Kɛ́nsísɔ́ 1:33 - MAWUXÓWÉMA

³³ Súnnu e sín kɛ́n yě sɔ́ ɖo Eflayímu sín akɔta mɛ lɛ́ɛ bló súnnu adɔ̌kpo we afɔwe kanwe ko (40.500).

Kɛ́nsísɔ́ 1:33 Iomraidhean Croise

Bǐbɛ́mɛ 48:19

Tɔ́ tɔn ká gbɛ́, bó ɖɔ: “Un tunwun mɔ̌ hǔn, vǐ ce, un tunwun ganjí; é ɖésú ná wá nyí togun ɖokpó, é ɖésú ná nyí togun ɖaxó. Amɔ̌, nɔví tɔn kpɛví ɔ́ sín togun ná hú gǎn éyɛ́ tɔn, bɔ vǐ tɔn lɛ́ɛ ná húzú akɔta wɔ̌buwɔ́bú ɖé.”

Bǐbɛ́mɛ 48:5

Jakɔ́bu lɛ́ ɖɔ nú Jozɛ́fu ɖɔ: “Din ɔ́, vǐ súnnu we e a ko ji ɖo Ejípu fí cóbɔ un wá gɔ̌n towe lɛ́ɛ ɔ́, vǐ ce lɛ́ɛ wɛ yě nyí, Hwlibɛ́ni kpó Sinmɛnyɔ́ɔ kpó ɖɔhun.

Kɛ́nsísɔ́ 1:32

Yě sɔ́ Eflayímu sín vǐ súnnu lɛ́ɛ sín kɛ́n, ɖo Jozɛ́fu ví lɛ́ɛ mɛ. Yě sɔ́ hɛ̌nnu nabí e ɖo akɔta ɔ́ mɛ lɛ́ɛ sín kɛ́n, bó sɔ́ gbɛtɔ́ nabí e ɖo hɛ̌nnu ɖokpó ɖokpó mɛ ɔ́ sín kɛ́n. Súnnu e kó ɖó xwe ko, kpódó éé kó ɖó hú mɔ̌, bó ko su ahwan fun lɛ́ɛ kpó ɖokpó ɖokpó sín kɛ́n wɛ yě sɔ́.

Kɛ́nsísɔ́ 1:34

Yě sɔ́ Manasée sín vǐ súnnu lɛ́ɛ sín kɛ́n; yě sɔ́ hɛ̌nnu nabí e ɖo akɔta ɔ́ mɛ lɛ́ɛ sín kɛ́n, bó sɔ́ gbɛtɔ́ nabí e ɖo hɛ̌nnu ɖokpó ɖokpó mɛ ɔ́ sín kɛ́n. Súnnu e kó ɖó xwe ko lɛ́ɛ kpódó éé kó ɖó hú mɔ̌, bó kó su ahwan fun lɛ́ɛ kpó sín kɛ́n wɛ yě sɔ́.

Kɛ́nsísɔ́ 2:19

Súnnu adɔ̌kpo we afɔwe kanwe ko (40.500) sín kɛ́n wɛ è sɔ́, bɔ yě nyí ahwanfuntɔ́ tɔn lɛ́ɛ.

Kɛ́nsísɔ́ 26:37

Eflayímu ví súnnu lɛ́ɛ sín xwédo lɛ́ɛ nɛ́. Yě bló súnnu adɔ̌kpo ɖě děgba atɔn afɔwe kanwe ko (32.500). Jozɛ́fu sín vǐ lɛ́ɛ bǐ wɛ ɖo akɔta we énɛ́ lɛ́ɛ mɛ.

Sɛ́nflínmɛ 33:17

Jɛlijɛli nú Jozɛ́fu! É dó hlɔ̌nhlɔ́n nyibúsú ɖɔhun. É ɖó zo jangan jangan we agbo ɖɔhun, bó nɔ́ zé dó xo akɔta lɛ́ɛ ná, bó nɔ́ nya togun lɛ́ɛ sín ayǐkúngban ɔ́ jí káká yi fí e gbɛ ɔ́ kponu ɖó é. Zo lɛ́ɛ ɖokpó nyí Eflayímu ví wɔ̌buwɔ́bú lɛ́ɛ, zo wegɔ́ ɔ́, Manasée sín ahwangɔnu tobutóbú lɛ́ɛ wɛ.”