Biblia Todo Logo
Bìoball air-loidhne

- Sanasan -




Kɛ́nsísɔ́ 10:29 - MAWUXÓWÉMA

29 Mɔyízi ɖɔ xó nú Hobabu; Hobabu ɔ́, Hlewuyɛ́li e nyí Madiáani ví, bó nyí Mɔyízi sín asi tɔ́ ɔ́ sín vǐ wɛ; é ɖɔ n'i ɖɔ: “Mǐ xwe to e Mawu Mavɔmavɔ ɖɔ émí ná ná mǐ ɔ́ mɛ; wǎ xwedó mǐ hɛn yi; mǐ ná wa ɖagbe nú we, ɖó Mawu Mavɔmavɔ dó akpá nú mǐ Izlayɛ́li ví lɛ́ɛ ɖɔ émí ná wa ɖagbe nú mǐ.”

Faic an caibideil Dèan lethbhreac




Kɛ́nsísɔ́ 10:29
31 Iomraidhean Croise  

Mawu Mavɔmavɔ tɔ́n dó Ablámu jí ɖo fínɛ́, bó ɖɔ n'i ɖɔ: “Un ná ná to élɔ́ kúnkan towe.” Bɔ Ablámu mɛ vɔ̌sákpe ɖokpó nú Mawu Mavɔmavɔ nyi fí e é tɔ́n dó jǐ tɔn ɖe ɔ́.


To e mɔ wɛ a ɖe nɛ́ lɛ́ɛ ɔ́, un ná ná bǐ hwi kpó vǐvú towe lɛ́ɛ kpó káká sɔ́yi.


Gbe énɛ́ ɔ́ gbe ɔ́, Mawu Mavɔmavɔ jɛ akɔ xá Ablámu bó ɖɔ: “Un ná to élɔ́ kúnkan towe, bɛ́ sín tɔsisa Ejípu tɔn ɔ́ kɔn káká yi tɔsisa ɖaxó Efláti ɔ́ kɔn.”


Un ná ná to élɔ́ e mɛ a nyǐ jǒnɔ ɖe din ɔ́ hwi kpódó vǐ towe e ná jɛ do towe mɛ lɛ́ɛ kpó. To ɔ́ wɛ nyí Kanáa; un ná bǐ yě. É ná nyí yětɔn káká sɔ́yi, bɔ un ná nyí Mawu yětɔn.”


Bo kɛnklɛ́n bó hwlɛ́n mì ɖo fofó ce Esawu sí. Un ɖo xɛsi ɖi wɛ ɖɔ ní má wá hu mì ó. É má wá hu nyi kpó asi ce lɛ́ɛ kpó vǐ ce lɛ́ɛ kpó ó.


Kú dó nú Mawu Mavɔmavɔ sín han. Gbɛtɔ́ e ɖo gbɛ ɔ́ mɛ lɛ́ɛ e mi, mi kpa awǒbóbó nú Mawu Mavɔmavɔ.


Wɛnsagun Mawu Mavɔmavɔ tɔn nɔ nya xɛ ɖo mɛ e nɔ́ nɔ gbejí nú Mawu Mavɔmavɔ lɛ́ɛ jí, bó nɔ́ hwlɛ́n yě.


Mi wá mǐ ji han nú Mawu Mavɔmavɔ kpó awǎjijɛ kpó, mi wá mǐ sú xó sɛ́ dó só e hwlɛ́n mǐ gán é kpó xomɛhunhun kpó.


Jetlo e nyí vɔ̌sánú-xwlémawutɔ́ Madiáani tɔn, bó nyí Mɔyízi sín asitɔ́ ɔ́, se nǔ e Mawu wa nú Mɔyízi kpó togun tɔn Izlayɛ́li ɔ́ kpó é bǐ; é se lě e Mawu Mavɔmavɔ ɖe Izlayɛ́li ví lɛ́ɛ tɔ́n sín Ejípu gbɔn é.


Jetlo, Mɔyízi sín asitɔ́ ɔ́ sá vɔ̌ e è nɔ dó zo ɔ́ kpódó kɔnɖókpɔ́ sín vɔ̌ lɛ́ɛ kpó nú Mawu. Aalɔ́ɔn kpódó tomɛxó lɛ́ɛ bǐ kpó wá ɖu kɔnɖókpɔ́ nǔɖuɖu ɔ́ xá Mɔyízi sín asitɔ́ ɔ́, ɖo Mawu nukɔn.


Mɔyízi jɛ nukɔn nú asi tɔn tɔ́, bɔ é lɛ́ kɔ yi to tɔn mɛ.


Ée yě lɛ́ kɔ yi tɔ́ yětɔn Hlewuyɛ́li gɔ́n ɔ́, é kanbyɔ́ yě ɖɔ: “Nɛ̌ ká gbɔn bɔ mi ka yá wǔ wá sɔ mɔ̌ égbé?”


Ée ɖyɔ̌vǐ lɛ́ɛ yi ylɔ́ Mɔyízi ɔ́, é yí gbe bó wá nɔ nya ɔ́ gɔ́n. Nya ɔ́ ká ná ɛ vǐ tɔn Sipɔ́la bɔ é da.


Hwenɛ́nu ɔ́, Mɔyízi ka ɖo nukún kpé dó asi tɔn tɔ́ Jetlo , vɔ̌sánú-xwlémawutɔ́ Madiáani tɔn ɔ́ sín gbɔ̌ lɛ́ɛ wú wɛ. É wá jɛ gbe ɖokpó, bɔ é kplá gbɔ̌ lɛ́ɛ gbɔn gbětótló gúdo, bó yi jɛ Mawu só ɔ́ kɔn ɖo Holɛ́bu.


Énɛ́ ɔ́ wú wɛ un jɛ te bó ná hwlɛ́n ɛ ɖo Ejípunu lɛ́ɛ sí, bó ná kplá ɛ sín Ejípu yi to ɖaxó ɖagbe ɖagbe ɖé mɛ. Un ná kplá ɛ yi to e mɛ nyibúnɔ́sin kpó wǐin kpó nɔ́ sa tɔ ɖe ɔ́ mɛ, ɖo fí e Kanáa ví lɛ́ɛ, Hitíti lɛ́ɛ, Amɔliti lɛ́ɛ, Pɛliziti lɛ́ɛ, Hivíti lɛ́ɛ kpódó Jebuzinu lɛ́ɛ kpó nɔ́ nɔ lɛ́ɛ é.


Un lɛ́ jɛ akɔ xá yě, bó ná ná yě Kanáa; to énɛ́ e mɛ yě yi nɔ ɖ'ayǐ é, to énɛ́ e mɛ yě hɔn yi cí é.


Akɔta gěgé ná jɛ ali ɖidó dɔ̌n bó ná ɖɔ: “Mi wá mǐ yi Mawu Mavɔmavɔ só ɔ́ ta, mi wá mǐ yi Mawu Jakɔ́bu tɔn xwé. É ná kplɔ́n nǔ e é jló ɖɔ mǐ nǎ wa é mǐ, bɔ mǐ nǎ xwedó ali e é ɖe nú mǐ é.” Nǔgbó ɔ́, Sinyɔ́ɔ wɛ Mawu Mavɔmavɔ sɛ́n ɔ́ ná gosín, Jeluzalɛ́mu wɛ Mawu Mavɔmavɔ xó ɔ́ ná gosín wá nú mǐ.


Yě ná kan ali e yě ná gbɔn bó lɛ́ kɔ yi Sinyɔ́ɔ byɔ́, bó ná wlí ali ɔ́ tunta dɔ̌n, ma zɛ dó ɖisí ma zɛ dó amyɔ; yě ná ɖɔ: mi wá mǐ ní zunfán Mawu Mavɔmavɔ, Mawu mǐtɔn; mi jɛ akɔ e è ma ná wɔn gbeɖé ǎ ɔ́ xá ɛ.


Lě e ahwangɔnu Izlayɛ́li ví lɛ́ɛ tɔn to yěɖée gbɔn bó jɛ ali ɔ́ nɛ́.


Mawu nyí gbɛtɔ́ bó ná ɖó adingban ǎ. É nyí gbɛtɔ́ví, bó ná lɛ́ kɔ sín nǔ e ná wa wɛ é ɖe ɔ́ gúdo ǎ. Nǔ e é ɖɔ ɔ́, é ná bló ɖ'é jí a cé? Xó e é ɖɔ ɔ́, é ná bló ɖ'é jí a cé?


Mawu ná ayǐkúngban ɖěbǔ Ablaxámu ɖo tomɛ fí ǎ; ayǐkúngban alɔbá ɖokpó vɔ́vɔ́ nyí étɔn ǎ. Lo ɔ́, Mawu dó akpá n'i ɖɔ émí ná ná ɛ to ɔ́, bɔ é ná wá nyí vǐvú tɔn lɛ́ɛ lɔ tɔn, có Ablaxámu ka ko ji vǐ ɖěbǔ hwenɛ́nu ǎ.


É ná kplá mi wá to e nyí tɔ́gbó mitɔn lɛ́ɛ tɔn ɔ́ mɛ, bɔ é ná nyí mitɔn; é ná bló bɔ nǔ ná nyɔ́ nú mi, bɔ mi ná sukpɔ́ hú tɔ́gbó mitɔn lɛ́ɛ.


Mi zé sɛ́n kpó gbeta kpó e un ná mi égbé din lɛ́ɛ dó wa azɔ̌ ná; énɛ́ ɔ́, nǔ ná nyɔ́ nú mi kpó vǐ mitɔn lɛ́ɛ kpó, bɔ mi ná dɔ́ ji ɖo to e na ná mi wɛ Mawu Mavɔmavɔ, Mawu mitɔn ɖe, bɔ é ná nyí mitɔn káká sɔ́yi é mɛ.”


bónú yě ná ɖo gbɛ mavɔ mavɔ sín nukúnɖíɖó mɛ. Mawu ko dó gbɛ mavɔ mavɔ ɔ́ sín akpá cóbɔ gbɛ ɔ́ wá tíin; é ka nɔ ɖó adingban ǎ.


Hǔn, nǔ we tíin: akpá e é dó ɔ́ kpó nǔ e é xwlé ɔ́ kpó; nǔ we énɛ́ lɛ́ɛ ɔ́, è sixú ɖyɔ́ yě ǎ, bɔ ɖo nǔ we énɛ́ lɛ́ɛ mɛ ɔ́, Mawu sixú ɖó adingban ǎ. Énɛ́ ɔ́ wú wɛ mǐ mɛ e mɔ bibɛtɛn ɖo Mawu glɔ́ lɛ́ɛ ɔ́, mǐ mɔ akɔ́nkpinkpan ɖaxó, bó ná hɛn nukúnɖíɖó e è sɔ́ ɖó te nú mǐ ɔ́ syɛ́nsyɛ́n.


Yɛ ɔ́ kpó yawó yɔ̌yɔ́ ɔ́ kpó ɖo ɖiɖɔ wɛ ɖɔ: “Wǎ!” Mɛ e ɖo mɔ̌ se wɛ ɔ́ lɔ ní ɖɔ: “Wǎ!” Mɛ e sinnugblá sin ɔ́ ní wá; mɛ e ɖo sin e nɔ ná gbɛ mɛ ɔ́ ba wɛ ɔ́ ní yí vɔ̌nu.


Asitɔ́ Mɔyízi tɔn Keni sín vǐ lɛ́ɛ gosín Jeliko, děkan toxo ɔ́ mɛ kpó Judáa sín súnnu lɛ́ɛ kpó, lobo yi jɛ agban ɖó ayǐkúngban Judáa tɔn ɔ́ sín afɔligbé ɖo Aladi sín afɔligbé. Yě yi nɔ Amalɛ́ki togun ɔ́ tɛ́ntin.


Hebɛ́ɛ Keni ví ɔ́ ɖo Kedɛ́ci kpá. Đ'ayǐ ɔ́, é kó klán xá nɔví tɔn Keni ví ɖě lɛ́ɛ. Mɔyízi sín asitɔ́ Hobabu wɛ ka dó kún yětɔn. Hebɛ́ɛ ɔ́ yi bló goxɔ tɔn nyi cɛ́nitín ɖé kpá ɖo Saanánimu.


Sawúlu ɖɔ nú Keni ví lɛ́ɛ ɖɔ: “Mi gosín fí, mi tɔ́n sín Amalɛ́ki ví lɛ́ɛ mɛ bónú un ma wá hu mi kpó yě kpó ó. Đó hwenu e Izlayɛ́li ví lɛ́ɛ gosín Ejípu ɔ́, mi nyɔ́ xomɛ dó yě wú.” Ée é ɖɔ mɔ̌ ɔ́, Keninu lɛ́ɛ tɔ́n sín Amalɛ́ki ví lɛ́ɛ mɛ.


Lean sinn:

Sanasan


Sanasan