Kɛ́nsísɔ́ 1:36 - MAWUXÓWÉMA

³⁶ Yě sɔ́ Bɛnjamɛ́ɛ sín vǐ súnnu lɛ́ɛ sín kɛ́n. Yě sɔ́ hɛ̌nnu nabí e ɖo akɔta ɔ́ mɛ lɛ́ɛ sín kɛ́n, bó sɔ́ gbɛtɔ́ nabí e ɖo hɛ̌nnu ɖokpó ɖokpó mɛ ɔ́ sín kɛ́n. Súnnu e kó ɖó xwe ko lɛ́ɛ kpódó éé kó ɖó hú mɔ̌, bó kó su ahwan fun lɛ́ɛ kpó ɖokpó ɖokpó sín kɛ́n wɛ yě sɔ́.

Kɛ́nsísɔ́ 1:36 Iomraidhean Croise

Bǐbɛ́mɛ 44:20

Mǐ ká yí gbe ɖɔ tɔ́ mǐtɔn kpo ɖo gbɛ, bó ká kó kpo. Mǐ ká ɖó nɔví súnnu kpɛví ɖokpó, bɔ tɔ́ mǐtɔn ji ɖo kpikpoxɔmɛ. Nɔví mǐtɔn énɛ́ ɔ́ ɖó fofó ɖokpó bɔ é nyí nɔ tɔn sín vǐ; é ká kó kú. É wá kpo é ɖokpónɔ bɔ tɔ́ mǐtɔn yí wǎn n'i.

Bǐbɛ́mɛ 46:21

Bɛnjamɛ́ɛ lɔ wá, é kpó vǐ tɔn súnnu lɛ́ɛ kpó; vǐ tɔn lɛ́ɛ sín nyǐkɔ ɖíe: Bɛ́la, Bɛkɛ́ɛ, Acibɛ́li, Gela, Naamáni, Ehi, Hlɔci, Mupímu, Hupímu kpó Aadi kpó.

Bǐbɛ́mɛ 49:27

Bɛnjamɛ́ɛ ɔ́, hla lanwlíɖutɔ́ wɛ é nyí. É nɔ́ wlí lan ɖu zǎnzǎn, bɔ é jɛ gbadanu ɔ́, é nɔ́ má nǔ e é wlí lɛ́ɛ.”

2 Tan 17:17

Ahwangán ɖaxó ɖaxó e ɖo akɔta Bɛnjamɛ́ɛ tɔn mɛ lɛ́ɛ ɖíe: ahwanfuntɔ́ syɛ́nsyɛ́n Eliyada. É kpa acɛ dó ahwanfuntɔ́ adɔ̌kpo wǒ nu (200.000).

Kɛ́nsísɔ́ 1:35

Súnnu e sín kɛ́n yě sɔ́ ɖo Manasée sín akɔta mɛ lɛ́ɛ bló súnnu adɔ̌kpo ɖě děgba atɔn afɔɖé (32.200).

Kɛ́nsísɔ́ 1:37

Súnnu e sín kɛ́n yě sɔ́ ɖo Bɛnjamɛ́ɛ sín akɔta mɛ lɛ́ɛ bló súnnu adɔ̌kpo ɖě děgba atɔn afɔwó-afɔtɛ́nwe (35.400).

Nǔɖexlɛ́mɛ 7:8

děgba atɔn (12.000) ɖo akɔta Zabulɔ́ɔn tɔn mɛ, děgba atɔn (12.000) ɖo akɔta Jozɛ́fu tɔn mɛ, děgba atɔn (12.000) ɖo akɔta Bɛnjamɛ́ɛ tɔn mɛ.

Hwɛɖɔtɔ́ 20:15

Gbe énɛ́ ɔ́ gbe ɔ́, Bɛnjamɛ́ɛ sín sɔ́ja e gosín toxo yětɔn lɛ́ɛ bǐ mɛ wá, bó nyɔ́ hwǐ zǎn ganjí lɛ́ɛ ɔ́, adɔ̌kpo ɖě děgba ɖě afɔwó (26.000) wɛ è xa yě dó; è ka xa Giveyanu lɛ́ɛ d'é mɛ ǎ; sɔ́ja yědɛɛ lɛ́ɛ tɔn e syɛ́n ganjí lɛ́ɛ bló nǔwɔntɔn kanwe ko (700).