Kɛ́nsísɔ́ 1:4 - MAWUXÓWÉMA

⁴ Hɛ̌nnugán akɔta ɖokpó ɖokpó tɔn ná dó alɔ mi.

Kɛ́nsísɔ́ 1:4 Iomraidhean Croise

1 Axɔ́sú 8:1

Ée axɔ́sú Salomɔ́ɔ bló nǔ lɛ́ɛ fó ɔ́, é ylɔ́ tomɛxó Izlayɛ́li tɔn lɛ́ɛ, akɔtagán lɛ́ɛ bǐ, kpódó hɛ̌nnugán Izlayɛ́li tɔn lɛ́ɛ kpó, ɖɔ yě ní wá gɔ̌n émítɔn ɖo Jeluzalɛ́mu, bó ná yi zé akɔjijɛgbá Mawu Mavɔmavɔ tɔn ɔ́ sín Sinyɔ́ɔ, Davídi Toxo mɛ sɔ́ yi Mawu Mavɔmavɔ xwé gbe.

Tíntɔ́n 18:21

Kpɔ́n togun ɔ́ bǐ mɛ, bó cyán súnnu nukúnɖéjí e nɔ ɖó sísí nú Mawu, bó yí wǎn nú nǔgbó ɖiɖɔ lobo ma nɔ yí wǎn nú nǔ ɖu ɖo nǔ mɛ ǎ lɛ́ɛ; sɔ́ yě dó ɖó gǎn ɖo togun ɔ́ nu: a nǎ sɔ́ mɛɖě ɖó gbɛtɔ́ afatɔ́n (1.000) nu, bó ná sɔ́ mɛɖě ɖó gbɛtɔ́ kanwe ko (100) nu, bó ná sɔ́ mɛɖě ɖó gbɛtɔ́ kanɖé wǒ (50) nu, bó ná sɔ́ mɛɖě ɖó gbɛtɔ́ wǒ nu.

Tíntɔ́n 18:25

É cyán gbɛtɔ́ nukúnɖéjí lɛ́ɛ ɖo togun ɔ́ mɛ, bó zé yě ɖó togun ɔ́ nu: é zé mɛɖě ɖó gbɛtɔ́ afatɔ́n (1.000) nu, bó zé mɛɖě ɖó gbɛtɔ́ kanwe ko (100) nu, bó zé mɛɖě ɖó gbɛtɔ́ kanɖé wǒ (50) nu, lobo zé mɛɖě ɖó gbɛtɔ́ wǒ nu.

Kɛ́nsísɔ́ 1:16

Hɛ̌nnugán énɛ́ lɛ́ɛ e è sɔ́ ɖo togun ɔ́ mɛ lɛ́ɛ lɛ́ nyí ahwangán Izlayɛ́li tɔn.

Kɛ́nsísɔ́ 1:44

Mɛ e sín kɛ́n Mɔyízi kpó Aalɔ́ɔn kpó, kpódó hɛ̌nnugán wěwe e yě ɖe ɖo togun ɔ́ mɛ lɛ́ɛ kpó sɔ́ lɛ́ɛ nɛ́. Yě mɛ wěwe énɛ́ lɛ́ɛ wɛ sɔ́ akɔta wěwe lɛ́ɛ sín afɔ ɖó te.

Kɛ́nsísɔ́ 17:3

Đó zǎlínkpɔ́nfyɔ́nú énɛ́ lɛ́ɛ na bo nyí mɛ e hu hwɛ bó kú lɛ́ɛ tɔn ɔ́, nyɛ Mawu Mavɔmavɔ ɔ́ wɛ è sɔ́ xwlé. È nǎ fɔ yě dó tun gan gbajagbaja ɖé ná, bó ná fɔ cyɔ́n vɔ̌sákpe ɔ́, bɔ yě ná nyí flǐn ɖé nú Izlayɛ́li ví lɛ́ɛ.”

Kɛ́nsísɔ́ 25:14

Izlayɛ́li ví e è hu kpó nyɔ̌nu Madiáani ɔ́ kpó ɔ́ nɔ́ nyí Zimuli, bo nyí Salu ví. Hɛ̌nnugán ɖokpó wɛ é nyí ɖo akɔta Sinmɛnyɔ́ɔ tɔn mɛ.

Kɛ́nsísɔ́ 25:4

bó ɖɔ nú Mɔyízi ɖɔ: “Kplé togun Izlayɛ́li tɔn ɔ́ sín gǎn lɛ́ɛ bǐ, bó dó kan kɔ nú yě ɖo nyɛ Mawu Mavɔmavɔ nukɔn ɖo hwesivɔ́nu cíɖíɖí. Énɛ́ ɔ́, xomɛ ɖaxó e un sin dó mi ɔ́ ná fá.”

Kɛ́nsísɔ́ 30:1

Mɔyízi ɖɔ nǔ e Mawu Mavɔmavɔ ɖɔ n'i lɛ́ɛ bǐ nú Izlayɛ́li ví lɛ́ɛ.

Kɛ́nsísɔ́ 4:34

Mɔyízi kpódó Aalɔ́ɔn kpó, kpódó kplékplé Izlayɛ́li tɔn ɔ́ sín gǎn lɛ́ɛ kpó sɔ́ Kexáti ví lɛ́ɛ sín kɛ́n; yě sɔ́ hɛ̌nnu nabí e ɖo akɔta ɔ́ mɛ lɛ́ɛ sín kɛ́n, bó sɔ́ gbɛtɔ́ nabí e ɖo hɛ̌nnu ɖokpó ɖokpó mɛ ɔ́ sín kɛ́n.

Kɛ́nsísɔ́ 7:2

Ée é bló mɔ̌ é ɔ́, hɛ̌nnugán e sɔ́ akɔta Izlayɛ́li ví lɛ́ɛ tɔn sín afɔ ɖó te lɛ́ɛ sɛkpɔ́. Yědɛɛ lɛ́ɛ wɛ sɔ́ Izlayɛ́li ví lɛ́ɛ sín kɛ́n xá yě.

Sɛ́nflínmɛ 1:15

Énɛ́ ɔ́, un cyán gbɛtɔ́ nǔnywɛ́tɔ́, gbɛtɔ́ e è sixú ɖe kúnnu ɖagbe ná, bɔ yě kó ɖó azɔ̌, bó nɔ́ wa ɖo akɔta mitɔn lɛ́ɛ mɛ lɛ́ɛ. Un zé mɛ ɖě ɖó gbɛtɔ́ afatɔ́n (1.000) nu, bó zé mɛ ɖě ɖó gbɛtɔ́ kanwe ko (100) nu; mɛ ɖě kpa acɛ dó gbɛtɔ́ kanɖé wǒ (50) abǐ wǒ nu? Un zɔ́n mɛ ɖě lɛ́ɛ ɖɔ yě ní cɔ́ mɛ lɛ́ɛ ɖo akɔta ɖokpó ɖokpó mɛ.

Jozuwée 22:14

Gǎn togun ɔ́ tɔn wǒ xwedó e. È ɖe mɛ ɖokpó ɖokpó ɖo akɔta ɖokpó ɖokpó mɛ. Hɛ̌nnugán wɛ yě bǐ nyí ɖo xwédo Izlayɛ́li tɔn lɛ́ɛ nu.