Kɛ́nsísɔ́ 10:10 - MAWUXÓWÉMA

¹⁰ Đo awǎjijɛ sín azǎn mitɔn lɛ́ɛ gbe ɔ́, ɖo xwezán mitɔn lɛ́ɛ gbe ɔ́, ɖo sunwájǐxwe mitɔn lɛ́ɛ hwenu ɔ́, mi ná nɔ́ ɖo vɔ̌ e è nɔ dó zo ɔ́ sá wɛ, bó ná nɔ́ ɖo kɔnɖókpɔ́ vɔ́ sá wɛ, bó ná nɔ́ kwín kpɛn lɛ́ɛ. Énɛ́ ɔ́, un ná nɔ́ flín mi. Mawu Mavɔmavɔ, Mawu mitɔn wɛ un nyí.”

Kɛ́nsísɔ́ 10:10 Iomraidhean Croise

2 Axɔ́sú 4:23

Bɔ asú tɔn ɖɔ n'i ɖɔ: “Étɛ́wú a jlǒ ná yi gɔ̌n tɔn égbé? Sun ma wá jǐ nɛ́, égbé ma ká nyí gbɔjɛzán gbe nɛ́!” Nyɔ̌nu ɔ́ yí gbe n'i ɖɔ: “Nǔɖé jɛ ǎ.”

1 Tan 15:24

Vɔ̌sánú-xwlémawutɔ́ Cevaniya, Yocafáti, Nɛtanɛli, Amasayi, Zekaliyahu, Benayahu kpódó Eliezɛ́ɛ kpó ká ɖo kpɛn kún wɛ ɖo akɔjijɛgbá Mawu tɔn ɔ́ nukɔn. Hɔnjínɔtɔ́ Ovɛ́di-Edɔ́mu kpó Yexiya kpó ɖo akɔjijɛgbá ɔ́ kpá.

1 Tan 15:28

Izlayɛ́li to ɔ́ bǐ zě akɔjijɛgbá Mawu Mavɔmavɔ tɔn ɔ́ wá Jeluzalɛ́mu bó ɖo awǒbóbó kpa wɛ, bɔ lanzo ɖo gbe jɛ wɛ, kpɛn kpó gan kpó ɖo gbe jɛ wɛ, bɔ kanhún kpó agǐdigbo kpó ɖo nǔ ɖɔ wɛ.

1 Tan 16:42

Hemani kpó Yedutún kpó nɔ kpé nukún dó kpɛn lɛ́ɛ kpó gan lɛ́ɛ kpó wú, bó nɔ kpé nukún dó nǔxonú e è nɔ xo dó han e ji nú Mawu wɛ è ɖe lɛ́ɛ mɛ lɛ́ɛ wú. È ɖe Yedutún ví lɛ́ɛ bɔ yě ná nɔ́ nɔ hɔn jí.

2 Tan 29:26

Levíi ví lɛ́ɛ nɔ fínɛ́ kpó nǔxonú Davídi tɔn lɛ́ɛ kpó. Vɔ̌sánú-xwlémawutɔ́ lɛ́ɛ nɔ fínɛ́ kpó kpɛn yětɔn lɛ́ɛ kpó.

2 Tan 29:28

Togun ɔ́ bǐ ɖe kɔ́, bɔ è ɖo han ɔ́ ji wɛ, bó ɖo kpɛn kún wɛ mɔ̌ káká bó sá vɔ̌ ɔ́ fó.

2 Tan 7:6

Vɔ̌sánú-xwlémawutɔ́ lɛ́ɛ ɖo azɔ̌ yětɔn jí. Levíi ví lɛ́ɛ ɖo nǔxonú e axɔ́sú Davídi bló nú Mawu lɛ́ɛ xo wɛ. Yě ɖo susu kpa nú Mawu Mavɔmavɔ wɛ ɖó wǎn yíyí tɔn ma ɖó dogbó ɔ́ wú, lě e Davídi kplɔ́n yě gbɔn é. Vɔ̌sánú-xwlémawutɔ́ ɖé lɛ́ɛ ɖo kpɛn kún wɛ ɖo nukɔn yětɔn, bɔ Izlayɛ́li togun ɔ́ bǐ ɖo te.

Ɛsidlási 3:10

Ée xɔmɛtɔ́ lɛ́ɛ dó Mawu Mavɔmavɔ xwé ɔ́ do ɔ́, è ylɔ̌ vɔ̌sánú-xwlémawutɔ́ lɛ́ɛ wá, bɔ yě dó awu e mɛ yě nɔ́ nɔ bó nɔ wa sinsɛnzɔ́ lɛ́ɛ, bó hɛn kpɛn, bɔ Levíi ví e nyí kúnkan Asáfu tɔn lɛ́ɛ hɛn hǔn, bó ná kpa susu nú Mawu Mavɔmavɔ, lě e axɔ́sú Izlayɛ́li tɔn Davídi ko kplɔ́n yě gbɔn ɖ'ayǐ é.

Nɛɛmíi 12:35

bɔ vɔ̌sánú-xwlémawutɔ́ e nɔ kún kpɛn lɛ́ɛ kpó Zekaliya Yonatáni ví ɔ́ kpó bɔ d'é wú. Yonatáni ɔ́ nyí Cemaya ví, bɔ Cemaya nyí Mataniya ví, bɔ Mataniya nyí Mikaya ví, bɔ Mikaya ka nyí Zakúu ví, bɔ Zakúu nyí Asáfu ví.

Ɖɛhan 150:3

Mi kún lanzo dó kpa susu n'i, mi xo kanhún kanwǒnɔ kpó kantántɔnnɔ kpó dó kpa susu n'i.

Ɖɛhan 81:3

Mi dó han víví bó ji; mi xo hǔnví, mi xo kanhún e nyɔ́ gbe ganjí é, mi xo kanhún kanwǒnɔ.

Ɖɛhan 81:4

Mi kún lanzo xwezán mǐtɔn gbe: sun wá jǐ hǔn, mi kún lanzo, sun kpé ká hǔn, mi kún.

Ɖɛhan 89:15

Hwɛjijɔ kpó nǔjlɔ́jlɔ́wiwa kpó jí wɛ axɔ́súzinkpo towe jínjɔ́n. Xomɛnyínyɔ́ kpó gbejíninɔ kpó wɛ nɔ zɔn xá we.

Tíntɔ́n 28:29

“Nú Aalɔ́ɔn xwe goxɔ ɔ́ mɛ ɔ́, akɔ́ntakpo e è nɔ sin dó akɔ́ntakpo bó nɔ́ ɖɔ hwɛ ɔ́ mɛ wɛ é ná ɖe, bɔ akɔta Izlayɛ́li tɔn lɛ́ɛ sín nyǐkɔ ná ɖo akɔ́nnu tɔn bó ná nyí flǐnnú tɛgbɛ tɔn ɖo Mawu Mavɔmavɔ nukɔn.

Tíntɔ́n 30:16

Nú a yǐ akwɛ́ énɛ́ ɔ́ bǐ ɖo Izlayɛ́li ví lɛ́ɛ sí ɔ́, a nǎ zé dó wa goxɔ ɔ́ sín azɔ̌. Énɛ́ ɔ́, un ná nɔ́ flín Izlayɛ́li ví lɛ́ɛ, bó ná nɔ́ nya xɛ ɖo yě jǐ.”

Ezayíi 27:13

Gbe énɛ́ gbe ɔ́, lanzo ɖaxó ɔ́ ná jɛ gbe, bɔ mi mɛ e ahwan kplá yi Asilíi lɛ́ɛ, abǐ mi mɛ e è gba dó bɔ mi yi ɖo Ejípu lɛ́ɛ bǐ ná lɛ́ kɔ wá, bó ná jɛ kpo ɖo Mawu Mavɔmavɔ nukɔn, ɖo Jeluzalɛ́mu, ɖo só mímɛ́ ɔ́ jí.

Levíi ví 23:24

é ní ɖɔ nú Izlayɛ́li ví lɛ́ɛ ɖɔ: “Sun tɛ́nwegɔ́ ɔ́ sín azǎn nukɔntɔn ɔ́ ná nyí gbɔjɛzán nú mi. Flǐn kpódó lanzo kúnkún kpó sín azǎn wɛ azǎn énɛ́ ɔ́ ná nyí nú mi; mi ná kplé bó sɛn mì.

Kɛ́nsísɔ́ 10:9

“Hwenu e kɛntɔ́ wá tɔ́n ahwan mi ɖo to mitɔn mɛ, bɔ mi xwe ahwan fun xá yě gbé ɔ́, mi ná nɔ́ kwín kpɛn lɛ́ɛ kpódó awǒbóbó kpó; énɛ́ ɔ́, nyɛ Mawu Mavɔmavɔ, Mawu mitɔn ná flín mi, bó ná hwlɛ́n mi ɖo kɛntɔ́ sí.

Kɛ́nsísɔ́ 28:11

Mawu Mavɔmavɔ ɖɔ nú Mɔyízi ɖɔ: “Azǎn nukɔntɔn e ɖo sun ɖokpó ɖokpó mɛ ɔ́ gbe ɔ́, mi ná nɔ́ zé nyibúsú we, agbo ɖokpó, lɛ̌ngbɔ́ví e ɖó xwe ɖokpó ɔ́ tɛ́nwe dó sá vɔ̌ e è nɔ dó zo ɔ́ ná nú nyɛ Mawu Mavɔmavɔ; blɔ̌ ɖěbǔ ná ɖo kanlin énɛ́ lɛ́ɛ wú ǎ.

Kɛ́nsísɔ́ 29:1

Mawu Mavɔmavɔ ɖɔ nú Mɔyízi ɖɔ: “Sun tɛ́nwegɔ́ e ɖo xwe ɔ́ mɛ ɔ́ sín azǎn nukɔntɔn ɔ́ gbe ɔ́, mi ná kplé bó ná sɛn nyɛ Mawu Mavɔmavɔ. Mi ná wa azɔ̌ kpaa e mi nɔ wa lɛ́ɛ ɖěbǔ gbe énɛ́ ɔ́ gbe ǎ, ɖó lanzo kúnkún sín azǎn wɛ.

Matíe 11:28

“Mi wá gɔ̌n ce; mi mɛ e agban kpinkpɛn hinhɛn cikɔ ná lɛ́ɛ é bǐ, bónú ma ná gbɔjɛ́ mi.”

Mɛsɛ́dó 10:4

Ée Kɔnɛ́yi mɔ wɛnsagun ɔ́, xɛsi jɛ jǐ tɔn; é ká kpɔ́n ɛ tlítlí, bó kanbyɔ́ ɛ ɖɔ: “Nɛ̌ ká gbɔn Aklúnɔ?” Bɔ wɛnsagun ɔ́ yí gbe n'i ɖɔ: “Đɛ e a nɔ xo lɛ́ɛ, kpódó nǔ e a nɔ ná wamamɔnɔ lɛ́ɛ kpán ɔ́, bǐ wɛ Mawu yí, bó flín we.

1 Kɔlɛ́ntinu 15:52

ɖo cɛ́jú mɛ, ɖo nukún xwixwe ɖokpó mɛ, hwenu e kpɛn gǔdo gúdo tɔn ɔ́ ná ɖɔ nǔ é; ɖó hwenu e kpɛn ɔ́ ná ɖɔ nǔ ɔ́, mɛ e kú lɛ́ɛ ná fɔ́n, bó ná nyí mɛ e ma sɔ́ ɖó ná kú ǎ é, bɔ è nǎ húzú mǐ bǐ.

1 Tɛsalonikinu 4:16

Hwe ɔ́ nu su ɔ́, Aklúnɔ ɖésúnɔ ná jɛ te sín jǐxwé, bɔ è nǎ se mɛɖé ná ɖe gbe kpó xósúsú kpó, bó ná se wɛnsagun Mawu tɔn ɖaxó ɖokpó sín gbe; bó ná se ɖuɖéjí sín kpɛn Mawu tɔn sín gbe; bɔ mɛ e ɖi nǔ nú Klísu cóbó kú lɛ́ɛ ná fɔ́n jɛ nukɔn.

1 Tɛsalonikinu 4:18

Hǔn mi bo zé xó énɛ́ lɛ́ɛ dó dó wǔsyɛ́n lanmɛ nú miɖée.

Jozuwée 4:7

mi ná yí gbe nú yě ɖɔ: ‘Hwenu e akɔjijɛgbá Mawu Mavɔmavɔ tɔn ɖo Judɛ́ɛn tɔ dó asá wɛ ɔ́, tɔ ɔ́ gbo ɖo nukɔn tɔn; tɔ ɔ́ gbo bɔ sin kplé cí fí ɖokpó nǔɖé wɛ hɛn ɛ ɖó te ɖɔhun. Nǔ énɛ́ ɔ́ e jɛ ɔ́ flín Izlayɛ́li ví lɛ́ɛ wɛ awǐnnya énɛ́ lɛ́ɛ ɖe káká sɔ́yi mavɔ mavɔ.’ ”

Jozuwée 6:4

Vɔ̌sánú-xwlémawutɔ́ tɛ́nwe ná jɛ nukɔn nú akɔjijɛgbá ɔ́. Yě mɛ ɖokpó ɖokpó ná hɛn lanzo ɖokpó ɖokpó. Azǎn tɛ́nwegɔ́ ɔ́ gbe ɔ́, mi ná lɛ́ lɛ̌ dó toxo ɔ́ azɔn tɛ́nwe, bɔ vɔ̌sánú-xwlémawutɔ́ lɛ́ɛ ná kún lanzo.

Nǔɖexlɛ́mɛ 22:17

Yɛ ɔ́ kpó yawó yɔ̌yɔ́ ɔ́ kpó ɖo ɖiɖɔ wɛ ɖɔ: “Wǎ!” Mɛ e ɖo mɔ̌ se wɛ ɔ́ lɔ ní ɖɔ: “Wǎ!” Mɛ e sinnugblá sin ɔ́ ní wá; mɛ e ɖo sin e nɔ ná gbɛ mɛ ɔ́ ba wɛ ɔ́ ní yí vɔ̌nu.

1 Samuwɛ́li 20:5

Bɔ Davídi ɖɔ n'i ɖɔ: “Sɔ wɛ mǐ ná ɖu sunwájǐxwe ɔ́, bɔ nyi kpó axɔ́sú ɔ́ kpó ɖó ná jínjɔ́n ayǐ, bó ná ɖu nǔ. Amɔ̌, din ɔ́, nǎ gbe mì nú má yi hɔn bɛ cí gle ɖé mɛ káká jɛ azǎn atɔngbe gbadanu.