Kɛ́nsísɔ́ 1:2 - MAWUXÓWÉMA

² “Hwi kpó Aalɔ́ɔn kpó ní sɔ́ togun Izlayɛ́li tɔn ɔ́ bǐ sín kɛ́n. Mi ná xwedó hɛ̌nnu yětɔn lɛ́ɛ, bó ná xwedó xwédo tɔ́ yětɔn lɛ́ɛ tɔn, bó ná ylɔ́ súnnu lɛ́ɛ ɖokpó ɖokpó sín nyǐkɔ bó sɔ́ kɛ́n yětɔn.

Kɛ́nsísɔ́ 1:2 Iomraidhean Croise

Tíntɔ́n 12:37

Hwenu e Izlayɛ́li ví lɛ́ɛ ɖo Ejípu ná tɔ́n sín wɛ ɔ́, yě sí te sín Hlamusɛ́si bó ɖidó Sukɔ́tu; yě yi súnnu adɔ̌kpo gban mɔ̌ (600.000), è ka xa yɔkpɔ́vú lɛ́ɛ ǎ.

Tíntɔ́n 30:12

“Hwenu e a nǎ sɔ́ Izlayɛ́li ví lɛ́ɛ sín kɛ́n ɔ́, mɛ ɖokpó ɖokpó ná sú takwɛ́ ɖé mì dó hwlɛ́n gbɛ éɖée tɔn gán, bónú awě ɖěbǔ ní má xo mi ɖo kɛ́nsísɔ́ énɛ́ ɔ́ hwenu ó.

Tíntɔ́n 38:25

Kpatágan e mɛ e sín kɛ́n è sɔ́ lɛ́ɛ ná ɔ́, bǐ bló kilóo afɔwó-afatɔ́n afɔtɔn-nukún-we (3.017) kpó glǎmu nǔwɔntɔn kantɔn gban (750) kpó; gan e è nɔ dó da nǔ ná ɖo Mawu xwé gbe ɔ́ wɛ è zě dó da.

Tíntɔ́n 38:26

Súnnu e ɖó xwe ko abǐ xwe ko jɛjí bɔ è sɔ́ kɛ́n yětɔn lɛ́ɛ ɖokpó ɖokpó ná kpatágan glǎmu atɔ́ɔ́n; yě mɛ e ná lɛ́ɛ bǐ kplékplé yi adɔ̌kpo gban afɔwó afɔ tɛ́nwe kantɔn gban jɛjí (603.550).

Kɛ́nsísɔ́ 1:18

Énɛ́ ɔ́ gúdo ɔ́, yě ylɔ́ togun Izlayɛ́li tɔn ɔ́ bǐ kplé, ɖo sun wegɔ́ ɔ́ sín azǎn nukɔn tɔn ɔ́ gbe, bó sɔ́ mɛ e ko ɖó xwe ko lɛ́ɛ, kpódó mɛ ko ɖó hú mɔ̌ lɛ́ɛ kpó sín kɛ́n. Yě sɔ́ hɛ̌nnu nabí e ɖo akɔta ɖokpó ɖokpó mɛ ɔ́ sín kɛ́n, bó sɔ́ gbɛtɔ́ nabí e ɖo hɛ̌nnu ɖokpó ɖokpó mɛ ɔ́ sín kɛ́n,

Kɛ́nsísɔ́ 1:19

lě e Mawu Mavɔmavɔ ɖɔ nú Mɔyízi ɖɔ è nǐ bló gbɔn é. Gbětótló Sinayíi tɔn mɛ wɛ è xa mɛ lɛ́ɛ ɖe.

Kɛ́nsísɔ́ 1:22

Yě sɔ́ Sinmɛnyɔ́ɔ sín vǐ súnnu lɛ́ɛ sín kɛ́n. Yě sɔ́ hɛ̌nnu nabí e ɖo akɔta ɔ́ mɛ lɛ́ɛ sín kɛ́n, bó sɔ́ gbɛtɔ́ nabí e ɖo hɛ̌nnu lɛ́ɛ ɖokpó ɖokpó mɛ lɛ́ɛ sín kɛ́n. Súnnu e kó ɖó xwe ko kpódó ée kó ɖó hú mɔ̌, bó kó su ahwan fun lɛ́ɛ kpó ɖokpó ɖokpó sín kɛ́n wɛ yě sɔ́.