Kɛ́nsísɔ́ 1:32 - MAWUXÓWÉMA

³² Yě sɔ́ Eflayímu sín vǐ súnnu lɛ́ɛ sín kɛ́n, ɖo Jozɛ́fu ví lɛ́ɛ mɛ. Yě sɔ́ hɛ̌nnu nabí e ɖo akɔta ɔ́ mɛ lɛ́ɛ sín kɛ́n, bó sɔ́ gbɛtɔ́ nabí e ɖo hɛ̌nnu ɖokpó ɖokpó mɛ ɔ́ sín kɛ́n. Súnnu e kó ɖó xwe ko, kpódó éé kó ɖó hú mɔ̌, bó ko su ahwan fun lɛ́ɛ kpó ɖokpó ɖokpó sín kɛ́n wɛ yě sɔ́.

Kɛ́nsísɔ́ 1:32 Iomraidhean Croise

Bǐbɛ́mɛ 30:24

É sun nyǐ vǐ ɔ́ ɖɔ Jozɛ́fu; Jozɛ́fu sín tínmɛ wɛ nyí “Mawu Mavɔmavɔ ná gɔ́ ná”, bó ɖɔ: “Mawu Mavɔmavɔ ní ná súnnuví ɖěvo mì gɔ́ ná.”

Bǐbɛ́mɛ 46:20

Asenáti, vǐ nyɔ̌nu Poti-Fela hunnɔ Ɔnu toxo ɔ́ tɔn ɔ́, vǐ súnnu we wɛ é ji nú Jozɛ́fu ɖo Ejípu; nyǐkɔ yětɔn ɖíe: Manasée kpó Eflayímu kpó.

Jelemíi 7:15

Un ná nya mi dó zɔ, lě e un nya nɔví mitɔn Eflayímu ví énɛ́ lɛ́ɛ bǐ gbɔn é.”

Abudiyási 1:19

Mɛ e ɖo tofɔligbé lɛ́ɛ ná yí Esawu só ɔ́. Mɛ e ɖo ayǐkúngban wɛnjɛ jí lɛ́ɛ ná yí Filisitɛ́ɛn lɛ́ɛ sín to. Izlayɛ́linu lɛ́ɛ ná yí Eflayímu kpó Samalíi kpó sín ayǐkúngban, bɔ Bɛnjamɛ́ɛ ná yí Galadi.

Kɛ́nsísɔ́ 1:31

Súnnu e sín kɛ́n yě sɔ́ ɖo Zabulɔ́ɔn sín akɔta mɛ lɛ́ɛ bló súnnu adɔ̌kpo we děgba ɛnɛ afɔtɛ́nwe (57.400).

Kɛ́nsísɔ́ 1:33

Súnnu e sín kɛ́n yě sɔ́ ɖo Eflayímu sín akɔta mɛ lɛ́ɛ bló súnnu adɔ̌kpo we afɔwe kanwe ko (40.500).

Sɛ́nflínmɛ 33:13

Xó e Mɔyízi ɖɔ dó Jozɛ́fu ví lɛ́ɛ wú é ɖíe: “Mawu Mavɔmavɔ dó acɛ ayǐkúngban yětɔn jí: ahǔn nɔ́ ja dó ayǐkúngban yětɔn jí sín jǐxwé, bɔ sin nɔ tɔ́n sín ayǐkúngban glɔ́.

Sɛ́nflínmɛ 33:17

Jɛlijɛli nú Jozɛ́fu! É dó hlɔ̌nhlɔ́n nyibúsú ɖɔhun. É ɖó zo jangan jangan we agbo ɖɔhun, bó nɔ́ zé dó xo akɔta lɛ́ɛ ná, bó nɔ́ nya togun lɛ́ɛ sín ayǐkúngban ɔ́ jí káká yi fí e gbɛ ɔ́ kponu ɖó é. Zo lɛ́ɛ ɖokpó nyí Eflayímu ví wɔ̌buwɔ́bú lɛ́ɛ, zo wegɔ́ ɔ́, Manasée sín ahwangɔnu tobutóbú lɛ́ɛ wɛ.”