛ́ɛ ganjí. Mi kan ali e tɔ́gbó mitɔn lɛ́ɛ gbɔn ɔ́ byɔ́. Ali ɖě tɛ́ ká nyí ali ɖagbe ɔ́? Mi ba ali énɛ́ ɔ́ lobo wlí. Énɛ́ ɔ́, lǐndɔ̌n mitɔn ná mɔ vivo. Lo ɔ́, mi ɖɔ: ‘Mǐ ba ná gbɔn ali énɛ́ ǎ.’

Ezekiyɛ́li 20:6

Hwenɛ́nu ɔ́, un dó akpá nú yě ɖɔ un ná ɖe yě tɔ́n sín Ejípu, bó kplá yě yi to e un ko ba do ná ɖ'ayǐ ɔ́ mɛ; anɔ̌sin kpó wǐin kpó nɔ́ sa tɔ ɖo to ɔ́ mɛ. To ɔ́ nyɔ́ ɖɛkpɛ hú to lɛ́ɛ bǐ.

Kɛ́nsísɔ́ 10:12

bɔ Izlayɛ́li ví lɛ́ɛ gosín gbětótló Sinayíi tɔn mɛ. Akpɔ́kpɔ́ ɔ́ yi nɔ te ɖo gbětótló Paláni tɔn mɛ.

Sɛ́nflínmɛ 1:33

É ká ɖo mɔ̌ có, é wɛ nɔ́ nɔ nukɔn nú mi ɖo ali jí, bó nɔ́ ba fí e mi ná ɖó gɔnu ɖó ɔ́ nú mi; zǎn kú ɔ́, é nɔ́ nɔ nukɔn mitɔn ɖo myɔ ɖé mɛ, bó nɔ xlɛ́ ali mi; kéze ɔ́, é nɔ́ nɔ nukɔn mitɔn ɖo akpɔ́kpɔ́ ɖaxó ɖé mɛ.

Sɛ́nflínmɛ 31:26

“Mi zé sɛ́nwéma élɔ́ ɖó akɔjijɛgbá Mawu Mavɔmavɔ, Mawu mitɔn tɔn kpá; mi wa nǔ nyi do ɔ́, é wɛ ná ɖe kúnnu ɖɔ mi wa nǔ nyi do.

Sɛ́nflínmɛ 9:9

Hwenɛ́nu ɔ́, un ko xá só ɔ́ jí, bó xwe awǐnnyatɛ e jí akɔ e Mawu Mavɔmavɔ jɛ xá mi é ɖe ɔ́ yí gbé. Un nɔ só ɔ́ jí xɔ zǎn kanɖé (40), kéze kanɖé (40), nǔ má ɖu, sin ma nu.

Eblée 13:20

Mawu fífánɔ ɔ́ fɔ́n lɛ̌ngbɔ́nyitɔ́ ɖaxó Aklúnɔ mǐtɔn Jezu sín mɛkúkú lɛ́ɛ mɛ gbɔn hun akɔjijɛ mavɔ mavɔ ɔ́ tɔn gbla mɛ ɔ́,

Jozuwée 4:7

mi ná yí gbe nú yě ɖɔ: ‘Hwenu e akɔjijɛgbá Mawu Mavɔmavɔ tɔn ɖo Judɛ́ɛn tɔ dó asá wɛ ɔ́, tɔ ɔ́ gbo ɖo nukɔn tɔn; tɔ ɔ́ gbo bɔ sin kplé cí fí ɖokpó nǔɖé wɛ hɛn ɛ ɖó te ɖɔhun. Nǔ énɛ́ ɔ́ e jɛ ɔ́ flín Izlayɛ́li ví lɛ́ɛ wɛ awǐnnya énɛ́ lɛ́ɛ ɖe káká sɔ́yi mavɔ mavɔ.’ ”

Hwɛɖɔtɔ́ 20:27

Đó hwe énɛ́ ɔ́ nu ɔ́, akɔjijɛgbá Mawu tɔn ɔ́, Betɛ́li wɛ é ɖe. Pínxási e nyí Eleazáa ví, bó nyí Aalɔ́ɔn vívú ɔ́ wɛ nyí gǎn ná. Izlayɛ́li ví lɛ́ɛ kan nǔ byɔ́ Mawu Mavɔmavɔ bó ná tunwun nú yě ɖó ná lɛ́ yi fun ahwan xá nɔví yětɔn Bɛnjamɛ́ɛ sín mɛ lɛ́ɛ, abǐ yě ní gbɔ a jí. Mawu Mavɔmavɔ ka yí gbe nú yě ɖɔ: “Mi yi, un ná jó yě nú mi sɔ.”

1 Samuwɛ́li 4:3

Izlayɛ́li ví lɛ́ɛ lɛ́ kɔ wá yi ahwankpá yětɔn mɛ, bɔ tomɛxó yětɔn lɛ́ɛ ɖɔ: “Étɛ́wú Mawu Mavɔmavɔ ká jó mǐ dó égbé, bɔ Filisitɛ́ɛn lɛ́ɛ ɖu ɖo mǐ jí? Mi nú mǐ ná yi Silóo, bó ná yi sɔ́ akɔjijɛgbá Mawu Mavɔmavɔ tɔn ɔ́ wá. Nú akɔjijɛgbá ɔ́ ɖo tɛ́ntin mǐtɔn ɔ́, é ná hwlɛ́n mǐ sín kɛntɔ́ mǐtɔn lɛ́ɛ sí.”