Kɛ́nsísɔ́ 1:26 - MAWUXÓWÉMA

²⁶ Yě sɔ́ Judáa sín vǐ súnnu lɛ́ɛ sín kɛ́n. Yě sɔ́ hɛ̌nnu nabí e ɖo akɔta ɔ́ mɛ lɛ́ɛ sín kɛ́n, bó sɔ́ gbɛtɔ́ nabí e ɖo hɛ̌nnu ɖokpó ɖokpó mɛ ɔ́ sín kɛ́n. Súnnu e ko ɖó xwe ko, kpódó éé kó ɖó hú mɔ̌, bó ko su ahwan fun lɛ́ɛ kpó ɖokpó ɖokpó sín kɛ́n wɛ yě sɔ́.

Kɛ́nsísɔ́ 1:26 Iomraidhean Croise

Bǐbɛ́mɛ 29:35

É lɛ́ mɔ xo ɖěvo, bó ji vǐ súnnu ɖokpó, bó ɖɔ: “Din tɔn ɔ́, un ná kpa Mawu Mavɔmavɔ.” Énɛ́ wú wɛ é sun nyǐ vǐ ɔ́ ɖɔ Judáa; Judáa sín tínmɛ wɛ nyí “kpikpa”. Énɛ́ ɔ́ gúdo ɔ́, é sɔ́ ji vǐ ɖě ǎ.

Bǐbɛ́mɛ 46:12

Judáa wá, é kpó vǐ tɔn lɛ́ɛ kpó. Vǐ tɔn lɛ́ɛ sín nyǐkɔ ɖíe: Ɛ́ɛ, Ɔɔnáni, Cela, Pɛlɛ́si kpó Zeláxi kpó. Amɔ̌, Ɛ́ɛ kpó Ɔɔnáni kpó wá ǎ; yědɛɛ lɛ́ɛ kú ɖo Kanáa. Pɛlɛ́si wá, é kpó vǐ tɔn lɛ́ɛ kpó; vǐ tɔn lɛ́ɛ sín nyǐkɔ ɖíe: Ɛslɔ́ni kpó Hamúlu kpó.

2 Samuwɛ́li 24:9

Jowabu ɖó lě e é sɔ́ mɛ lɛ́ɛ sín kɛ́n gbɔn ɔ́ sín gbe nú axɔ́sú ɔ́. É mɔ gbɛtɔ́ e hɛn ɔ́, é ná sixú yi fun ahwan ɔ́ adɔ̌kpo kanɖé (800.000) ɖo Izlayɛ́li, bó mɔ gbɛtɔ́ adɔ̌kpo koatɔ́n (500.000) ɖo Judáa.

1 Tan 5:2

Judáa ɔ́ wɛ nyí mɛ syɛ́nsyɛ́n e ɖo nɔví tɔn lɛ́ɛ mɛ é. Kún tɔn mɛ wɛ Izlayɛ́li xɔ́sú ɖokpó jɔ ɖe. Amɔ̌, Jozɛ́fu wɛ ɖó vǐɖaxó sín acɛ ɔ́.

Ɖɛhan 78:68

lo ɔ́, é sɔ́ akɔta Judáa tɔn, Sinyɔ́ɔ e é yí wǎn ná é.

Kɛ́nsísɔ́ 1:25

Súnnu e sín kɛ́n yě sɔ́ ɖo Gadi sín akɔta mɛ lɛ́ɛ bló súnnu adɔ̌kpo we děgba ɖě afɔtántɔn kanɖé wǒ (45.650).

Kɛ́nsísɔ́ 1:27

Súnnu e sín kɛ́n yě sɔ́ ɖo akɔta Judáa tɔn mɛ ɔ́ bló súnnu adɔ̌kpo atɔn děgba atɔn afɔwó nǔwɔntɔn (74.600).

Matíe 1:2

Ablaxámu ji Izáki, Izáki ka ji Jakɔ́bu, bɔ Jakɔ́bu ji Juda kpódó nɔví tɔn lɛ́ɛ kpó.