Kɛ́nsísɔ́ 1:3 - MAWUXÓWÉMA

³ Mi ná sɔ́ súnnu e ko ɖó xwe bɛ́ sín ko, kpódó ée kó ɖó hú mɔ̌, bó sixú fun ahwan lɛ́ɛ kpó sín kɛ́n; hwi kpódó Aalɔ́ɔn kpó ná xwedó ahwangɔnu yětɔn yětɔn, bó dó sɔ́ kɛ́n yětɔn.

Kɛ́nsísɔ́ 1:3 Iomraidhean Croise

2 Samuwɛ́li 24:9

Jowabu ɖó lě e é sɔ́ mɛ lɛ́ɛ sín kɛ́n gbɔn ɔ́ sín gbe nú axɔ́sú ɔ́. É mɔ gbɛtɔ́ e hɛn ɔ́, é ná sixú yi fun ahwan ɔ́ adɔ̌kpo kanɖé (800.000) ɖo Izlayɛ́li, bó mɔ gbɛtɔ́ adɔ̌kpo koatɔ́n (500.000) ɖo Judáa.

1 Tan 5:18

Akɔta Hwlibɛ́ni tɔn, Gadi tɔn kpódó akɔta vlɔ́ Manasée tɔn kpó ɖó ahwanfuntɔ́ syɛ́nsyɛ́n ɖé lɛ́ɛ; yě tunwun ahwanzɔ́; yě nyɔ́ gǎglónú kpó hwǐ kpó gǎ kpó zán, bó ɖo gbesisɔ mɛ bo ná yi ahwangbénu. Yě mɛ ahwanfuntɔ́ syɛ́nsyɛ́n énɛ́ lɛ́ɛ bló gbɛtɔ́ adɔ̌kpo we děgba ɖě nǔwɔntɔn kɛnnɛ (44.760).

2 Tan 25:5

Amasiyasi kplé súnnu e ɖo axɔ́súɖuto tɔn mɛ lɛ́ɛ, Judáanu kpó Bɛnjamɛ́ɛnu kpó, bó kpɔ́n hɛ̌nnu lɛ́ɛ mɛ, bó ɖe sɔ́ja afatɔ́ngán lɛ́ɛ kpó kanwekogán lɛ́ɛ kpó. È xa súnnu e sín xwe bɛ́ sín ko lɛ́ɛ bǐ, bó xa yě dó adɔ̌kpo afɔtɔn (300.000). Yě bǐ ko su ahwan yi bo nyɔ́ hwǎn kpó gǎglónú kpó zán.

Tíntɔ́n 12:17

“Mi ná ɖu wɔ̌xúxú e mɛ è ma dó tɔ́n ǎ ɔ́ sín xwe énɛ́ ɔ́ xwewú xwewú; ɖó gbe énɛ́ ɔ́ gbe wɛ un ɖe mi tɔ́n sín Ejípu. Mi ná nɔ́ flín azǎn énɛ́ ɔ́, bó ná nɔ́ nyi ɖo jijimɛ ɖokpó ɖokpó mɛ; é ná nyí sɛ́n nú vǐ mitɔn lɛ́ɛ.

Tíntɔ́n 30:14

Izlayɛ́li ví súnnu e kó ɖó xwe ko abǐ éé kó ɖó hú mɔ̌ bɔ a sɔ́ kɛ́n yětɔn lɛ́ɛ bǐ wɛ ná sú akwɛ́ énɛ́.

Tíntɔ́n 38:26

Súnnu e ɖó xwe ko abǐ xwe ko jɛjí bɔ è sɔ́ kɛ́n yětɔn lɛ́ɛ ɖokpó ɖokpó ná kpatágan glǎmu atɔ́ɔ́n; yě mɛ e ná lɛ́ɛ bǐ kplékplé yi adɔ̌kpo gban afɔwó afɔ tɛ́nwe kantɔn gban jɛjí (603.550).

Kɛ́nsísɔ́ 14:29

Mi bǐ wɛ ná kú ɖo gbětótló mɛ fí. Mi mɛ e è ko yí nyǐkɔ mitɔn, bó kó sɔ́ kɛ́n mitɔn, bɛ́ sín mɛ e ɖó xwe ko lɛ́ɛ jí, sɔ́ yi mɛ e ɖó hú mɔ̌ lɛ́ɛ jí ɔ́, mi bǐ wɛ ná kú, ɖó mi hlún nǔ ɖɔ dó wǔ ce.

Kɛ́nsísɔ́ 26:2

“Mi sɔ́ Izlayɛ́li ví lɛ́ɛ bǐ sín kɛ́n; mi ná xwedó hɛ̌nnu yětɔn lɛ́ɛ, bó ná sɔ́ súnnu e kó ɖó xwe ko lɛ́ɛ kpódó éé kó ɖó hú mɔ̌ bó sixú fun ahwan lɛ́ɛ bǐ kpó sín kɛ́n.”

Kɛ́nsísɔ́ 3:15

“Sɔ́ Levíi ví súnnu lɛ́ɛ sín kɛ́n; sɔ́ hɛ̌nnu nabí e ɖo akɔta ɔ́ mɛ lɛ́ɛ sín kɛ́n. A nǎ sɔ́ súnnu e ɖó sun ɖokpó lɛ́ɛ, kpódó éé ɖó hú mɔ̌ lɛ́ɛ bǐ kpó sín kɛ́n.”

Kɛ́nsísɔ́ 32:11

‘Mɛ élɔ́ lɛ́ɛ e gosín Ejípu lɛ́ɛ ɔ́, yě mɛ e ɖó xwe ko lɛ́ɛ kpó yě mɛ e ɖó hú mɔ̌ lɛ́ɛ kpó ɖěbǔ ná mɔ ayǐkúngban e sín akpá un dó nú Ablaxámu, Izáki, kpódó Jakɔ́bu kpó ɔ́ ǎ. Đó yě nɔ gbejí nú mì yi kpé ǎ.

Kɛ́nsísɔ́ 33:1

Fí tɛnmɛ tɛnmɛ e Izlayɛ́li ví lɛ́ɛ gbɔn hwenu e yě gosín Ejípu kpó ahwangɔnu yětɔn lɛ́ɛ kpó, bɔ Mɔyízi kpó Aalɔ́ɔn kpó nɔ nukɔn nú yě lɛ́ɛ ɖíe:

Kɛ́nsísɔ́ 4:3

Mi ná sɔ́ kɛ́n yětɔn bɛ́ sín yě mɛ e ɖó xwe gban (30) lɛ́ɛ, kpódó yě mɛ e ɖó hú mɔ̌ lɛ́ɛ kpó jí káká yi jɛ yě mɛ e ɖó xwe kanɖé wǒ (50) lɛ́ɛ jí. Yědɛɛ lɛ́ɛ wɛ ná nɔ́ wa azɔ̌ ɖé lɛ́ɛ ɖo Goxɔ ɔ́ mɛ.

Sɛ́nflínmɛ 24:5

Mɛ e da asi yɔ̌yɔ́ ɔ́ ná yi ahwan ǎ. È ka nǎ wá dó tagba ɖěbǔ n'i ɖo xwé tɔn gbe ǎ; è nǎ zɔ́n nǔ ɖěbǔ i ǎ káká nú xwe ɖokpó, bɔ é ná kpé nukún dó xwé tɔn wú, bɔ asi tɔn ná ɖu asú gbɛ.

Sɛ́nflínmɛ 3:18

“Hwenɛ́nu ɔ́, un ɖɔ nú akɔta Hwlibɛ́ni tɔn, Manasée tɔn kpódó Gadi tɔn kpó ɖɔ: ‘Mawu Mavɔmavɔ, Mawu mitɔn ná to élɔ́ mi, bɔ é nyí mitɔn. É ká ɖo mɔ̌ có, mi ahwanfuntɔ́ lɛ́ɛ bǐ ní fɔ ahwanfunnú, bó nɔ nukɔn nú nɔví mitɔn Izlayɛ́li ví ɖě lɛ́ɛ bó ná gɔ́ alɔ nú yě.