Kɛ́nsísɔ́ 10:28 - MAWUXÓWÉMA

²⁸ Lě e ahwangɔnu Izlayɛ́li ví lɛ́ɛ tɔn to yěɖée gbɔn bó jɛ ali ɔ́ nɛ́.

Kɛ́nsísɔ́ 10:28 Iomraidhean Croise

Hanvíví 6:10

Mɛ̌ ká ja nɛ́? Nyɔ̌nu tɛ́ ká tɔ́n sín dɔ̌n bó ja ayǐtéhɔ̌nnu ɖɔhun nɛ́? É nyɔ́ ɖɛkpɛ sun ɖɔhun, é nɔ́ kɔ́n hwe ɖɔhun. È ɖǒ ná nɔ́ sí i lě e è nɔ sí ahwanfuntɔ́ lɛ́ɛ gbɔn ɖo ahwangbénu é.

Kɛ́nsísɔ́ 10:27

Axila, Eyináni sín vǐ súnnu ɔ́ nɔ akɔta Nɛfutali tɔn sín ahwangɔnu ɔ́ nu.

Kɛ́nsísɔ́ 10:29

Mɔyízi ɖɔ xó nú Hobabu; Hobabu ɔ́, Hlewuyɛ́li e nyí Madiáani ví, bó nyí Mɔyízi sín asi tɔ́ ɔ́ sín vǐ wɛ; é ɖɔ n'i ɖɔ: “Mǐ xwe to e Mawu Mavɔmavɔ ɖɔ émí ná ná mǐ ɔ́ mɛ; wǎ xwedó mǐ hɛn yi; mǐ ná wa ɖagbe nú we, ɖó Mawu Mavɔmavɔ dó akpá nú mǐ Izlayɛ́li ví lɛ́ɛ ɖɔ émí ná wa ɖagbe nú mǐ.”

Kɛ́nsísɔ́ 2:34

Izlayɛ́li ví lɛ́ɛ wa nǔ, bɔ é sɔgbe xá lě e Mawu Mavɔmavɔ ɖɔ nú Mɔyízi gbɔn é pɛ́pɛ́pɛ́. Yě ɖó gɔnu ɖó fí ɖé ɔ́, yě kpó ahwansyá yětɔn kpó nɔ́ ɖo fí ɔ́. Yě ɖo yiyi wɛ ɔ́, hɛ̌nnu ɖokpó ɖokpó nɔ́ ɖo tɛn tɔn mɛ, bɔ mɛ ɖokpó ɖokpó nɔ́ ɖo xwédo tɔn mɛ.

1 Kɔlɛ́ntinu 14:33

Đó Mawu ylɔ́ mǐ, bónú mǐ ná zán gbɛ hannyahannya ǎ, lo ɔ́, mǐ ná mɔ fífá wútu wɛ é ylɔ́ mǐ. Lě e é kó nɔ nyí gbɔn ɖo mɛɖeɖóvo Mawu tɔn lɛ́ɛ sín agun lɛ́ɛ bǐ mɛ ɔ́,

1 Kɔlɛ́ntinu 14:40

È nǐ bló nǔ lɛ́ɛ bǐ lě e é jɛ xá gbɔn é; è nǐ bló kpó tito kpó.

Kolósinu 2:5

Ényí un tlɛ lín dó mi ɖo agbaza mɛ ɔ́, un ɖo kpɔ́ xá mi ɖo ayi mɛ, bɔ lě e un mɔ bɔ mi nɔ wa nǔ dó tito jí ganjí gbɔn, bó lí dǒ ɖo nǔɖiɖi e mi ɖó nú Klísu ɔ́ mɛ gbɔn ɔ́, víví nú mì.