Kɛ́nsísɔ́ 1:18 - MAWUXÓWÉMA

¹⁸ Énɛ́ ɔ́ gúdo ɔ́, yě ylɔ́ togun Izlayɛ́li tɔn ɔ́ bǐ kplé, ɖo sun wegɔ́ ɔ́ sín azǎn nukɔn tɔn ɔ́ gbe, bó sɔ́ mɛ e ko ɖó xwe ko lɛ́ɛ, kpódó mɛ ko ɖó hú mɔ̌ lɛ́ɛ kpó sín kɛ́n. Yě sɔ́ hɛ̌nnu nabí e ɖo akɔta ɖokpó ɖokpó mɛ ɔ́ sín kɛ́n, bó sɔ́ gbɛtɔ́ nabí e ɖo hɛ̌nnu ɖokpó ɖokpó mɛ ɔ́ sín kɛ́n,

Kɛ́nsísɔ́ 1:18 Iomraidhean Croise

Ɛsidlási 2:59

Mɛ e lɛ́ kɔ sín kannumɔgbénu sín Tɛ́lu-Mɛláxi, Tɛ́lu-Xaaca, Kelúbi-Adidáni kpódó Imumɛ́ɛ kpó wá xwé lɛ́ɛ ɔ́, è ɖɔ xó ɖé dó xwédo yětɔn wú ǎ, è ka ɖɔ xó dó tɔ́gbó yětɔn lɛ́ɛ wú bónú è na dó tunwun ɖɔ Izlayɛ́li ví wɛ yě nyí ǎ.

Nɛɛmíi 7:61

Mɛ e lɛ́ kɔ sín kannumɔgbénu wá Tɛ́lu-Mɛláxi lɛ́ɛ kpó mɛ e wá Tɛlu-Xacaa lɛ́ɛ kpó, kpó mɛ e wá Kelúbi-Adidɔ́ni lɛ́ɛ kpó, kpó Imumɛ́ɛ lɛ́ɛ kpó lɛ́ɛ ɔ́, ée yě lɛ́ kɔ wá Jeluzalɛ́mu ɔ́, yě sɔ́ sixú ɖɔ kún é mɛ yě gosín é, bó ná dó ɖe xlɛ́ ɖɔ Izlayɛ́li ví wɛ émí nyí ǎ.

Tíntɔ́n 6:14

Izlayɛ́li ví lɛ́ɛ ɔ́, hɛ̌nnugán yětɔn lɛ́ɛ sín nyǐkɔ ɖíe: Jakɔ́bu ví nukɔntɔn Hwlibɛ́ni ɔ́, vǐ tɔn lɛ́ɛ sín nyǐkɔ ɖíe: Hanɔki, Palúu, Ɛslɔ́ni kpó Kaamíi kpó. Xwédo Hwlibɛ́ni tɔn lɛ́ɛ nɛ́.

Kɛ́nsísɔ́ 1:1

Xwe e bɔ dó xwe e mɛ Izlayɛ́li ví lɛ́ɛ gosín Ejípu ɔ́ wú ɔ́, ɖo sun tɔn wegɔ́ ɔ́ sín azǎn nukɔn tɔn ɔ́ gbe ɔ́, Mɔyízi ɖo Goxɔ ɔ́ mɛ, bɔ Mawu Mavɔmavɔ ɖɔ xó n'i ɖo gbětótló Sinayíi tɔn mɛ; é ɖɔ n'i ɖɔ:

Kɛ́nsísɔ́ 1:17

Mɔyízi kpódó Aalɔ́ɔn kpó sɔ́ mɛ énɛ́ lɛ́ɛ e è ɖe lɛ́ɛ gɔ́ nú yěɖée.

Eblée 7:3

Mɛlukisedɛ́ki ɔ́, è tunwun tɔ́ tɔn ǎ, è tunwun nɔ tɔn ǎ; è tunwun tɔ́gbó tɔn ɖěbǔ ǎ; è ka ɖɔ jiji tɔn abǐ kú tɔn xó ɖo fí ɖěbǔ ǎ; é cí Mawu ví ɔ́ ɖɔhun; é nyí vɔ̌sánú-xwlémawutɔ́ káká sɔ́yi.

Eblée 7:6

Mɛlukisedɛ́ki nyí Levíi ví ǎ, có é ka yí mǎɖówǒ ɖo Ablaxámu sí; é lɛ́ dó acɛ mɛ e Mawu dó akpá lɛ́ɛ ná ɔ́ jí.