Kɛ́nsísɔ́ 10:32 - MAWUXÓWÉMA

³² Nú a xwedó mǐ ɔ́, ɖagbe e Mawu Mavɔmavɔ ná wa nú mǐ ɔ́, a nǎ ɖu le tɔn.”

Kɛ́nsísɔ́ 10:32 Iomraidhean Croise

Levíi ví 19:34

É nyɔ́ wa ɔ́, mi ní hɛn ɛ ɖi to mitɔn mɛ nu wɛ é nyí ɖɔhun; mi ɖó ná yí wǎn n'i mi ɖésúnɔ ɖɔhun; mi ní flín ɖɔ émí ɖésúnɔ kó nyí jǒnɔ ɖo Ejípu tomɛ kpɔ́n. Nyɛ wɛ nyí Mawu Mavɔmavɔ, Mawu mitɔn.

Sɛ́nflínmɛ 10:18

É nɔ́ jɛ ahwan tɔ́cyɔvǐ lɛ́ɛ kpó asúkúsi lɛ́ɛ kpó jí; é nɔ́ ná nǔɖuɖu kpó avɔ kpó to ɖěvo mɛ nu e ɖo mi gɔ́n lɛ́ɛ.

1 Jǎan 1:3

Nǔ e mǐ mɔ lobo se ɔ́, mǐ ɖo ɖiɖɔ nú mi lɔmɔ̌ wɛ, bónú mi ná nɔ bǔ xá mǐ ɖo kɔnɖókpɔ́ e mǐ ɖó xá Tɔ́ ɔ́ kpódó Vǐ tɔn Jezu Klísu ɔ́ kpó ɔ́ gbla mɛ.

Hwɛɖɔtɔ́ 1:16

Asitɔ́ Mɔyízi tɔn Keni sín vǐ lɛ́ɛ gosín Jeliko, děkan toxo ɔ́ mɛ kpó Judáa sín súnnu lɛ́ɛ kpó, lobo yi jɛ agban ɖó ayǐkúngban Judáa tɔn ɔ́ sín afɔligbé ɖo Aladi sín afɔligbé. Yě yi nɔ Amalɛ́ki togun ɔ́ tɛ́ntin.

Hwɛɖɔtɔ́ 4:11

Hebɛ́ɛ Keni ví ɔ́ ɖo Kedɛ́ci kpá. Đ'ayǐ ɔ́, é kó klán xá nɔví tɔn Keni ví ɖě lɛ́ɛ. Mɔyízi sín asitɔ́ Hobabu wɛ ka dó kún yětɔn. Hebɛ́ɛ ɔ́ yi bló goxɔ tɔn nyi cɛ́nitín ɖé kpá ɖo Saanánimu.

1 Samuwɛ́li 14:6

Jonatáan ɖɔ nú nyaví e nɔ́ hɛn ahwanfunnú tɔn lɛ́ɛ ɖɔ: “Wǎ mǐ ní hun káká yi fí e yě mɛ énɛ́ lɛ́ɛ e má nɔ sɛn Mawu ǎ lɛ́ɛ ɖó gɔnu ɖó é; afɔ nyɔ́ ɔ́, Mawu Mavɔmavɔ sixú wa ɖagbe nú mǐ, ɖó mǐ sukpɔ́ kpó mǐ má sukpɔ́ kpó ɔ́, é sixú hwlɛ́n mǐ gán; nǔ ɖěbǔ gló e ǎ.”