Kɛ́nsísɔ́ 1:20 - MAWUXÓWÉMA

²⁰ Mɔyízi kpó Aalɔ́ɔn kpó, kpódó gǎn lɛ́ɛ kpó sɔ́ Hwlibɛ́ni, nukɔngbéví Izlayɛ́li tɔn ɔ́ sín vǐ súnnu lɛ́ɛ sín kɛ́n. Yě sɔ́ hɛ̌nnu nabí e ɖo akɔta ɔ́ mɛ lɛ́ɛ sín kɛ́n, bó sɔ́ gbɛtɔ́ nabí e ɖo hɛ̌nnu ɖokpó ɖokpó mɛ lɛ́ɛ sín kɛ́n. Súnnu e kó ɖó xwe ko kpódó ée ɖó hú mɔ̌, bó kó su ahwan fun lɛ́ɛ kpó ɖokpó ɖokpó sín kɛ́n wɛ yě sɔ́.

Kɛ́nsísɔ́ 1:20 Iomraidhean Croise

Bǐbɛ́mɛ 29:32

Énɛ́ ɔ́, Lěya mɔ xo bó ji vǐ súnnu ɖokpó, bó sun nyǐ i ɖɔ Hwlibɛ́ni, Hwlibɛ́ni sín tínmɛ wɛ nyí “É mɔ”, ɖó é ɖo ɖiɖɔ wɛ ɖɔ: “Mawu Mavɔmavɔ mɔ ɖɔ è ɖe mì kpo nǔgbó. Asú ce ná yí wǎn nú mì lo.”

Bǐbɛ́mɛ 35:23

Vǐ súnnu e Lěya ji n'i lɛ́ɛ ɖíe: Hwlibɛ́ni, Sinmɛnyɔ́ɔ, Levíi, Judáa, Isakáa, kpó Zabulɔ́ɔn kpó. Hwlibɛ́ni wɛ nyí nukɔngbéví Jakɔ́bu tɔn.

Bǐbɛ́mɛ 46:9

Hwlibɛ́ni wá, é kpó vǐ tɔn lɛ́ɛ kpó; vǐ lɛ́ɛ sín nyǐkɔ ɖíe: Hanɔki, Palúu, Ɛslɔ́ni kpó Kaamíi kpó.

1 Tan 5:1

Hwlibɛ́ni wɛ nyí nukɔngbéví Izlayɛ́li tɔn. É wɛ nyí nukɔngbéví, amɔ̌, é wá ɖó xó xá tɔ́ tɔn sín asi bɔ è yǐ vǐɖaxó sín acɛ e é ɖó ɔ́ sín así tɔn, bó zé nú Jozɛ́fu ví lɛ́ɛ. Hǔn hwenu e è sɔ́ kɛ́n yětɔn ɔ́, è wlǎn ɖɔ Hwlibɛ́ni nyí vǐɖaxó ǎ.

Kɛ́nsísɔ́ 1:21

Súnnu e sín kɛ́n yě sɔ́ ɖo akɔta Hwlibɛ́ni tɔn mɛ lɛ́ɛ bló súnnu adɔ̌kpo we děgba ɖě afɔwó-afɔwe kanwe ko (46.500).