Kɛ́nsísɔ́ 10:12 - MAWUXÓWÉMA

¹² bɔ Izlayɛ́li ví lɛ́ɛ gosín gbětótló Sinayíi tɔn mɛ. Akpɔ́kpɔ́ ɔ́ yi nɔ te ɖo gbětótló Paláni tɔn mɛ.

Kɛ́nsísɔ́ 10:12 Iomraidhean Croise

Bǐbɛ́mɛ 14:6

lobo ɖu ɖo Holiti lɛ́ɛ jí, ɖo Seyíi só kanmɛ, bó jɛ yě gúdo káká yi Eyilu-Paláni ɖo gbětótló ɔ́ kpá.

Bǐbɛ́mɛ 21:21

Gbětótló Paláni tɔn ɔ́ mɛ wɛ é nɔ́ bɔ nɔ tɔn da Ejípunu ɖokpó n'i.

1 Axɔ́sú 11:18

Yě gosín Madiáani, bó yi Paláni. Yě kplá súnnu Paláninu ɖé lɛ́ɛ, bó yi Ejípu ɖo axɔ́sú Ejípu tɔn ɔ́ gɔ́n. Axɔ́sú ɔ́ ná xwé ɖokpó Hadádi, bó nɔ ná ɛ nǔɖuɖu, lobo ná ɛ ayǐkúngban.

Tíntɔ́n 13:20

Yě gosín Sukɔ́tu bó ɖó gɔnu ɖó Etámu ɖo gbětótló ɔ́ tó.

Xabakúku 3:3

Mawu gosín Temani ja. Mɛ mímɛ́ ɔ́ gosín Paláni só ɔ́ jí ja. Agbɔ̌n Nǔbǐwúkpíkpé tɔn kpé sɛ́xwé, bɔ susu tɔn gɔ́ ayǐkúngban ɔ́ jí.

Kɛ́nsísɔ́ 1:1

Xwe e bɔ dó xwe e mɛ Izlayɛ́li ví lɛ́ɛ gosín Ejípu ɔ́ wú ɔ́, ɖo sun tɔn wegɔ́ ɔ́ sín azǎn nukɔn tɔn ɔ́ gbe ɔ́, Mɔyízi ɖo Goxɔ ɔ́ mɛ, bɔ Mawu Mavɔmavɔ ɖɔ xó n'i ɖo gbětótló Sinayíi tɔn mɛ; é ɖɔ n'i ɖɔ:

Kɛ́nsísɔ́ 10:33

Izlayɛ́li ví lɛ́ɛ gosín Mawu Mavɔmavɔ sín só ɔ́ kɔn ɖidó, bó ɖi zɔnlin xɔ azǎn atɔn; akɔjijɛgbá Mawu Mavɔmavɔ tɔn ɔ́ jɛ nukɔn nú yě. Mɛ e hɛn akɔjijɛgbá ɔ́ lɛ́ɛ ɖi zɔnlin xɔ azǎn atɔn, bó ba fí e yě ná gbɔjɛ́ ɖe ɔ́ ɖ'ayǐ.

Kɛ́nsísɔ́ 12:16

Ée Miliamu lɛ́ kɔ wá ɔ́, togun ɔ́ gosín Haselɔ́ti ɖidó, bó yi ɖó gɔnu ɖó gbětótló Paláni tɔn mɛ.

Kɛ́nsísɔ́ 13:26

Ée yě wá ɔ́, yě yi Mɔyízi kpó Aalɔ́ɔn kpó, kpódó togun Izlayɛ́li tɔn ɔ́ bǐ kpó gɔ́n, ɖo Kadɛ́ci, ɖo gbětótló Paláni tɔn mɛ. Yě ɖǒ nǔ e yě mɔ ɖo dɔ̌n ɔ́ sín gbe nú yě bǐ, bó xlɛ́ atínsínsɛ́n to ɔ́ mɛ tɔn yě.

Kɛ́nsísɔ́ 13:3

Mɔyízi xwedó nǔ e Mawu Mavɔmavɔ ɖɔ ɔ́, bó sɛ́ mɛ dó sín gbětótló Paláni tɔn mɛ. Mɛ e Mɔyízi sɛ́ dó lɛ́ɛ bǐ wɛ nyí Izlayɛ́li ví lɛ́ɛ sín gǎn.

Kɛ́nsísɔ́ 2:34

Izlayɛ́li ví lɛ́ɛ wa nǔ, bɔ é sɔgbe xá lě e Mawu Mavɔmavɔ ɖɔ nú Mɔyízi gbɔn é pɛ́pɛ́pɛ́. Yě ɖó gɔnu ɖó fí ɖé ɔ́, yě kpó ahwansyá yětɔn kpó nɔ́ ɖo fí ɔ́. Yě ɖo yiyi wɛ ɔ́, hɛ̌nnu ɖokpó ɖokpó nɔ́ ɖo tɛn tɔn mɛ, bɔ mɛ ɖokpó ɖokpó nɔ́ ɖo xwédo tɔn mɛ.

Kɛ́nsísɔ́ 9:1

Mawu Mavɔmavɔ ɖɔ xó nú Mɔyízi ɖo gbětótló Sinayíi tɔn mɛ. Izlayɛ́li ví lɛ́ɛ gosín Ejípu ɔ́ xwe e bɔ dó xwe énɛ́ ɔ́ wú ɔ́ sín sun nukɔn tɔn ɔ́ mɛ wɛ é ɖɔ xó n'i; é ɖɔ n'i ɖɔ:

Kɛ́nsísɔ́ 9:17

Nú akpɔ́kpɔ́ ɔ́ sí te sín Goxɔ ɔ́ jí hweɖěbǔnu ɔ́, Izlayɛ́li ví lɛ́ɛ nɔ́ jɛ ali. Yě ɖo yiyi wɛ bónú akpɔ́kpɔ́ ɔ́ lɛ́ nɔ te ɖo fí ɖé ɔ́, yě nɔ́ ɖó gɔnu ɖó fí ɔ́.

Kɛ́nsísɔ́ 9:5

Énɛ́ ɔ́, yě ɖu Dǐndínwáyixwe ɔ́ ɖo sun nukɔn tɔn ɔ́ sín azǎn wǒ-ɛnɛgɔ́ ɔ́ gbe gbadanu, ɖo gbětótló Sinayíi tɔn mɛ. Lě e Mawu Mavɔmavɔ ɖɔ gbɔn nú Mɔyízi ɔ́ bǐ wɛ yě xwedó bó dó ɖu xwe ɔ́.

Sɛ́nflínmɛ 1:1

Xó e Mɔyízi ɖɔ nú Izlayɛ́li ví lɛ́ɛ é wɛ ɖo wěma élɔ́ mɛ. Hwenɛ́nu ɔ́, Izlayɛ́li ví lɛ́ɛ ɖo ayǐkúngban wɛnjɛ ɖé jí ɖo gbětótló mɛ, ɖo Judɛ́ɛn tɔ ɔ́ sín zǎnzǎnhwe jí, ɖo Súfu kpá, ɖo Paláni, kpó Tofɛ́li kpó Lavani kpó Haselɔ́ti, kpódó Di-Zaxávu kpó tɛ́ntin.

Sɛ́nflínmɛ 1:19

Énɛ́ ɔ́ gúdo ɔ́, Mawu Mavɔmavɔ, Mawu mǐtɔn ná gbe mǐ, bɔ mǐ gosín Holɛ́bu bó gbɔn gbětótló ɖaxó e dó xɛsi bɔ mi bǐ tunwun ganjí ɔ́ mɛ dín, lobo wlí ali e yi Amɔliti lɛ́ɛ sín sókan mɛ é. Ée mǐ wá jɛ Kadɛ́ci-Baanɛ́ya é ɔ́,

Sɛ́nflínmɛ 1:7

Din ɔ́, mi wlí ali, bó yi sókan mɛ fí e Amɔliti lɛ́ɛ ɖe ɔ́. Mi gba kpé ayǐkúngban e sɛkpɔ́ yě lɛ́ɛ bǐ jí: mi yi ayǐkúngban wɛnjɛ Judɛ́ɛn tɔn ɔ́ jí, mi yi sókan mɛ, mi yi tofɔligbé, mi yi xutó, mi yi Kanáanu lɛ́ɛ sín to mɛ, bó yi Libáan. Mi gba kpé fí énɛ́ lɛ́ɛ bǐ káká yi tɔ ɖaxó Efláti tɔn ɔ́ tó.

Sɛ́nflínmɛ 33:2

“Mawu Mavɔmavɔ gosín Sinayíi só jí bó wá. É tɔ́n ɖo Seyíi to ɔ́ ta nu hwe ɖɔhun. É tɔ́n ɖo Paláni só lɛ́ɛ jí, bó za wě dó togun ɔ́ bǐ jí. Wɛnsagun wɔ̌buwɔ́bú ɖé xwedó e bɔ é wá mɛ tɔn lɛ́ɛ gɔ́n, bó hɛn sɛ́n ɔ́ alɔ mɛ, bɔ é ɖo jiji wɛ myɔ ɖɔhun.

1 Samuwɛ́li 25:1

Samuwɛ́li kú, bɔ Izlayɛ́li to ɔ́ bǐ kplé bó wa nǔ tɔn, bó ɖi i ɖó xwé tɔn gbe ɖo Hlama. Énɛ́ ɔ́ gúdo ɔ́, Davídi yi cí gbětótló Paláni tɔn mɛ.