Kɛ́nsísɔ́ 1:53 - MAWUXÓWÉMA

⁵³ Amɔ̌, kúnkan Levíi tɔn lɛ́ɛ kɛ́ɖɛ́ wɛ ná nɔ́ ɖó gɔnu lɛ́ lɛ̌ dó Goxɔ ɔ́, bó ká ná nɔ́ ɖo azɔ̌ yětɔn wa wɛ. Énɛ́ ɔ́, Izlayɛ́li ví lɛ́ɛ ná dɔn xomɛsin nyɛ Mawu Mavɔmavɔ tɔn dó yěɖée jí ǎ.”

Kɛ́nsísɔ́ 1:53 Iomraidhean Croise

1 Tan 23:32

Yě ná nɔ́ kpé nukún dó goxɔ Mawu Mavɔmavɔ tɔn ɔ́ kpó tɛn mímɛ́ bǐ ɔ́ kpó wú, bó ná nɔ dó alɔ nɔví yětɔn Aalɔ́ɔn ví lɛ́ɛ ɖo azɔ̌ e yě nɔ́ wa ɖo Mawu Mavɔmavɔ xwé gbe lɛ́ɛ kɔn.

2 Tan 13:10

Mǐdɛɛ lɛ́ɛ ɔ́, Mawu Mavɔmavɔ wɛ mǐ nɔ́ sɛn. Mǐ jó e dó ǎ. Aalɔ́ɔn ví lɛ́ɛ wɛ nyí vɔ̌sánú-xwlémawutɔ́, bɔ Levíi ví lɛ́ɛ ká nɔ ɖo azɔ̌ yětɔn wa wɛ.

2 Tan 13:11

Zǎnzǎn gbada ɔ́, yě nɔ́ ɖo vɔ̌ e è nɔ dó zo lɛ́ɛ xwlé Mawu Mavɔmavɔ wɛ, bó nɔ́ ɖo zǎlínkpɔ́n dó zo n'i wɛ. Yě nɔ́ to wɔ̌xúxú e è nǎ Mawu lɛ́ɛ ɖó távo mímɛ́ ɔ́ jí, bɔ gbadanu tɛgbɛ ɔ́, yě nɔ́ tá zogbɛ́n lɛ́ɛ ɖó zogbɛ́nhɛnnú e è zě siká dó bló ɔ́ jí. Mǐ nɔ́ kpé nukún dó azɔ̌ e Mawu Mavɔmavɔ, Mawu mǐtɔn zɔ́n mǐ lɛ́ɛ wú, bó nɔ́ wa ganjí. Amɔ̌, midɛɛ lɛ́ɛ ɔ́, mi jó e dó.

Jelemíi 23:15

Énɛ́ ɔ́ wú wɛ nyɛ Mawu Mavɔmavɔ, Mawu Nǔbǐwúkpétɔ́ ɔ́, un ɖɔ dó gbeyíɖɔ lɛ́ɛ wú ɖɔ: Un ná ná yě ama e vɛ́ dódó é; un ná ná yě sin e mɛ è kɔn nǔvɛ́nu dó é, bɔ yě ná nu. Đó gbeyíɖɔ Jeluzalɛ́mu tɔn lɛ́ɛ jí wɛ nǔ nyanya gbɔn, bó byɔ́ to ɔ́ mɛ.”

Jelemíi 5:31

Gbeyíɖɔ lɛ́ɛ nɔ ɖó adingban, vɔ̌sánú-xwlémawutɔ́ lɛ́ɛ ɔ́, ɖuɖu jɛ́n yě nɔ́ ba ɖo nǔ bǐ mɛ. Bɔ nǔ énɛ́ lɛ́ɛ ká nyɔ́ togun ce nukún mɛ. Mi ka zán gbɛ mɔ̌ káká yi fó ɔ́, nɛ̌ mi ná wa nǔ gbɔn?”

Levíi ví 10:6

Énɛ́ ɔ́ gúdo ɔ́, Mɔyízi ɖɔ nú Aalɔ́ɔn kpó vǐ súnnu tɔn Eleazáa kpó Itamáa kpó ɖɔ: “Mi ma jó ɖa mitɔn dó nyi kannyaa ó, mi ma vún awu mitɔn lɛ́ɛ ó. É má nyí mɔ̌ ǎ ɔ́, mi táá kú, Mawu Mavɔmavɔ táá wá sin xomɛ dó togun ɔ́ bǐ. Mi jó Izlayɛ́li ví nɔví súnnu mitɔn lɛ́ɛ bǐ dó nú yě ní ví mɛ e Mawu Mavɔmavɔ zé myɔ dó hu lɛ́ɛ.

Kɛ́nsísɔ́ 1:50

A nǎ zé azɔ̌ e nyí Goxɔ ɔ́ tɔn lɛ́ɛ dó alɔ mɛ nú Levíi ví lɛ́ɛ; fínɛ́ wɛ akɔjijɛgbá ɔ́ ɖe. Nǔ e è dǒ bló Goxɔ ɔ́ ná lɛ́ɛ kpó nǔ e è nɔ zán ɖo xwé ɔ́ gbe lɛ́ɛ kpó sín azɔ̌ lɛ́ɛ ɔ́, a nǎ zé dó alɔ mɛ nú yě. Yě wɛ ná nɔ́ zé Goxɔ ɔ́ kpó nǔ e è nɔ zán ɖ'é mɛ lɛ́ɛ bǐ kpó. Yě wɛ ná nɔ wa azɔ̌ ɖo xwé ɔ́ gbe; yě wɛ ná nɔ́ ɖó gɔnu lɛ́ lɛ̌ dó Goxɔ ɔ́.

Kɛ́nsísɔ́ 1:54

Izlayɛ́li ví lɛ́ɛ wa nǔ, bɔ é sɔgbe xá lě e Mawu Mavɔmavɔ ɖɔ nú Mɔyízi gbɔn é pɛ́pɛ́pɛ́.

Kɛ́nsísɔ́ 16:9

Ée Mawu Mavɔmavɔ, Mawu Izlayɛ́li tɔn ɔ́ ɖe mi ɖó vo ɖo Izlayɛ́li ví ɖě lɛ́ɛ mɛ, bónú mi ná nɔ́ sɛkpɔ́ ɛ, bó ná nɔ́ kpé nukún dó Goxɔ tɔn wú, bó ná nɔ́ sɛn Mawu Mavɔmavɔ ɖó Izlayɛ́li togun ɔ́ ta mɛ ɔ́, nǔ énɛ́ ɔ́ kpé mi ǎ wɛ a?

Kɛ́nsísɔ́ 17:7

Izlayɛ́li ví lɛ́ɛ xísí dó Mɔyízi kpó Aalɔ́ɔn kpó. Lo ɔ́, hwenu e yě kpɔ́n Goxɔ ɔ́ sɛ́ dó ɔ́, yě mɔ ɖɔ akpɔ́kpɔ́ cyɔ́n ɛ, bɔ Mawu Mavɔmavɔ ɖo susu tɔn ɖe xlɛ́ wɛ ɖo fínɛ́.

Kɛ́nsísɔ́ 2:17

“Énɛ́ ɔ́ gúdo ɔ́, Levíi ví lɛ́ɛ ná ɖíɖá Goxɔ ɔ́ ɖidó; yě xweyǐgbe ɔ́, yě ná nɔ ahwangbɛ́ we nukɔntɔn lɛ́ɛ kpódó we gǔdo tɔn lɛ́ɛ kpó tɛ́ntin. Yě lɔ ná nɔ tito jí yi fí e yě ná nɔ ɔ́; súnnu ɖokpó ɖokpó ná nɔ tɛn tɔn mɛ, ɖo fí e xwédo tɔn sín ahwansyá ɖe é.

Kɛ́nsísɔ́ 3:23

Gɛɛcɔ́ni sín vǐ lɛ́ɛ ɖó gɔnu ɖó Goxɔ ɔ́ gúdo, ɖo gbadahwe jí.

Kɛ́nsísɔ́ 3:29

Kexáti sín hɛ̌nnu lɛ́ɛ ɖó gɔnu ɖó Mawu xwé ɔ́ sín afɔligbé.

Kɛ́nsísɔ́ 3:35

Sulyɛ́li Avihayilu sín vǐ ɔ́ wɛ nyí Mɛlali sín vǐ lɛ́ɛ sín hɛ̌nnugán. Yě ɖó gɔnu ɖó Goxɔ ɔ́ sín taligbé.

Kɛ́nsísɔ́ 3:38

Mɔyízi kpódó Aalɔ́ɔn kpó, kpódó Aalɔ́ɔn sín vǐ lɛ́ɛ kpó ɔ́, yědɛɛ lɛ́ɛ ɖó gɔnu ɖó Mawu xwé ɔ́ nukɔn, ɖo zǎnzǎnhwe jí. Azɔ̌ yětɔn wɛ nyí ɖɔ yě ná nɔ́ sɛkpɔ́ Mawu Mavɔmavɔ ɖó Izlayɛ́li ví lɛ́ɛ tɛnmɛ, bɔ nú mɛ ɖěvo sɛkpɔ́ ɔ́, è ɖǒ ná hu i.

Kɛ́nsísɔ́ 31:30

Nǔ e nyí Izlayɛ́li ví ɖě lɛ́ɛ tɔn lɛ́ɛ ɔ́, a nǎ zé gbɛtɔ́ ɖokpó ɖo gbɛtɔ́ kanɖé wǒ (50) jí, nyibú ɖokpó ɖo nyibú kanɖé wǒ (50) jí, tócí ɖokpó ɖo tócí kanɖé wǒ (50) jí, lɛ̌ngbɔ́ ɖokpó ɖo lɛ̌ngbɔ́ kanɖé wǒ (50) jí, bó ná bló nǔ ɖokpó ɔ́ nú kanlin alɔkpa alɔkpa lɛ́ɛ bǐ; a nǎ bɛ́ nǔ énɛ́ lɛ́ɛ e a jɔ ɔ́ nú Levíi ví e nɔ́ kpé nukún dó nyɛ Mawu Mavɔmavɔ sín nɔtɛn wú lɛ́ɛ é.”

Kɛ́nsísɔ́ 31:47

Mɔyízi ɖe nǔjɔ ɖo nǔ e nyí Izlayɛ́li ví lɛ́ɛ tɔn lɛ́ɛ jí; é ɖe gbɛtɔ́ ɖokpó ɖo gbɛtɔ́ kanɖé wǒ (50) jí, bó ɖe kanlin ɖokpó ɖo kanlin kanɖé wǒ (50) jí, bó kplá yě jó nú Levíi ví e nɔ́ kpé nukún dó nɔtɛn Mawu Mavɔmavɔ tɔn ɔ́ wú, lě e Mawu Mavɔmavɔ ko ɖɔ n'i gbɔn é.

Kɛ́nsísɔ́ 8:19

Un ɖe Levíi ví lɛ́ɛ sín Izlayɛ́li ví ɖě lɛ́ɛ tɛ́ntin, bó sɔ́ yě jó nú Aalɔ́ɔn kpódó vǐ tɔn súnnu lɛ́ɛ kpó, bónú yě ná nɔ́ wa Izlayɛ́li ví lɛ́ɛ sín azɔ̌ ɖo Goxɔ ɔ́ mɛ, bó ná sá vɔ̌ e nɔ́ súnsún hwɛ ɔ́ ɖó ta yětɔn mɛ. Énɛ́ ɔ́, nú Izlayɛ́li ví lɛ́ɛ sɛkpɔ́ Mawu xwé ɔ́, nyladó ɖěbǔ ná kɔn dó yě jí ǎ.”

2 Timɔtée 4:2

Jlǎ Mawuxó; nɔ tɛ ɖɛ̌ jí, bó nɔ ɖɔ hwebǐnu; hwe ɔ́ nu nyɔ́ kpó é ma nyɔ́ kpó ɔ́, a nǎ nɔ́ jlá; a nǎ nɔ́ sɔ́ xomɛfífá dó kɛ nu dó nǔ wú nú mɛ, dó gbɛ́ nǔ nú mɛ, bó dó ná akɔ́nkpinkpan mɛ ɖo nǔkplɔ́nmɛ towe lɛ́ɛ mɛ.

1 Samuwɛ́li 6:19

Bɛti-Cɛmɛ́cinu lɛ́ɛ kpɔ́n akɔjijɛgbá Mawu Mavɔmavɔ tɔn ɔ́ mɛ, bɔ Mawu Mavɔmavɔ hu súnnu kanɖé gban (70) ɖo yě mɛ, bɔ to ɔ́ bǐ byɔ́ aluwɛ mɛ, ɖó Mawu Mavɔmavɔ sín alɔ wɛ jɛ yě wú.