Kɛ́nsísɔ́ 1:46 - MAWUXÓWÉMA

⁴⁶ Yě mɛ e sín kɛ́n Mɔyízi kpó Aalɔ́ɔn kpó, kpódó gǎn lɛ́ɛ kpó sɔ́ lɛ́ɛ bǐ bló adɔ̌kpo gban afɔwó-afɔtɛ́nwe kantɔn gban (603.550).

Kɛ́nsísɔ́ 1:46 Iomraidhean Croise

Bǐbɛ́mɛ 12:2

Un ná zé we dó bló akɔta ɖaxó ɖokpó ná, bó ná xo ɖɛ dó jǐ towe. Un ná bló bɔ nyǐkɔ towe ná yi jǐ, bɔ a nǎ nyí nyɔ̌ná nú mɛ ɖě lɛ́ɛ bǐ.

Bǐbɛ́mɛ 13:16

Un ná bló bɔ vǐvú towe lɛ́ɛ ná sukpɔ́ kɔ́gúdu ɖɔhun. Yě ná sukpɔ́ káká bɔ mɛɖé ná sixú xa yě ǎ, lě e è ma sixú xa kɔ́ e ɖo ayǐkúngban jí ɔ́ ǎ é ɖɔhun.

Bǐbɛ́mɛ 15:5

Ée Mawu Mavɔmavɔ ɖɔ mɔ̌ nú Ablámu ɔ́, é kplá ɛ sín goxɔ tɔn mɛ, bó ɖɔ n'i ɖɔ: “Kpɔ́n jǐnukúnsin; nú a sixú xa sunví lɛ́ɛ hǔn, xa.” É lɛ́ ɖɔ n'i ɖɔ: “Lě e vǐ towe lɛ́ɛ ná sukpɔ́ gbɔn ɔ́ nɛ́.”

Bǐbɛ́mɛ 17:6

Un ná bló bɔ vǐ towe lɛ́ɛ ná sukpɔ́, bó ná húzú akɔta gěgé; axɔ́sú gěgé ná tɔ́n ɖo vǐ towe lɛ́ɛ mɛ.

Bǐbɛ́mɛ 22:17

un ná xo ɖɛ dó jǐ we, bɔ vǐ towe lɛ́ɛ ná sukpɔ́ sunví e ɖo jǐnukúnsin lɛ́ɛ ɖɔhun; yě ná sukpɔ́ nyɛ̌kɛ́n e ɖo xutó ɔ́ ɖɔhun. Lě e vǐ towe lɛ́ɛ ná sukpɔ́ gbɔn ɔ́ nɛ́. Vǐ towe lɛ́ɛ ná ɖu ɖo kɛntɔ́ yětɔn lɛ́ɛ jí.

Bǐbɛ́mɛ 26:3

Nɔ to élɔ́ mɛ fí; un ná nɔ kpɔ́ xá we, bó ná xo ɖɛ dó jǐ towe, ɖó hwi kpó kúnkan towe lɛ́ɛ kpó wɛ un ná ayǐkúngban élɔ́ bǐ, bɔ akpá e un dó nú tɔ́ towe Ablaxámu, bó xwlé nyɛ ɖésú d'é jí ɔ́, un ná ɖe.

Bǐbɛ́mɛ 28:14

Vǐ towe lɛ́ɛ ná sukpɔ́ kɔ́gúdu ɖɔhun. Yě ná gba kpé ayǐkúngban ɔ́ jí sín zǎnzǎnhwe jí káká yi gbadahwe jí; sín totaligbé wá tofɔligbé, bɔ un ná xo ɖɛ dó akɔta e ɖo ayǐkúngban jí lɛ́ɛ bǐ jí, gbɔn hwi kpódó vǐ towe lɛ́ɛ kpó jí.

2 Samuwɛ́li 24:9

Jowabu ɖó lě e é sɔ́ mɛ lɛ́ɛ sín kɛ́n gbɔn ɔ́ sín gbe nú axɔ́sú ɔ́. É mɔ gbɛtɔ́ e hɛn ɔ́, é ná sixú yi fun ahwan ɔ́ adɔ̌kpo kanɖé (800.000) ɖo Izlayɛ́li, bó mɔ gbɛtɔ́ adɔ̌kpo koatɔ́n (500.000) ɖo Judáa.

1 Axɔ́sú 4:20

Togun Judáa tɔn ɔ́ kpó Izlayɛ́li tɔn ɔ́ kpó sukpɔ́ ɖésú, bó cí nyɛ̌kɛ́n e ɖo xutó ɔ́ ɖɔhun; yě nɔ́ mɔ nǔ ɖu, bó nɔ mɔ ahan nu, lobo vo ganjí.

1 Tan 21:5

Ée Jowabu lɛ́ kɔ wá Jeluzalɛ́mu ɔ́, é ɖó kɛ́n e é sɔ́ ɔ́ sín gbe nú Davídi. É mɔ gbɛtɔ́ e sixú yi fun ahwan lɛ́ɛ lǐvi ɖě adɔ̌kpo atɔ́ɔ́n (1.100.000) ɖo Izlayɛ́li, bó mɔ gbɛtɔ́ adɔ̌kpo ko-nukún-atɔn děgba we afɔwó (470.000) ɖo Judáa.

2 Tan 13:3

Abiya yi ahwan fun gbé kpódó ahwanfuntɔ́ syɛ́nsyɛ́n adɔ̌kpo ko (400.000) kpó. Jelobowámu ka kplá ahwanfuntɔ́ ɖaxó ɖaxó adɔ̌kpo kanɖé (800.000), bó kpé ahwan xá ɛ.

Tíntɔ́n 12:37

Hwenu e Izlayɛ́li ví lɛ́ɛ ɖo Ejípu ná tɔ́n sín wɛ ɔ́, yě sí te sín Hlamusɛ́si bó ɖidó Sukɔ́tu; yě yi súnnu adɔ̌kpo gban mɔ̌ (600.000), è ka xa yɔkpɔ́vú lɛ́ɛ ǎ.

Tíntɔ́n 38:26

Súnnu e ɖó xwe ko abǐ xwe ko jɛjí bɔ è sɔ́ kɛ́n yětɔn lɛ́ɛ ɖokpó ɖokpó ná kpatágan glǎmu atɔ́ɔ́n; yě mɛ e ná lɛ́ɛ bǐ kplékplé yi adɔ̌kpo gban afɔwó afɔ tɛ́nwe kantɔn gban jɛjí (603.550).

Kɛ́nsísɔ́ 1:45

Lě e Mɔyízi kpó Aalɔ́ɔn kpó, kpódó gǎn lɛ́ɛ kpó sɔ́ Izlayɛ́linu lɛ́ɛ sín kɛ́n ɖo akɔta lɛ́ɛ ɖokpó ɖokpó mɛ, hɛ̌nnu lɛ́ɛ ɖokpó ɖokpó mɛ, bɛ́ sín súnnu e kó ɖó xwe ko lɛ́ɛ jí, yi éé kó ɖó hú mɔ̌ lɛ́ɛ jí gbɔn ɔ́ nɛ́. Yě mɛ énɛ́ lɛ́ɛ bǐ wɛ kó su ahwan fun.

Kɛ́nsísɔ́ 11:21

Mɔyízi ɖɔ: “Togun e tɛ́ntin un ɖe ɔ́ bló súnnu adɔ̌kpo gban (600.000), bɔ a ka ɖɔ émí ná ná yě lan bɔ yě ná ɖu xɔ sun ɖokpó kpíkpé a!

Kɛ́nsísɔ́ 14:29

Mi bǐ wɛ ná kú ɖo gbětótló mɛ fí. Mi mɛ e è ko yí nyǐkɔ mitɔn, bó kó sɔ́ kɛ́n mitɔn, bɛ́ sín mɛ e ɖó xwe ko lɛ́ɛ jí, sɔ́ yi mɛ e ɖó hú mɔ̌ lɛ́ɛ jí ɔ́, mi bǐ wɛ ná kú, ɖó mi hlún nǔ ɖɔ dó wǔ ce.

Kɛ́nsísɔ́ 2:32

Izlayɛ́li ví e sín kɛ́n è sɔ́, ɖo hɛ̌nnu ɖokpó ɖokpó mɛ lɛ́ɛ nɛ́. Yě mɛ e sín kɛ́n è sɔ́, bɔ yě nyí ahwanfuntɔ́, bó ɖo ahwangɔnu ɔ́ mɛ lɛ́ɛ bǐ bló adɔ̌kpo gban afɔwó-afɔtɛ́nwe kantɔn gban (603.550).

Kɛ́nsísɔ́ 23:10

Mɛ̌ ká sixú xa Jakɔ́bu ví wɔ̌buwɔ́bú énɛ́ lɛ́ɛ, bó ná ɖɔ mɛ nabí e ɛnɛvlɔ́ɖó Izlayɛ́li ví lɛ́ɛ tɔn nyí é? Un byɔ́ ɖɔ má kú kú e hwɛjijɔnɔ lɛ́ɛ kú é. Un byɔ́ ɖɔ gbɛzán ce ní fó yědɛɛ lɛ́ɛ tɔn ɖɔhun.”

Kɛ́nsísɔ́ 26:51

Izlayɛ́li ví e sín kɛ́n è sɔ́ lɛ́ɛ nɛ́. Yě bǐ bló súnnu adɔ̌kpo gban afɔtántɔn kantɔn wǒ (601.730).

Sɛ́nflínmɛ 10:22

Tɔ́gbó mitɔn e yi Ejípu lɛ́ɛ sɔ́ hú kanɖé gban (70) ǎ. Égbé din ɔ́, Mawu Mavɔmavɔ, Mawu mitɔn bló bɔ mi sukpɔ́ winnini sunví e ɖo jǐxwé lɛ́ɛ ɖɔhun.